ଜିଲ୍ଲା କୋର୍ଟ ପରିସରରେ ଆରମ୍ଭ ହେଲା ଇ – ସେବା କେନ୍ଦ୍ର ।
(ଜେ ବି ଏନ /ସୁଶିଲ କୁମାର) ୨୨/୧୨ /୨୦୨୦ ଅନୁଗୋଳ : ସଂପ୍ରତି ବିଜ୍ଞାନ ଓ ପ୍ରଯୁକ୍ତି ଯୁଗରେ ସାଧାରଣ ଲୋକଙ୍କ ପାଖରେ ନ୍ୟାୟ ପହଞ୍ଚାଇବା ଉଦ୍ଦେଶ୍ୟରେ ଆଜି ରାଜ୍ୟର ସମସ୍ତ ୩୦ଟି ଜିଲ୍ଲାରେ ଆରମ୍ଭ ହୋଇଛି ଇ – ସେବା କେନ୍ଦ୍ର । ଅନୁଗୋଳ କୋର୍ଟ ପରିସରରେ ଖୋଲିଥିବା ଏହି ଇ – ସେବା କେନ୍ଦ୍ରକୁ ଓଡିଶା ଉଚ୍ଚ ନ୍ୟାୟାଳୟର ମାନ୍ୟବର ନ୍ୟାୟମୂର୍ତ୍ତୀ ମହମ୍ମଦ ରଫିକ୍ ଭିଡିଓ କନଫରେନ୍ସ ମାଧ୍ୟମରେ ଉଦଘାଟନ କରିଛନ୍ତି। ମୋକଦ୍ଦମାରେ ସମ୍ପୃକ୍ତ ପକ୍ଷ ଯେପରି ନ୍ୟାୟରୁ ବଞ୍ଚିତ ନ ହୁଅନ୍ତି ସେଥିପାଇଁ ସମସ୍ତେ ବିଶେଷ ଯତ୍ନବାନ୍ ହେବାକୁ ସେ ପରାମର୍ଶ ଦେଇଛନ୍ତି । ଏହି ଇ – ସେବା ମାଧ୍ୟମରେ ମୋକଦ୍ଦମାରେ ସମ୍ପୃକ୍ତ ପକ୍ଷ ତ୍ବରିତ ନ୍ୟାୟ ପାଇବା ସହ ପଡି ରହିଥିବା ବିଭିନ୍ନ ମୋକଦ୍ଦମାର ସହଳ ସମାଧାନ ହୋଇପାରିବ । ଏହି ଇ – ସେବା କେନ୍ଦ୍ରରେ ଉପଲବଧ ହେଉଥିବା ସହାୟତା ମଧ୍ୟରେ ମକଦ୍ଦମାର ସ୍ଥିତି , ପରବର୍ତ୍ତୀ ଶୁଣାଣି ତାରିଖ ଓ ଅନ୍ୟ ତଥ୍ୟ ସମ୍ବନ୍ଧୀୟ ଅନୁସନ୍ଧାନ , ଅନଲାଇନ୍ ସାର୍ଟିଫାଏଡ କପି ଓ ଅନ୍ୟାନ୍ୟ ନଥିପତ୍ର ପାଇଁ ଅନଲାଇନ୍ ଦରଖାସ୍ତ , ଦରଖାସ୍ତ ଗୁଡିକରେ ଇ – ଫାଇଲିଂରେ ସହାୟତା , ପେମେଣ୍ଟ କରିବାର ସହାୟତା , ଇ – କୋର୍ଟସ ମୋବାଇଲ ଆପ ଡାଉନଲୋଡ କରିବାରେ ସହାୟତା , ଜେଲରେ ବନ୍ଦୀଥିବା ସମ୍ପର୍କୀୟ ମାନଙ୍କ ସହିତ ଇ – ମୁଲାକାତ ’ ସାକ୍ଷାତ ବ୍ୟବସ୍ଥା , ବିଚାରପତିମାନଙ୍କ ର ଛୁଟି ସମ୍ବନ୍ଧୀୟ ତଥ୍ୟ , ନ୍ୟାୟାଳୟର ଅବସ୍ଥିତି , ବାଦ୍ ତାଲିକା ଓ ମୋକଦ୍ଦମାର ଶୁଣାଣୀ ତଥ୍ୟ , ମାଗଣା ଆଇନ୍ ସେବା ପ୍ରାପ୍ତିରେ ସହାୟତା , ଭର୍ଚୁଆଲ କୋର୍ଟସ୍ ମାଧ୍ୟମରେ ଟ୍ରାଫିକ୍ ଚାଲାଣ ଜନିତ ମୋକଦ୍ଦମାର ସମାଧାନ ସମ୍ବନ୍ଧୀୟ ସହାୟତା , ଭିଡିଓ କନଫରେନସିଂ ଜରିଆରେ ନ୍ୟାୟାଳୟରେ ଉପସ୍ଥିତ ହେବାର ସହାୟତା , ନ୍ୟାୟାଳୟ ରାୟ ଓ ଆଦେଶଗୁଡିକ ଇ – ମେଲ , ୱାଟସଆପ୍ ଓ ଅନ୍ୟାନ୍ୟ ଡିଜିଟାଲ ମାଧ୍ୟମରେ ପ୍ରାପ୍ତ କରିବାରେ ସହାୟତା ଓ ଇ – କୋର୍ଟସ ସମ୍ବନ୍ଧୀୟ ଅନ୍ୟାନ୍ୟ ସମସ୍ତ ଡିଜିଟାଲ ସେବା ପାଇବାରେ ସହାୟତା ଆଦି ୧୩ ପ୍ରକାର ସେବା ରହିଛି । କାର୍ଯ୍ୟକ୍ରମର ପ୍ରାରମ୍ଭରେ ଉଚ୍ଚ ନ୍ୟାୟାଳୟ ରେଜିଷ୍ଟାର ଜେନେରାଲ ଶ୍ରୀ ମଳୟ ରଞ୍ଜନ ଦାସ ସମସ୍ତଙ୍କୁ ସ୍ଵାଗତ ଜଣାଇଥିବାବେଳେ ଜୁଭେନାଇଲ ଜଷ୍ଟିସ କମିଟି ତଥା ନୋଡାଲ ଅଫିସର ଇ – ସେବା କେନ୍ଦ୍ର ଡାଃ ପବିତ୍ର ମୋହନ ସାମଲ ଧନ୍ୟବାଦ ଅର୍ପଣ କରିଥଲେ । ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଜିଲ୍ଲା ଓ ଦୌରାଜଜ ଶ୍ରୀ ଅଶାନ୍ତ କୁମାର ଦାସ , ଅତିରିକ୍ତ ଜିଲ୍ଲା ଓ ଦୌରାଜଜ ତଥା ସ୍ଵତନ୍ତ୍ର ଜଜ (ଭିଜିଲାନସ ) ଶ୍ରୀ ସୌମେନ୍ଦ୍ର ରାଜଗୁରୁ , ଅତିରିକ୍ତ ଜିଲ୍ଲା ଓ ଦୌରାଜଜ୍ ତଥା ସ୍ବତନ୍ତ୍ର କୋର୍ଟ ( ପକସୋ ) ର ବିଚାରପତି ଶ୍ରୀ ପ୍ରଭାକର ଗାଣ୍ଠିଆ , ଅତିରିକ୍ତ ଜିଲ୍ଲା ଓ ସେସନ୍ସ ବିଚାରପତି( ଏଲ୍.ଆର.ଆଣ୍ଡ.ଏଲ୍.ଟି.ଭି ) ଶ୍ରୀ ସୌମ୍ୟକ ମିଶ୍ର , ମୁଖ୍ୟ ବିଚାର ବିଭାଗୀୟ ମାଜିଷ୍ଟ୍ରେଟ ଶ୍ରୀ ବାସୁଦେବ ପାତ୍ର , ଜିଲ୍ଲା ଆଇନ୍ ସହାୟତା ସଚିତ ଶ୍ରୀମତୀ ଶୁଭଲକ୍ଷ୍ମୀ ସାମଲ , ସିନିୟର ସିଭିଲ ଜଜ (ଏଲ୍.ଆର.ଆଣ୍ଡ.ଏଲ୍.ଟି.ଭି ) ସୁଶ୍ରୀ ସଙ୍ଗିତା ମିଶ୍ର , ସିଭିଲ ଜଜ୍ ( ସିନିୟର ଡିଭିଜନ ) ଶ୍ରୀମତୀ ଲୋପାମୁଦ୍ରା ମଲ , ଏସଡିଜିଏମ ଶ୍ରୀ ଆଶିସ ପରିଛା , ଜେଏମଏଫସି ଶ୍ରୀମତୀ ସୁହାନୀ ପଟ୍ଟନାୟକ , କୋର୍ଟ ମ୍ୟାନେଜର ଶ୍ରୀ ସୁମନ କୁମାର ଆଚାର୍ଯ୍ୟ , ବାର ଆସୋସିଏସନର ସଭାପତି ଶ୍ରୀ ଦିଲ୍ଲିପ କୁମାର ସାହୁ , ସମ୍ପାଦକ ଶ୍ରୀ ସୋମନାଥ ରାଉତଙ୍କ ସମେତ ଅନ୍ୟାନ୍ୟ ସଦସ୍ୟ ଓ ସଦସ୍ୟମାନେ ଉପସ୍ଥିତ ଥିଲେ ।
