ଢେଙ୍କାନାଳରେ ଅବକାରୀ ବିଭାଗର ଚଢ଼ାଉ: ବ୍ରାଉନସୁଗାର, ଚୋରା ମଦ ଓ ନକଲି IMFL ଜବତ

🚨 ଢେଙ୍କାନାଳରେ ଅବକାରୀ ବିଭାଗର ଚଢ଼ାଉ: ବ୍ରାଉନସୁଗାର, ଚୋରା ମଦ ଓ ନକଲି IMFL ଜବତ

ଢେଙ୍କାନାଳ, ୨୨/୦୯: ଜିଲ୍ଲାପାଳ ଓ ଅବକାରୀ ଅଧୀକ୍ଷକଙ୍କ ନିର୍ଦ୍ଦେଶକ୍ରମେ ଢେଙ୍କାନାଳ ଜିଲ୍ଲା ଅବକାରୀ ବିଭାଗ ପକ୍ଷରୁ ସେପ୍ଟେମ୍ବର ୨୧ ତାରିଖରେ ବିଭିନ୍ନ ସ୍ଥାନରେ ଚଢ଼ାଉ କରାଯାଇ ବିପୁଳ ପରିମାଣର ଅବୈଧ ମଦ ଓ ବ୍ରାଉନସୁଗାର ଜବତ କରାଯାଇଛି।

ଚଢ଼ାଉ ସମୟରେ ୫୧ ଲିଟର ଅବୈଧ ଭାବେ ପ୍ରସ୍ତୁତ ମଦ, ୪୩୦ ଗ୍ରାମ ବ୍ରାଉନସୁଗାର, ୮୫.୮୦୦ ଲିଟର ବିୟର ଏବଂ ୫୬.୪୬୦ ଲିଟର ନକଲି IMFL ଜବତ ହୋଇଛି। ଏଥିସହ ୩ଟି ଦୁଇଚକିଆ ଯାନ ମଧ୍ୟ ଜବତ କରାଯାଇଛି।

ଅବକାରୀ ବିଭାଗର ସୂଚନା ଅନୁସାରେ, ଏହି ଘଟଣାଗୁଡ଼ିକରେ ୩ ଜଣଙ୍କୁ ଗିରଫ କରାଯାଇ କୋର୍ଟଚାଲାଣ କରାଯାଇଛି।

ଚଢ଼ାଉର ବିବରଣୀ:
🔹 କଳାସପୁର, କଙ୍କଡ଼ାହାଡ଼: ୨୭ ଲିଟର I.D. ମଦ ସହ ଗୋଟିଏ ବାଇକ୍ ଜବତ।

🔹 ବିରାସାଳ, କଙ୍କଡ଼ାହାଡ଼: ୨୪ ଲିଟର I.D. ମଦ ସହ ଗୋଟିଏ ସ୍କୁଟି ଜବତ।

🔹 ମାଣିକମରା, ପରଜଙ୍ଗ: ୮୫.୮୦୦ ଲିଟର ବିୟର ଓ ୫୬.୪୬୦ ଲିଟର ନକଲି IMFL ଜବତ।

🔹 ଲକ୍ଷ୍ମୀ ବଜାର, ୱାର୍ଡ ନଂ-୧୧, ଟାଉନ ଥାନା ଅଞ୍ଚଳ: ୪୩୦ ଗ୍ରାମ ବ୍ରାଉନସୁଗାର, ଗୋଟିଏ ମୋବାଇଲ ଫୋନ୍ ଓ ଗୋଟିଏ ସ୍କୁଟି ଜବତ।

ଅବୈଧ ମଦ ଓ ନିଶାଦ୍ରବ୍ୟ କାରବାର ରୋକିବା ପାଇଁ ଜିଲ୍ଲାରେ ଅବକାରୀ ବିଭାଗର ଚଢ଼ାଉ ଓ ଯାଞ୍ଚ ଅଭିଯାନ ଜାରି ରହିବ ବୋଲି ବିଭାଗ ପକ୍ଷରୁ କୁହାଯାଇଛି।