ପଞ୍ଚମା ସିଦ୍ଧ ବିନାୟକ ପୀଠରେ ୧୪ରେ ‘ବିନାୟକ ପର୍ବ’: ୩ ଲକ୍ଷରୁ ଊର୍ଦ୍ଧ୍ୱ ଭକ୍ତଙ୍କ ସମାଗମ ଆଶା, ପ୍ରସ୍ତୁତି ବୈଠକ ସମ୍ପନ୍ନ
ବ୍ରହ୍ମପୁର, ୯/୯ : ଆସନ୍ତା ଭାଦ୍ରବ ଶୁକ୍ଳ ଚତୁର୍ଥୀ ୧୪ ସେପ୍ଟେମ୍ବର (ସୋମବାର) ଦିନ ପଞ୍ଚମା ସ୍ଥିତ ସିଦ୍ଧ ବିନାୟକଙ୍କ ପୀଠରେ ପ୍ରତ୍ୟେକ ବର୍ଷ ଭଳି ଏହି ବର୍ଷ ମଧ୍ୟ “ଶ୍ରୀ ବିନାୟକ ପର୍ବ” ପୂଜା ଉତ୍ସବ ଯଥାବିଧି ପାଳନ କରିବା ପାଇଁ ଏକ “ପ୍ରସ୍ତୁତି ବୈଠକ” ଅନୁଷ୍ଠିତ ହୋଇଯାଇଛି । ଏହି ସିଦ୍ଧ ବିନାୟକ ପୀଠ ଓଡ଼ିଶା ଏବଂ ଆନ୍ଧ୍ରପ୍ରଦେଶର ସୀମାବର୍ତ୍ତୀ ଅଞ୍ଚଳରେ ଅବସ୍ଥିତ ଥିବାରୁ ଶ୍ରୀ ଗଣେଶ ପୂଜା ଦିନ ଏଠାରେ ରାଜ୍ୟ ଓ ରାଜ୍ୟ ବାହାରୁ ତିନି ଲକ୍ଷରୁ ଉର୍ଦ୍ଧ ଭକ୍ତଙ୍କ ସମାଗମ ହୋଇଥାଏ । ଶ୍ରୀ ଗଣେଶ ପୂଜା ପୂର୍ବ ଦିନ ୧୩ ତାରିଖରେ ଅଷ୍ଟଶମ୍ଭୁ ମହାଦେବଙ୍କ ଦିବ୍ୟ ମିଳନ ଅପରାହ୍ନ ଘ.୨ : ୩୫ ମିନିଟ ସମୟରେ ସିଦ୍ଧି ବିନାୟକ ପୀଠକୁ ଶୁଭାଗମନ କରିବେ । ୧୪ ତାରିଖ ସୋମବାର ପ୍ରାତଃ ୩ : ୪୫ ସମୟରେ ଶ୍ରୀ ବିନାୟକଙ୍କ ସ୍ନାନ, ପୂଜାବିଧି ଅନୁଷ୍ଠିତ ହେବାସହ ଆଳତୀ ସମ୍ପର୍ଣ୍ଣ ହେବା ପରେ ପ୍ରାତଃ ଘ.୫ : ୦୦ ସମୟରେ ସାଧାରଣ ଭକ୍ତଙ୍କ ନିମନ୍ତେ ଦର୍ଶନ ପାଇଁ ସମୟ ନିର୍ଘଣ୍ଟ କରାଯାଇଛି । ଏହାସହ ସିଦ୍ଧ ବିନାୟକ ପୀଠରେ ପୂର୍ବାହ୍ନ ୯ : ୦୦ ସମୟରୁ ଘୃତଯଜ୍ଞ ଅନୁଷ୍ଠିତ ହେବା ସହ ଅପରାହ୍ନରେ ପୂର୍ଣ୍ଣାହୁତି ହେବାର କାର୍ଯ୍ୟକ୍ରମ ରହିଛି । ରାତ୍ର ୧୦ ଘଣ୍ଟା ସମୟରେ ଶ୍ରୀ ବିନାୟକଙ୍କ ପହଡ଼ ନୀତି ସମ୍ପନ୍ନ କରାଯାଇ ମନ୍ଦିର ବନ୍ଦ ପାଇଁ ସମୟ ନିର୍ଦ୍ଧାରିତ କରାଯାଇଛି । ଏହାସହ ଭକ୍ତଙ୍କ ସୁବିଧା ପାଇଁ ରଣ୍ଢା ଛକ ଠାରୁ ମନ୍ଦିର ପର୍ଯ୍ୟନ୍ତ ପ୍ରତ୍ୟକ ଛକରେ ଆଶ୍ରୟସ୍ଥଳୀ ସହ ପାଣିର ବ୍ୟବସ୍ଥା ଏବଂ ଭକ୍ତଙ୍କ ଦର୍ଶନ ନିମନ୍ତେ ପ୍ରତ୍ୟେକ ଛକରେ ଏଲଇଡ଼ି ସ୍କ୍ରିନ୍ ର ବ୍ୟବସ୍ଥା କରାଯାଇଛି । ବୟୋଜ୍ୟେଷ୍ଠ ଏବଂ ଦିବ୍ୟାଙ୍ଗ ଭକ୍ତ ମାନଙ୍କ ପାଇଁ ରଣ୍ଢା ଛକ ଠାରୁ ମନ୍ଦିର ପର୍ଯ୍ୟନ୍ତ ମାଗଣା ଗାଡ଼ି ବ୍ୟବସ୍ଥା କରାଯାଇଛି । ଏହାସହ ଭକ୍ତଙ୍କ ମାନଙ୍କ ନିମନ୍ତେ ମାଗଣା (ଫ୍ରି) ଦର୍ଶନ ଏବଂ ଲଡୁ ପ୍ରସାଦ ବ୍ୟବସ୍ଥା କରାଯାଇଛି । ଏଥିସହ ପ୍ରଶାସନ ପକ୍ଷରୁ ଜନସାଧାରଣଙ୍କ ସୁବିଧା ଏବଂ ଶୃଂଖଳିତ ଯାତ୍ରା ନିମନ୍ତେ ମନ୍ଦିର ସମ୍ମୁଖରେ ସୂଚନା କେନ୍ଦ୍ର ସହ ପୋଲିସ, ସ୍ୱାସ୍ଥ୍ୟ, ଅଗ୍ନିଶମ, ବିଦ୍ୟୁତ ବିଭାଗ ତରଫରୁ ବ୍ୟବସ୍ଥା କରାଯାଇଛି । ଶ୍ରୀ ଗଣେଶ ପୂଜା ଦିନ ଚାରି ଚକିଆ ଗାଡ଼ି ସୁନାଦେଇ ଗ୍ରାମ ଦେଇ ମନ୍ଦିର ପର୍ଯ୍ୟନ୍ତ ଯିବା ପାଇଁ ବ୍ୟବସ୍ଥା କରାଯାଇଛି । ଏହାସହ ପୂଜା ଦିନ ଓଡ଼ିଶା ସରକାରଙ୍କ ବହୁ ମନ୍ତ୍ରୀଙ୍କ ସମେତ ଗଞ୍ଜାମ ଜିଲ୍ଲାର ସମସ୍ତ ସାଂସଦ ଏବଂ ବିଧାୟକ ମାନେ ପଞ୍ଚମା ସ୍ଥିତ ଏହି ସିଦ୍ଧ ପୀଠରେ ଶ୍ରୀ ବିନାୟକଙ୍କୁ ଦର୍ଶନ କରି ଆଶିର୍ବାଦ ନେବାର କାର୍ଯ୍ୟକ୍ରମ ରହିଛି । ପଞ୍ଚମା ଠାରେ ଅନୁଷ୍ଠିତ ଆଜିର ଏହି “ପ୍ରସ୍ତୁତି ବୈଠକରେ” ଶ୍ରୀ ଗଣେଶ ମନ୍ଦିର ଅନ୍ତରୀଣ ନ୍ୟାସ ପରିଚାଳନା କମିଟିର ଉପଦେଷ୍ଟା ଗୈାରୀ ଶଙ୍କର ସାମନ୍ତରା,ସୁବାସ ମଣ୍ଡଳ,ସଭାପତି ସୀମାଞ୍ଚଳ ପାତ୍ର,ଉପସଭାପତି ଟୁନା ଜେନା,ସମ୍ପାଦକ ଭକ୍ତ ବତ୍ସଳ ନାୟକ,ସହ-ସମ୍ପାଦକ କୈଳାସ ଚନ୍ଦ୍ର ମହାନ୍ତି,କୋଷାଧ୍ୟକ୍ଷ ବାପି ସାମନ୍ତରାୟ, ସଂଯୋଜକ ସୁଧିର କାନ୍ତ ମଣ୍ଡଳ,ସହ- ସଂଯୋଜକ ଶରତ ଚନ୍ଦ୍ର କର,କାର୍ଯ୍ୟକାରୀ ସଦସ୍ୟ ପ୍ରଦୀପ କୁମାର ସାହୁ,ଦିବାକର ନାୟକ,ହରିବନ୍ଧୁ ମଣ୍ଡଳ,ଉଦୟନାଥ ନାହାକ,ଲକ୍ଷ୍ମୀ ଚୈାଧୁରୀ,ରାଜେନ୍ଦ୍ର ପାତ୍ର,ସନ୍ତୋଷ ସାହୁ,କେ ପ୍ରମେଶ୍ୱର ରାଓ,ଜଗମୋହନ ପାତ୍ର,ଉମାକାନ୍ତ ସାସମଲ,ରଜତ ପଣ୍ଡିତ,କୃଷ୍ଣ ଚନ୍ଦ୍ର ଚୈାଧୁରୀ,ସନ୍ତୋଷ ବେହେରା,ସଞ୍ଜୟ ସାହୁ,ଗୋକୁଳ କର,ସୁନିଲ କୁମାର ସାହୁ,ପ୍ରଭାତ କିରଣ ଷଡ଼ଙ୍ଗୀ,କମଲ୍ ପାତ୍ର ପ୍ରମୁଖଙ୍କ ସହ ସିଦ୍ଧ ବିନାୟକ ପୀଠର ମନ୍ଦିର ପରିଚାଳନା କମିଟିର ସମସ୍ତ ସଦସ୍ୟଙ୍କ ସହ ଆଖପାଖ ଅଞ୍ଚଳର ବହୁ ବରିଷ୍ଠ ନେତୃବୃନ୍ଦ ଏବଂ ବହୁ ଗଣମାଧ୍ୟମ ପ୍ରତିନିଧି ଯୋଗ ଦେଇଥିଲେ ।
