୭୨ ତମ ଜିଲ୍ଲା ସ୍ତରୀୟ ସାଧାରଣତନ୍ତ୍ର ଦିବସ ପାଳିତ
(ଜେ. ବି. ଏନ୍/ସୁଶାନ୍ତ କୁମାର ) ୨୬/୦୧ /୨୦୨୧ ଅନୁଗୋଳ : କୋଭିଡ ନିୟମାବଳୀ ଆଧାରରେ ଜିଲ୍ଲା ସ୍ତରୀୟ ସାଧାରଣତନ୍ତ୍ର ଦିବସ ଆଜି ଅନୁଗୋଳ ଷ୍ଟାଡିୟମଠାରେ ନିରାଡମ୍ବରଭାବେ ପାଳନ କରାଯାଇଛି । ରାଜ୍ୟ ସରକାରଙ୍କ ଦ୍ଵାରା ସ୍ଥିରିକୃତ ଇସ୍ପାତ , ଖଣି ଓ ପୂର୍ତ୍ତି ମନ୍ତ୍ରୀ ଶ୍ରୀ ପ୍ରଫୁଲ କୁମାର ମଲ୍ଲିକ ମୁଖ୍ୟଅତି ଭାବେ ଯୋଗ ଦେଇ ସକାଳ ୯ଘଟିକା ୧୫ ମିନିଟ ସମୟରେ ଜାତୀୟ ପତାକା ଉତ୍ତୋଳନ କରିବା ସହ ଊପସ୍ଥିତ ଜନସାଧାରଣ ଙ୍କ ଉଦ୍ଦେଶ୍ୟରେ ଅଭିଭାଷଣ ପ୍ରଦାନ କରିଥିଲେ । ଆଜିର ଦିବସ ସମସ୍ତ ଭାରତୀୟଙ୍କ ଜୀବନରେ ଏକ ସ୍ମରଣୀୟ ଦିବସ ଅଟେ । ଅନେକ ଦେଶ ତ୍ୟକ ଦେଶରେ କେବଳ ସ୍ଵାଧୀନତା ଦିବସ ପାଳନ କରୁଥିବାବେଳେ ଆମେ ଭାରତୀୟମାନେ ସ୍ବାଧୀନତା ଦିବସ ସହିତ ସାଧାରଣତନ୍ତ୍ର ଦିବସକୁ ଆନନ୍ଦ ଉଲ୍ଲାସର ସହିତ ପାଳନ କରୁଛୁ । ଆମ ସମ୍ବିଧାନ ସାଧାରଣ ଜନତଃକୁ ମୌଳିକ ଅଧିକାର ଓ କର୍ତ୍ତବ୍ୟ ପ୍ରଦାନ ଉପରେ ଏହାର ଶ୍ରେଷ୍ଠତା ସାବ୍ୟସ୍ତ କରିଛି । ଅନୁଗୋଳର ପବିତ୍ର ମାଟି ସଂଗ୍ରାମର ମାଟି । ସେଥିପାଇଁ ବେଠି ବେଗାରୀକୁ ବେଖାତିର କରି ୧୮୯୧ ମସିହାରେ ପ୍ରଣୟନ ହୋଇଥୁବା କଳଙ୍କିତ ଅନୁଗୋଳ ରେଗୁଲେଟୋରୀ ଆକ୍ଟକୁ ସଂଗ୍ରାମୀମାନେ ବିରୋଧ କରିଥିଲେ । ୧୯୩୪ ମସିହାରେ ମହାତ୍ମାଗାନ୍ଧୀକର ଅନୁଗୋଳ ପଦଯାତ୍ରା ଏ ମାଟିକୁ ଧନ୍ୟ କରିଛି । ରାଜ୍ୟରେ ମହିଳା , ଶିଶୁ , ଯୁବ ବର୍ଗ , କ୍ରୀଡାବିତ୍ , କୃଷକ , ନିର୍ମାଣ ଶ୍ରମିକ , ଜନଜାତି ତଥା ବୟସ୍କ ଏବଂ ଅସହାୟ ମାନଙ୍କ ଜୀବନ ଜୀବିକାରେ ଆଖୁ ଦୃଶିଆ ପରିବର୍ତ୍ତନ ଆଣିବାରେ ସଫଳ ହୋଇଛନ୍ତି । ଦୀର୍ଘ ଏକ ବର୍ଷ ଧରି ଚାଲିଥିବା କରୋନା ମହାମାରୀ ଆମ ଦେଶ ତଥା ରାଜ୍ୟ ପାଇଁ ଅନେକ ପ୍ରତିବନ୍ଧକ ସୃଷ୍ଟି କରିଛି । ଏହା ସତ୍ତେ ରାଜ୍ୟ ସରକାରଙ୍କ ସମୟୋପଯୋଗୀ ପଦକ୍ଷେପ ଯୋଗୁଁ ଆମେ ଏହାକୁ ମୁକାବିଲା କରିବାରେ ସଫଳ ହୋଇପାରିଛୁ ବୋଲି ମନ୍ତ୍ରୀ ପ୍ରକାଶ କରିଥିଲେ ।
ସମସ୍ତ ପାଇଁ ସ୍ବାସ୍ଥ୍ୟ ସେବା ଯୋଗାଇ ଦେବା ଲକ୍ଷରେ
ରାଜ୍ୟ ସରକାର କାର୍ଯ୍ୟ କରିଛନ୍ତି ବିଜୁ ସ୍ଵାସ୍ଥ୍ୟ କଲ୍ୟାଣ ଯୋଜନା । ଏହି ଯୋଜନାରେ ୫ ଲକ୍ଷ କାର ସ୍ଵାସ୍ଥ୍ୟ ସେବା ସୁବିଧା ଉପଲବଧ ଥିବାବେଳେ ମହିଳା ସଦସ୍ୟଙ୍କ ପାଇଁ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ସୁବିଧା ରହିଛି । ଚଳିତ ବର୍ଷ ରାଜ୍ୟ ସରକାରଙ୍କ ପକ୍ଷରୁ ହେବାକୁ ଥିବା ମାଟ୍ରିକ ପରିକ୍ଷାର ଫି ଛାଡ କରାଯାଇଛି । ସମ୍ପତି ପୁଞ୍ଜିନିବେଶ କ୍ଷେତ୍ରରେ ଓଡିଶା ଦେଶର ଏକ ଅଗ୍ରଣୀ ରାଜ୍ୟ ଭାବେ ଉଭା ହୋଇଛି । ସମ୍ପ୍ରତି କୋଭିଡ ବିପର୍ଯ୍ୟୟ ସମୟରେ ରାଜ୍ୟକୁ ୧୨ ହଜାର କୋଟି କାର ପୁଞ୍ଜିନିବେଶ ପ୍ରସ୍ତାବ ଆସିଛି । ଚଳିତ ଆର୍ଥିକ ବର୍ଷରେ ଅନୁଗୋଳ ଜିଲ୍ଲାରେ ଜିଲ୍ଲା ଖଣିଜ ପାଣ୍ଠିର ସୁ ବିନିଯୋଗରେ ଅନୁଗୋଳ ଜିଲ୍ଲାରେ କାର୍ଯ୍ୟକାରୀ ହେଉଥିବା ବିଭିନ୍ନ ଯୋଜନାର ଅଗ୍ରଗତି ରେ ମନ୍ତ୍ରୀ ସନ୍ତୋଷ ପ୍ରକାଶ କରିଥିଲେ । ଏହି ଉପଲକ୍ଷେ ଜିଲ୍ଲାରେ କୋଭିଡ କାର୍ଯ୍ୟରେ ନିୟୋଜିତ ଡାକ୍ତର , ସ୍ବାସ୍ଥ୍ୟକର୍ମୀ , ପ୍ରଶାସନିକ ଅଧିକାରୀ , ପୋଲିସ ଓ ସଫେଇ କର୍ମଚାରୀକୁ ମୁଖ୍ୟ ଅତିଙ୍କ ଦ୍ବାରା ସମ୍ବର୍ଦ୍ଧନା ଦିଆଯାଇଥିଲା । ଏହି କାର୍ଯ୍ୟକ୍ରମରେ ଜିଲ୍ଲାପାଳ ଶ୍ରୀ ସିଦ୍ଧାର୍ଥ ଶଙ୍କର ସ୍ବାଇଁ , ଡି ଆଇ ଜି ( ଉତ୍ତରକେନ୍ଦ୍ଚଳ ) ଡ . ସାର୍ଥକ ଷଡଙ୍ଗା , ଆରକ୍ଷୀ ଅଧିକ୍ଷକ ଶ୍ରୀ ଜଗମୋହନ ମୀନା , ଅତିରିକ୍ତ ଜିଲ୍ଲାପାଳ ଶ୍ରୀ ତପନ କୁମାର ସତପଥୀ , ଅତିରିକ୍ତ ଜିଲ୍ଲାପାଳ ( ରାଜସ୍ତ୍ର ) ଶ୍ରୀ ସନ୍ତୋଷ କୁମାର ପ୍ରଧାନ , ଜିଲ୍ଲା ଗ୍ରାମ୍ୟ ଉନ୍ନୟନ ସଂସ୍ଥାର ପ୍ରକଳ୍ପ ନିର୍ଦ୍ଦେଶକ ଶ୍ରୀ ଦିଲ୍ଲିପ କୁମାର ସାହୁ , ଅନୁଗୋଳ ଉପଜିଲ୍ଲାପାଳ ଶ୍ରୀ ବାସୁଦେବ ଶତପଥୀଙ୍କ ସମେତ ବିଭିନ୍ନ ବିଭାଗର ଜିଲ୍ଲା ସ୍ତରୀୟ ଅଧିକାରୀ , ସ୍ୱେଛାସେବୀ , ବୁଦ୍ଧିଜୀବି ଓ ବିଶିଷ୍ଟ ବ୍ୟକ୍ତିମାନେ ଉପସ୍ଥିତ ଥିଲେ ।
