ନବନିର୍ମାଣ ଶ୍ରମିକ ସଂଗଠନ ପକ୍ଷରୁ ଜିଏମ ଅଫିସ୍ ସମ୍ମୁଖରେ ଗଣଧାରଣା
ତାଳଚେର,୧୮/୦୫ ଦୀର୍ଘ ୨ବର୍ଷରୁ ଉର୍ଦ୍ଧ୍ୱ ସମୟଧରି ପବିତ୍ର ମୋହନ ପ୍ରଧାନ ମେଡ଼ିକାଲ କଲେଜରେ ଓମନାଥ ଜଏଂଟ ଭେନଚଂର ଠିକାଦାର ଅଧିନରେ କାର୍ଯ୍ୟ କରୁଥିବା ଶ୍ରମିକମାନଙ୍କର ବିିଭିନ୍ନ ସମୟରେ ଦରମା ପ୍ରଦାନରେ ଟାଳଟୁଳି ନୀତି ଯୋଗୁଁ ପୂର୍ବନିଷ୍ପତି ଅନୁଯାୟୀ ସେମାନେ ଆଜି ଜଗନ୍ନାଥ ଜିଏମ ଅଫିସ୍ ସମ୍ମୁଖରେ ଅନିର୍ଦ୍ଦିଷ୍ଟକାଳ ଗଣଧାରଣାରେ ବସିଛନ୍ତି । ଘଟଣାରୁ ପ୍ରକାଶ ଉକ୍ତ ଠିକାଦାରଙ୍କ ପାଖରେ ବିଭିନ୍ନ ବର୍ଗରେ ଶ୍ରମିକମାନେ କାର୍ଯ୍ୟ କରିଥାନ୍ତି । ସେମାନଙ୍କୁ ସରକାରୀ ନିର୍ଦ୍ଧାରିଣ କରିଥିବା ମଜୁରୀ ଅନ୍ୟାନ୍ୟ ସୁବିଧା ଓ ଏପ୍ରିଲ ମାସର ଦରମା ଆଜି ପର୍ଯ୍ୟନ୍ତ ଦିଆଗଲା ନାହିଁ ବୋଲି ସଂଘର ସଭାପତି ସୁନିଲ ବିଶ୍ୱାଳ ଅଭିଯୋଗ କରିବା ସହ ଆଜି ଠାରୁ ଜିଏମ କାର୍ଯ୍ୟାଳୟ ସମ୍ମୁଖରେ ଗଣଧାରଣାରେ ବସିଛନ୍ତି । ସୂଚନା ଥାଉକି, ଆଗରୁ ବିଭିନ୍ନ ଅଧିକାରୀଙ୍କୁ ପତ୍ର ମାଧ୍ୟମରେ ଏସମ୍ପର୍କରେ ଅବଗତ କରାଇଥିଲେ ମଧ୍ୟ ଏଥିରେ କୌଣସି ସୁଧାର ନଆସିବାରୁ ଆଜି ବାଧ୍ୟହୋଇ ସେମାନେ ଗଣଧାରଣାରେ ବସିବା ସହ ସେମାନଙ୍କ ପରିବାର ପେଟପାଟଣା ପୋଷିବାରେ ଅକ୍ଷମ ପ୍ରକାଶ କରୁଛନ୍ତି । ଖବର ଲେଖା ହେଲା ବେଳକୁ ଶ୍ରମିକମାନେ ଗଣଧାରଣାରେ ବସିଥିବା ଜଣାପଡ଼ିଛି ।
