କୋଲିୟରୀ ଥାନାରେ ରକ୍ତଦାନ ଶିବିର ୧୧୫ୟୁନିଟ ରକ୍ତ ସଂଗ୍ରହ
ଜେ ବି ଏନ୍ ୦୩/୦୫/୨୦୨୧( ରିପୋର୍ଟ ସୁବ୍ରତ ସାମଲ) ଅନୁଗୋଳ ଜିଲ୍ଲା ତାଳଚେର କୋଲିୟରୀ ଥାନାରେ ଗତ କାଲି ଏକ ସ୍ୱେଚ୍ଛାକୃତ ରକ୍ତଦାନ ଶିବିର ଅନୁଷ୍ଠିତ ହୋଇଛି । ଏଥିରେ ତାଳଚେର ଉପଖଣ୍ଡ ଅଞ୍ଚଳର ସମସ୍ତ ପୁଲିସ୍ କର୍ମଚାରୀଙ୍କ ସହଯୋଗରେ ୧୧୫ ୟୁନିଟ୍ ରକ୍ତ ସଂଗ୍ରହ ହୋଇଛି । ଉକ୍ତ ଶିବିରିକୁ ତାଳଚେର ଏସଡିପିଓ ନୀତେଶ ୱାଧାଓ୍ୱାନୀ ଉଦ୍ଘାଟନ କରିଥିଲେ । ଶିବିର ପରିଚାଳନାରେ ତାଳଚେର କୋଲିୟରୀ ଥାନା , ଟାଉନ୍ ଥାନା ଓ କଣିହାଁ ଥାନା ଅଞ୍ଚଳର ସମସ୍ତ କର୍ମଚାରୀ ସହଯୋଗ କରିଥିଲେ । ତାଳଚେର କୋଲିୟରୀ ଥାନା ଅଧିକାରୀ ସବ୍ୟସାଚୀ ରାଉତ ଧନ୍ୟବାଦ ଦେଇଥିଲେ ।
