ଲୋକାଭିମୁଖୀ ପୋଲିସିଂ ଉପରେ ଗୁରୁତ୍ୱ: ଅନୁଗୋଳରେ ୪୬ ପୋଲିସ ଅଧିକାରୀଙ୍କୁ ଇଣ୍ଡକ୍ସନ ତାଲିମ
ଅନୁଗୋଳ (ଜାଗ୍ରତ ଭାରତ ବ୍ୟୁରୋ):
ଜିଲ୍ଲାରେ ଆଇନଶୃଙ୍ଖଳା ସ୍ଥିତିକୁ ଅଧିକ ସୁଦୃଢ଼ ତଥା ଅପରାଧ ନିୟନ୍ତ୍ରଣ ବ୍ୟବସ୍ଥାକୁ ତ୍ୱରାନ୍ୱିତ କରିବା ଉଦ୍ଦେଶ୍ୟରେ ଅନୁଗୋଳ ଜିଲ୍ଲା ପୋଲିସ ପ୍ରଶାସନ ପକ୍ଷରୁ ଏକ ସ୍ୱତନ୍ତ୍ର ଇଣ୍ଡକ୍ସନ ତାଲିମ ଶିବିର ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମରେ ୨୨ ଜଣ ନବନିଯୁକ୍ତ ସବ୍-ଇନ୍ସପେକ୍ଟର (SI) ଏବଂ ୨୪ ଜଣ ପଦୋନ୍ନତିପ୍ରାପ୍ତ କମ୍ପାନୀ ଆସିଷ୍ଟାଣ୍ଟ ସବ୍-ଇନ୍ସପେକ୍ଟର (CASI)ଙ୍କୁ ମିଶାଇ ସମୁଦାୟ ୪୬ ଜଣ ପୋଲିସ ଅଧିକାରୀ ଅଂଶଗ୍ରହଣ କରିଥିଲେ।
ଶିବିରରେ ବରିଷ୍ଠ ଅଧିକାରୀମାନେ ଯୋଗଦେଇ ନୂତନ ଅଧିକାରୀମାନଙ୍କୁ ବୈଜ୍ଞାନିକ ପଦ୍ଧତିରେ ଅପରାଧ ତଦନ୍ତ, ଆଇନଶୃଙ୍ଖଳା ପରିଚାଳନା ତଥା ନାଗରିକକୈନ୍ଦ୍ରିକ ସେବା ପ୍ରଦାନ ସମ୍ପର୍କରେ ପ୍ରଶିକ୍ଷଣ ଦେଇଥିଲେ। ଅନୁଗୋଳ ଏସ୍ପି ଉପସ୍ଥିତ ରହି କହିଥିଲେ ଯେ, ପୋଲିସ ବାହିନୀରେ ଶୃଙ୍ଖଳା, ଉତ୍ତରଦାୟିତ୍ୱ ଓ ନିଷ୍ଠା ହିଁ ସର୍ବୋପରି। ସାଧାରଣ ଲୋକଙ୍କ ସମସ୍ୟାକୁ ସମ୍ବେଦନଶୀଳତାର ସହ ସମାଧାନ କରି ପୋଲିସ ପ୍ରତି ଜନବିଶ୍ୱାସ ବଢ଼ାଇବାକୁ ସେ ଆହ୍ୱାନ ଦେଇଥିଲେ।
September 14, 2026/
No Comments
