୧୪୯ ନମ୍ୱର ଜାତୀୟ ରାଜପଥ ନେଲା ଦୁଇ ମୁଣ୍ଡ
ଟ୍ରକ ଓ ବାଇକ୍ ଧକ୍କାରେ ଦୁଇ ମୃତ
ତାଳଚେର , ଆଜି ଅପରାହ୍ନ ୫ ଟା ସମୟରେ ତାଳଚେର ଥର୍ମାଲ ନିକଟସ୍ଥ ଜାତୀୟ ରାଜପଥ ୧୪୯ ନଂ ନନ୍ଦିରା ବ୍ରିଜ ପାଖରେ ଏକ ମର୍ମନ୍ତୁଦ ରାସ୍ତା ଦୃଘଟଣା ରେ ଚାଲିଯାଇଛି ଦୁଇ ଜୀବନ । ଘଟଣା ରୁ ପ୍ରକାଶ ଏକ ଟ୍ରକ ମୋଟର ସାଇକେଲ କୁ ଧକ୍କା ଦେବାରୁ ଘଟଣା ସ୍ଥଳରେ ଦୁଇ ବାଇକ ଆରୋହୀ ଙ୍କ ମୃତ୍ୟୁ ହୋଇଛି । ମୃତ୍ୟୁ ବ୍ୟକ୍ତି ବିରିବୋଲେଇ ଗ୍ରାମର ଗତିକୃଷ୍ଣ ସାହୁ ଓ ପପୁ ସାହୁ । ଉଭୟେ ବଅଁରପାଳ ରୁ ଗ୍ରାମ ଅଭିମୁଖେ ଯାଉଥିବା ବେଳେ ପଛ ପାଖରୁ ଏକ ଟ୍ରକ୍ ଓ ଡି ୦୧ ଏଫ ୮୬୩୯ ଧକ୍କା ଦେଇ ଉପରେ ଚଢି ଯିବାରୁ ଘଟଣାସ୍ଥଳରେ ହିଁ ଦୁହିଁଙ୍କ ମୃତ ହୋଇଥିଲା। ଅନୁଗୋଳ ଜିଲ୍ଲା ର ଜାତୀୟ ରାଜପଥ ରେ ବାରମ୍ବାର ଦୃଘଟଣା ଘଟି ଆକାଳ ରେ ଚାଲିଯାଉଛି ଅନେକ ଧନଜୀବନ । ଆଉ କେତେ ମୁଣ୍ଡ ଗଡ଼ିଲେ ନିଦ ଭାଙ୍ଗିବ ଉଭୟ ଜାତୀୟ ରାଜପଥ ବିଭାଗ ର ବୋଲି ସାଧାରଣ ରେ ଉଠିଛି ପ୍ରଶ୍ନ । କ୍ଷତି ପୂରଣ କୁ ନେଇ ସ୍ଥାନୀୟ ଅଞ୍ଚଳରେ ରାଜପଥ ଅବରୋଧ ହୋଇଥିବାବେଳେ ପୋଲିସ ବୁଝାସୁଝା କରିଥିଲେ। ପ୍ରାୟ ରାତି ୧୦:୩୦ ମିନିଟ୍ ସମୟରେ ଅବରୋଧ ପ୍ରତ୍ୟାହୃତ ହୋଇଥିବା ବେଳେ ପୋଲିସ ଦୁଇ ଗାଡି କୁ ଜବତ କରିବା ସହ ତଦନ୍ତ ଆରମ୍ଭ କରିଛନ୍ତି।
