‘ମନ୍ କି ବାତ୍’ରେ ନିଶାମୁକ୍ତ ଭାରତ ଓ ‘ସୂର୍ଯ୍ୟପଥ ତିରଙ୍ଗା’ ଅଭିଯାନ ଉପରେ ମୋଦୀଙ୍କ ଗୁରୁତ୍ୱ
ନୂଆଦିଲ୍ଲୀ, ୩୦/୦୮: ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ‘ମନ୍ କି ବାତ୍’ କାର୍ଯ୍ୟକ୍ରମରେ ନିଶାମୁକ୍ତ ଭାରତ ଗଠନ ସହ ‘ସୂର୍ଯ୍ୟପଥ ତିରଙ୍ଗା’ ଅଭିଯାନ ଉପରେ ବିଶେଷ ଗୁରୁତ୍ୱାରୋପ କରିଛନ୍ତି।
ଦେଶର ଯୁବପିଢ଼ିଙ୍କୁ ନିଶାଦ୍ରବ୍ୟଠାରୁ ଦୂରେଇ ରହିବା ସହ ଭାରତକୁ ନିଶାମୁକ୍ତ କରିବା ଦିଗରେ ସକ୍ରିୟ ଭୂମିକା ନେବାକୁ ପ୍ରଧାନମନ୍ତ୍ରୀ ଆହ୍ୱାନ ଦେଇଛନ୍ତି। ନିଶା ବିରୋଧୀ ଅଭିଯାନକୁ ଏକ ଜନଆନ୍ଦୋଳନରେ ପରିଣତ କରିବା ଉପରେ ସେ ଜୋର ଦେଇଛନ୍ତି।
ଏଥିସହ କୃଷକମାନଙ୍କ ଆୟ ବୃଦ୍ଧି ପାଇଁ ନୂଆ କୃଷି ପଦ୍ଧତି ଓ ଫସଲ ଉପରେ ପ୍ରୟୋଗ କରିବାର ଆବଶ୍ୟକତା ସମ୍ପର୍କରେ ମୋଦୀ ଆଲୋଚନା କରିଥିଲେ। ବିଶେଷ କରି ଆଭୋକାଡୋ ଚାଷ ଭଳି ବିକଳ୍ପ କୃଷି ମାଧ୍ୟମରେ କୃଷକମାନେ ନିଜ ଆୟ ବଢ଼ାଇପାରିବେ ବୋଲି ସେ ଉଲ୍ଲେଖ କରିଥିଲେ।
ଆସନ୍ତା ୩ ସେପ୍ଟେମ୍ବରରେ ମହାନ ଅଭିନେତା ଉତ୍ତମ କୁମାରଙ୍କ ଜନ୍ମ ଶତବାର୍ଷିକୀ ପାଳନ ହେବାକୁ ଥିବାରୁ ତାଙ୍କ ସ୍ମୃତି ଓ ଅବଦାନକୁ ମଧ୍ୟ ପ୍ରଧାନମନ୍ତ୍ରୀ ସ୍ମରଣ କରିଥିଲେ।
‘ସୂର୍ଯ୍ୟପଥ ତିରଙ୍ଗା’ ଅଭିଯାନ ସହ ଜଡ଼ିତ ବିଭିନ୍ନ ପଦକ୍ଷେପ ଓ ଏଥିରେ ସାମିଲ ହୋଇଥିବା ଲୋକଙ୍କ ପ୍ରୟାସକୁ ମଧ୍ୟ ପ୍ରଧାନମନ୍ତ୍ରୀ ପ୍ରଶଂସା କରିଥିଲେ। ‘ମନ୍ କି ବାତ୍’ ଜରିଆରେ ସେ ଦେଶବାସୀଙ୍କୁ ସକାରାତ୍ମକ ପରିବର୍ତ୍ତନ ଓ ଜନସହଭାଗିତାର ବାର୍ତ୍ତା ଦେଇଛନ୍ତି।
