ବୀର ସୁରେନ୍ଦ୍ର ସାଏ ଓ ବାରବଖରା ଇକୋପାର୍କ ଉଦ୍ଘାଟିତ -, ବାରବଖରା କୁ ମିଲିଳା ପର୍ଯ୍ୟଟନ ସ୍ଥଳୀ ର ମାନ୍ୟତା ,।
ବରଗଡ଼ ଜିଲ୍ଲା ଅମ୍ବାଭୋନା ବ୍ଲକର କର୍ଲା ପଞ୍ଚାୟତ ର କର୍ଲା ଗ୍ରାମ ରେ
-ବାରପାହାଡ ଡେବ୍ରିଗଡ ଅଭୟାରଣ୍ୟ ସନ୍ନିକଟ ବାରବଖରା ଜଳପ୍ରପାତ ଓ ବାରବଖରା ଗୁମ୍ଫା ର ବିକାଶ ଓ ସଂରକ୍ଷଣ ପାଇଁ ହୀରାକୁଦ ବନ୍ୟପ୍ରାଣୀ ବିଭାଗର ତତ୍ପରତା ଦେଖାଦେଇଛି । ଏଥିପାଇଁ ପଶ୍ଚିମ ଓଡ଼ିଶା ବିକାଶ ପରିଷଦ ସହାୟତାର ହାତ ବଢ଼ାଇଛି । ବାରବଖରା ଜଳପ୍ରପାତ ଓ ଗୁମ୍ଫା ନିକଟରେ ଇକୋପାର୍କ ଓ ବୀର ସୁରେନ୍ଦ୍ର ସାଏ ସ୍ମାରକୀ ବୁଧବାର ଦିନ ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ଶ୍ରୀଯୁକ୍ତ ଅସୀତ କୁମାର ତ୍ରିପାଠୀଙ୍କ କରକମଳରେ ଶୁଭ ଉଦଘାଟିତ ହୋଇଛି ।ଏହି ଉଦଘାଟନୀ ସମାରୋହରେ ବରଗଡ଼ ଜିଲ୍ଲାପାଳ ଶ୍ରୀମତୀ ମୋନିଷା ବାନାର୍ଜୀ, ହୀରାକୁଦ ବନ୍ୟପ୍ରାଣୀ ବନଖଣ୍ଡ ଅଧିକାରୀ ଅଂଶୁପ୍ରଜ୍ଞା ଦାଶ ପ୍ରମୁଖ ଉପସ୍ଥିତ ରହି ପଶ୍ଚିମ ଓଡ଼ିଶା ବିକାଶ ପରିଷଦର ଏହି ବଦାନ୍ୟତା ର ଭୂୟସୀ ପ୍ରଶଂସା କରିବା ସହ ଆଗାମୀ ଦିନରେ ପର୍ଯ୍ୟଟନ ମାନଚିତ୍ରରେ ବାରବଖରା ର ନାମ ଯୋଡି ହୋଇ ଥିବା ପ୍ରକାଶ କରିଥିଲେ । ପଶ୍ଚିମ ଓଡ଼ିଶା ବିକାଶ ପରିଷଦର ଅନୁଦାନ ପାଣ୍ଠିରୁ 1କୋଟି 75ଲକ୍ଷ 67ହଜାର ଟଙ୍କା ବ୍ୟୟ ଅଟକଳ ରେ ନିର୍ମିତ ଏହି ବୀର ସୁରେନ୍ଦ୍ର ସାଏ ସ୍ମାରକୀ ଓ ବାରବଖରା ଇକୋପାର୍କ ପର୍ଯ୍ୟଟକମାନଙ୍କୁ ଉପହାର ସଦୃଶ୍ୟ ଭେଟି ଦେଇଛନ୍ତି । ଏହାର ରକ୍ଷଣାବେକ୍ଷଣ ଓ ସଂରକ୍ଷଣ ପାଞ୍ଚୋଟି ସ୍ବୟଂ ସହାୟକ ଗୋଷ୍ଠୀ ଓ ଦୁଇଟି ଗ୍ରାମର ପର୍ଯ୍ୟଟନ ବିକାଶ କମିଟି ହାତରେ ଦାୟିତ୍ବ ନ୍ୟସ୍ତ କରିଛନ୍ତି । ଆଗାମୀ ଦିନରେ କର୍ଲା ଗ୍ରାମ ଓ ଆଖପାଖ ଅଞ୍ଚଳରେ ପ୍ଳାଷ୍ଟିକ ଓ ଆବର୍ଜନା ମୁକ୍ତ କରିବା ପାଇଁ ସହଯୋଗ କାମନା କରିଛନ୍ତି । ବର୍ଷା ଦିନେ ବାରବଖରା କୁ ଶହ ଶହ ସଂଖ୍ୟାରେ ଆସୁଥିବା ପର୍ଯ୍ୟଟକ ଙ୍କ ସୁରକ୍ଷା ସହ ବାର ବଖରା ଜଳପ୍ରପାତ ଓ ଗୁମ୍ଫା ର ଉନ୍ନତୀକରଣ ପାଇଁ ପ୍ରଶାସନିକ ସ୍ତରରେ ସମସ୍ତ ଉଦ୍ୟମ କରାଯିବାକୁ ସେମାନେ ପ୍ରତିଶ୍ରୁତି ଦେଇଥିଲେ । ଗତବର୍ଷ ଅକ୍ଟୋବର ମାସ 21 ତାରିଖ ଦିନ ମୁଖ୍ୟମନ୍ତ୍ରୀ ଶ୍ରୀ ନବୀନ ପଟ୍ଟନାୟକଙ୍କ ଭିଡିଓ କନଫରେନ୍ସ ମାଧ୍ୟମରେ ଏହି ବାରବଖରା ଇକୋପାର୍କ ଓ ବୀର ସୁରେନ୍ଦ୍ର ସାଏଙ୍କ ସ୍ମାରକୀ ର ଭିତ୍ତି ପ୍ରସ୍ତର ସ୍ଥାପନ କରିଥିଲେ । ଛଅ ମାସ ମଧ୍ୟରେ ଜଙ୍ଗଲ ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ଜରିଆରେ ହୀରାକୁଦ ବନ୍ୟପ୍ରାଣୀ ବନଖଣ୍ଡ ଅଧିକାରୀ ଅଂଶୁପ୍ରଜ୍ଞା ଦାଶ ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ବାରପାହାଡ ପାଦଦେଶରେ ଅବସ୍ଥିତ କର୍ଲା ଗ୍ରାମ ରେ ପ୍ରତି ଘର କାନ୍ଥରେ ଜୀବଜନ୍ତୁ, ପରିବେଶ, ସ୍ବାଧୀନତା ସଂଗ୍ରାମୀ ଙ୍କ ବୀର ଗାଥାକୁ ଚିତ୍ରିତ କରି ପର୍ଯ୍ୟଟକ ଙ୍କୁ ଆକର୍ଷିତ କରିବାକୁ ଅଭିନବ ପ୍ରୟାସ କରିଛନ୍ତିି । ଉଦଘାଟନୀ ସମାରୋହରେ ଆୟୋଜିତ ସଭାରେ ହୀରାକୁଦ ବନ୍ୟପ୍ରାଣୀ ବନଖଣ୍ଡ ଅଧିକାରୀ ଅଂଶୁପ୍ରଞ୍ଜା ଦାଶ ଅଧ୍ୟକ୍ଷତା କରିଥିବାବେଳେ ମୁଖ୍ୟ ଅତିଥି ଭାବେ ପଶ୍ଚିମ ଓଡ଼ିଶା ବିକାଶ ପରିଷଦର ଅଧ୍ୟକ୍ଷ ଶ୍ରୀଯୁକ୍ତ ଅସୀତ କୁମାର ତ୍ରିପାଠୀ ଯୋଗ ଦେଇଥିଲେ । ସମ୍ମାନୀତ ଅତିଥି ଭାବେ ବରଗଡ଼ ଜିଲ୍ଲାପାଳ ଶ୍ରୀମତୀ ମୋନିଷା ବାନାର୍ଜୀ, ଅମ୍ବାଭୋନା ବ୍ଳକ ଅଧ୍ୟକ୍ଷ କିର୍ତିଚନ୍ଦ୍ର ଦୁଆନ, ଜିଲ୍ଲା ପରିଷଦ ସଭ୍ୟା ଶ୍ରୀମତୀ କଳ୍ପନା ପ୍ରଧାନ, କର୍ଲା ଗ୍ରାମ ପଞ୍ଚାୟତ ସରପଞ୍ଚ ଶ୍ରୀମତୀ ତନୟା ଭୋଇ, ପଶ୍ଚିମ ଓଡ଼ିଶା ବିକାଶ ପରିଷଦର କାର୍ଯ୍ୟ ନିର୍ବାହୀ ଅଧିକାରୀ ଅଜିତ ମିଶ୍ର, ସକ୍ରୀୟ ସଭ୍ୟ ନାରାୟଣ ସାହୁ,ବିଭାଗୀୟ ଅଧିକାରୀ, ଅବସରପ୍ରାପ୍ତ ଶିକ୍ଷକ ବୈଷ୍ଣବ ଭୋଇ, ଇତିହାସ ଗବେଷକ ତଥା ପ୍ରକୃତି ପ୍ରେମି ଦୀପକ ପଣ୍ଡା ପ୍ରମୁଖ ଯୋଗ ଦେଇ ମୁକ୍ତି ସଂଗ୍ରାମରେ ଝାସ ଦେଇ ଥିବା ମହାନ ଯୋଦ୍ଧା ଙ୍କ ସ୍ମରଣ ଉଦ୍ଦେଶ୍ୟରେ ଉତ୍ସର୍ଗୀକୃତ ରେଷ୍ଟୁରାଣ୍ଟ, ବଣଭୋଜି ସ୍ଥଳ,ପାର୍କ ପର୍ଯ୍ୟଟନ ସ୍ମାରକୀ ପର୍ଯ୍ୟଟକ ମାନଙ୍କୁ ଆକୃଷ୍ଟ କରିବ ବୋଲି ମତପୋଷଣ କରିଥିଲେ । ଶେଷରେ ବ୍ଳକ ଅଧ୍ୟକ୍ଷ କିର୍ତିଚନ୍ଦ୍ର ଦୁଆନ ଧନ୍ୟବାଦ ଅର୍ପଣ କରିଥିଲେ ।କର୍ଲା ଗ୍ରାମରୁ ପ୍ରକାଶ ଚନ୍ଦ୍ର ରଥ ଙ୍କ ରିପୋର୍ଟ ଜାଗ୍ରତ ଭାରତ ନ୍ୟୁଜ୍
