‘ଏକ ଭାରତ ଶ୍ରେଷ୍ଠ ଭାରତ’ର ସ୍ଵପ୍ନ ସାକାର ନିମନ୍ତେ ପଦ୍ଧତି ଓ ପ୍ରକ୍ରିୟାକୁ ମଜବୁତ କରିବାକୁ ହେବ – କହିଲେ ପ୍ରଧାନମନ୍ତ୍ରୀ
ଦେଶବ୍ୟାପୀ ସମନ୍ଵିତ ସେବା ଯୋଗୁଁ ‘ନ୍ୟୁନତମ ସରକାର – ଅଧିକତମ ପ୍ରଶାସନ’ ହେଉଛି ସୁନିଶ୍ଚିତ
ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଦେଶର ପ୍ରଥମ ଚାଳକବିହୀନ ମେଟ୍ରୋ ଟ୍ରେନ ଆଜି ଉଦଘାଟନ କରିବା ସହ ଏୟାର ଏକ୍ସପ୍ରେସ ଲାଇନ, ଦିଲ୍ଲୀ ମେଟ୍ରୋ ନ୍ୟାସନାଲ କମନ ମୋବିଲିଟି କାର୍ଡର ସମ୍ପ୍ରସାରଣକୁ ମଧ୍ୟ ଉଦଘାଟନ କରିଛନ୍ତି । ଏହି କାର୍ଡ ଗତବର୍ଷ ଅହମ୍ମଦାବାଦରେ ଆରମ୍ଭ କରାଯାଇଥିଲା । ଏହି ଉଦଘାଟନ ଅବସରରେ ଶ୍ରୀ ମୋଦୀ ‘ମିନିମମ ଗଭର୍ଣ୍ଣମେଣ୍ଟ ଆଣ୍ଡ ମ୍ୟାକ୍ସିମମ ଗଭର୍ଣ୍ଣାନ୍ସ’ ଅର୍ଥାତ ପଦ୍ଧତି ଓ ପ୍ରକ୍ରିୟାକୁ ସମନ୍ଵିତ କରି ‘ଏକ ଭାରତ ଶ୍ରେଷ୍ଠ ଭାରତ’ର ଲକ୍ଷ୍ୟ ହାସଲ ଉପରେ ଗୁରୁତ୍ଵାରୋପ କରିଛନ୍ତି ।
ପ୍ରଧାନମନ୍ତ୍ରୀ କହିଛନ୍ତି ଯେ, ଉନ୍ନତମାନର ସୁବିଧା ସୁଯୋଗ ସହ ଆଧୁନିକୀକରଣକୁ ମଧ୍ୟ ଗୁରୁତ୍ୱ ଦିଆଯିବା ଉଚିତ । ଜାତୀୟ ସ୍ତରରେ କମନ ମୋବିଲିଟି କାର୍ଡ ଏ ଦିଗରେ ଏକ ବଡ ପଦକ୍ଷେପ । ଏହି ଗୋଟିଏ କାର୍ଡ ଭ୍ରମଣକାରୀମାନଙ୍କୁ ଯେକୌଣସି ପରିବହନ ମାଧ୍ୟମରେ ଯାତାୟାତ କଲେ ମଧ୍ୟ ସହାୟତା ଯୋଗାଇଦେବ ।
କମନ ମୋବିଲିଟି କାର୍ଡର ଅନ୍ୟ ଦୃଷ୍ଟାନ୍ତ ଦେଇ ଶ୍ରୀ ମୋଦୀ କହିଛନ୍ତି ଯେ, ସମସ୍ତ ପଦ୍ଧତି ଓ ପ୍ରକ୍ରିୟାକୁ ସମନ୍ଵିତ କରି ଜୀବନଧାରଣର ସୁଗମତାକୁ ଉନ୍ନତ କରିହେବ । ପଦ୍ଧତିକୁ ମଜବୁତ କରି ଦେଶକୁ ଅଧିକ ସୁସଂଯତ କରାଯାଉଛି । “ଗୋଟିଏ ଦେଶ, ଗୋଟିଏ ମୋବିଲିଟି କାର୍ଡ” ଭଳି ଆମ ସରକାର ଗତବର୍ଷଗୁଡିକରେ ଦେଶର ପଦ୍ଧତିକୁ ସମନ୍ଵିତ କରିବା ନେଇ ଅନେକ କାର୍ଯ୍ୟ କରିଛି ।
ଗୋଟିଏ ଦେଶ ଗୋଟିଏ ଫାଷ୍ଟଟ୍ୟାଗ ଦେଶବ୍ୟାପୀ ରାଜ୍ୟଗୁଡିକରେ ଭ୍ରମଣକୁ ସିମଲେସ କରିଛି । ଏହା ଯାତ୍ରୀମାନଙ୍କୁ ଭିଡ ଓ ବିଳମ୍ଭରୁ ରକ୍ଷା କରୁଛି । ଗୋଟିଏ ଟିକସ ବା ଜିଏସଟି ଟିକସ ପଦ୍ଧତିରେ ଥିବା ଅଡୁଆକୁ ଶେଷ କରି ଦେଶରେ ଏକକ ଟିକସ ବ୍ୟବସ୍ଥା ଆଣିବାରେ ସହାୟକ ହୋଇଛି । ଗୋଟିଏ ଦେଶ, ଗୋଟିଏ ପାୱାରଗ୍ରୀଡ ଦେଶର ସବୁ ଅଞ୍ଚଳକୁ ପର୍ଯ୍ୟାପ୍ତ ଓ ନିରବଛିନ୍ନ ବିଦ୍ୟୁତ ଶକ୍ତି ଯୋଗାଇ ପାରିଛି । ଶକ୍ତି ଅପଚୟ ମଧ୍ୟ ରୋକାଯାଇପାରିଛି ।
ଗୋଟିଏ ଦେଶ ଗୋଟିଏ ଗ୍ୟାସ ଗ୍ରୀଡ ସିମ ବିହୀନ ଗ୍ୟାସ ସଂଯୋଗ ଦେଶର କେତେକ ଅଞ୍ଚଳକୁ ସୁନିଶ୍ଚିତ କରାଯାଇଛି । ଯେଉଁଠି ଗ୍ୟାସ ଭିତ୍ତିକ ଜୀବନ ଓ ଅର୍ଥନୀତି ଏକ ସ୍ଵପ୍ନ ଭଳି ଆଗରୁ ଲାଗୁଥିଲା । ଗୋଟିଏ ଦେଶ, ଗୋଟିଏ ସ୍ୱାସ୍ଥ୍ୟ ବୀମା ଯୋଜନା ଯଥା ଆୟୁଷ୍ମାନ ଭାରତ ଯାହାଦ୍ୱାରା ଦେଶର ଯେକୌଣସି ସ୍ଥାନରେ ଦେଶବାସୀ ତାହାର ସୁବିଧା ହାସଲ କରିପାରୁଛନ୍ତି । ଗୋଟିଏ ଦେଶ, ଗୋଟିଏ ରାସନ କାର୍ଡ ଯୋଜନା ଯୋଗୁଁ ଦେଶର ଯେଉଁ ସ୍ଥାନକୁ ଗଲେ ମଧ୍ୟ ନାଗରିକମାନଙ୍କୁ ନୂଆ ରାସନ କାର୍ଡ ତିଆରି ପାଇଁ ଅସୁବିଧାର ସମ୍ମୁଖୀନ ହେବାକୁ ପଡୁନାହିଁ । ସେହିପରି ଦେଶ ନୂତନ କୃଷିଗତ ସଂସ୍କାର ଓ ଇ-ନାମ ଭଳି ବ୍ୟବସ୍ଥା ଯୋଗୁଁ ଗୋଟିଏ ଦେଶ, ଗୋଟିଏ କୃଷି ବଜାର ରାସ୍ତାରେ ଅଗ୍ରସର ହେଉଛି ।
