ବିଦ୍ୟୁତ ଆଘାତରେ ଶିଶୁକନ୍ୟା ଓ ମହିଳାଙ୍କ ମୃତ୍ୟୁ: ଢେଙ୍କାନାଳ ଗନ୍ଦିଆ ଓ ରାସୋଳ ଅଞ୍ଚଳରେ ଶୋକାକୁଳ ପରିବେଶ
ଢେଙ୍କାନାଳ ଜିଲ୍ଲାର ଗନ୍ଦିଆ ଏବଂ ରାସୋଳ ଥାନା ଅଞ୍ଚଳରେ ବିଦ୍ୟୁତ ସଂସ୍ପର୍ଶରେ ଆସି ଜଣେ ୩ ବର୍ଷର ଶିଶୁକନ୍ୟା ଓ ଜଣେ ମହିଳାଙ୍କର ଅକାଳ ମୃତ୍ୟୁ ଘଟିଛି।
- ଘର ଭିତରେ ଖେଳୁଥିବା ବେଳେ ଶିଶୁକନ୍ୟାର ମୃତ୍ୟୁ: ଗନ୍ଦିଆ ଥାନା ଅନ୍ତର୍ଗତ ଧନିଆନାଳୀ ଗ୍ରାମର ଆଶ୍ରମ ସ୍କୁଲ ନିକଟରେ ରହୁଥିବା ବିଦେଶୀ ମୁଣ୍ଡାଙ୍କ ୩ ବର୍ଷର ଝିଅ ତ୍ରିଶା ମୁଣ୍ଡା ଘରେ ଖେଳୁଥିବା ସମୟରେ ଝୁଲୁଥିବା ଏକ ବିଦ୍ୟୁତ ତାରକୁ ଟାଣି ଧରିଥିଲା। ଫଳରେ ଗୁରୁତର ଭାବେ ବିଦ୍ୟୁତ ଆଘାତ ପାଇଥିବା ତ୍ରିଶାଙ୍କୁ ଢେଙ୍କାନାଳ ଜିଲ୍ଲା ମୁଖ୍ୟ ଡାକ୍ତରଖାନାକୁ ନିଆଯାଇଥିଲେ ମଧ୍ୟ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
- ଚାଷଜମି ବାଡ଼ରେ ୧୧ କେଭି ବିଦ୍ୟୁତ ସଂଯୋଗରୁ ମହିଳାଙ୍କ ପ୍ରାଣହାନି: ହିନ୍ଦୋଳ ଉପଖଣ୍ଡ ରାସୋଳ ଥାନା ଅନ୍ତର୍ଗତ ବାବନ୍ଧ ପଞ୍ଚାୟତ ବେତାପଡ଼ା ରଗୁଡ଼ି ସାହିର ଆକୁଳ ବେହେରାଙ୍କ ୪୧ ବର୍ଷୀୟା ପତ୍ନୀ ଉପମା ବେହେରା ସକାଳ ପ୍ରାୟ ୮ଟାରେ ଗାଧୋଇସାରି ଫେରୁଥିବା ବେଳେ ଏକ ତାରବାଡ଼ ସଂସ୍ପର୍ଶରେ ଆସି ଗୁରୁତର ହୋଇଥିଲେ। ତାଙ୍କୁ ତୁରନ୍ତ ଡାକ୍ତରଖାନା ନିଆଯାଇଥିଲେ ହେଁ ତାଙ୍କର ଜୀବନ ବଞ୍ଚିପାରି ନଥିଲା।
- ବେଆଇନ ବିଦ୍ୟୁତ ତାର ଉପରେ ପୋଲିସ ମାମଲା: ସୂଚନା ମୁତାବକ, ରଗୁଡ଼ିସାହିର ଅଭୟ ସାମଲ ନିଜ ଚାଷଜମି ପାର୍ଶ୍ୱରେ ଥିବା ଗ୍ରାମପୋଖରୀ ହୁଡ଼ା ଲଗା ସୋଲାର ବାଡ଼ରେ ବେଆଇନ ଭାବେ ୧୧ କେଭି ବିଦ୍ୟୁତ ସଂଯୋଗ କରିଥିଲେ। ଏହି ଘଟଣାରେ ରାସୋଳ ଥାନା ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଅଭୟ ସାମଲଙ୍କ ନାମରେ ମାମଲା ରୁଜୁ କରି ତଦନ୍ତ ଜାରି ରଖିଛି।
