ରବିବାର ଦିନ ବିଜୁ ଜନତା ଦଳର ରାଜ୍ୟ ସଭାପତି ତଥା ପୂର୍ବତନ ମୁଖ୍ୟମନ୍ତ୍ରୀ ଶ୍ରୀଯୁକ୍ତ ନବୀନ ପଟ୍ଟନାୟକଙ୍କ ଆହ୍ୱାନକ୍ରମେ ବିଜୁ ଜନତା ଦଳର ଅନୁଗୁଳ ଜିଲ୍ଲା ସଭାପତି ଶ୍ରୀ ବ୍ରଜକିଶୋର ପ୍ରଧାନଙ୍କ ସଭାପତିତ୍ୱରେ ଜିଲ୍ଲା ପରିବର୍ଦ୍ଧିତ କାର୍ଯ୍ୟକାରିଣୀ ବୈଠକ ଅନୁଗୁଳ ସଭାଘର ଠାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକାରିଣୀ ବୈଠକରେ ୯ଟି ପ୍ରସ୍ତାବ ପାରିତ ହୋଇଯାଇଛି ।
ଉକ୍ତ ବୈଠକରେ ବିଜୁ ଜନତା ଦଳର ବରିଷ୍ଠ ଉପସଭାପତି ଶ୍ରୀଯୁକ୍ତ ଦେବୀ ପ୍ରସାଦ ମିଶ୍ର ମୁଖ୍ୟ ଅତିଥି ଭାବରେ ଯୋଗ ଦେଇଥିଲେ । ଦଳର ସଭାପତି ତଥା ବିରୋଧୀ ଦଳର ନେତା ଶ୍ରୀଯୁକ୍ତ ନବୀନ ପଟ୍ଟନାୟକ ଭିଡିଓ କନ୍ଫରେନ୍ସ ମାଧ୍ୟମରେ ଯୋଡି ହୋଇ ଶୁଭେଚ୍ଛା ବାର୍ତ୍ତା ଜଣାଇଥିଲେ । ଉକ୍ତ ବୈଠକରେ ଆଠମଲ୍ଲିକ ବିଧାୟକ ଶ୍ରୀଯୁକ୍ତ ନଳିନୀକାନ୍ତ ପ୍ରଧାନ, ପୂର୍ବତନ ମନ୍ତ୍ରୀ ତଥା ଉପବାଚସ୍ପତି ଶ୍ରୀଯୁକ୍ତ ରଜନୀକାନ୍ତ ସିଂହ, ପୂର୍ବତନ ସାଂସଦ ଶ୍ରୀଯୁକ୍ତ ମହେଶ ସାହୁ, ପୂର୍ବତନ ଛେଣ୍ଡିପଦା ବିଧାୟକ ଶ୍ରୀଯୁକ୍ତ ସୁଶାନ୍ତ କୁମାର ବେହେରା, ପୂର୍ବତନ ପାଲଲହଡା ବିଧାୟକ ଶ୍ରୀଯୁକ୍ତ ମୁକେଶ କୁମାର ପାଳ, ଜିଲ୍ଲାପରିଷଦ ଅଧ୍ୟକ୍ଷା ବବିତା ପ୍ରଧାନ, ଜିଲ୍ଲା ମହିଳା ବିଜେଡି ସଭାପତି ଶ୍ରୀମତୀ ବିଦୁ୍ୟତଲତା ପ୍ରଧାନ, ପୂର୍ବତନ ଜିଲ୍ଲା ସଭାପତି ତଥା ଆଇନଜୀବୀ ଶ୍ରୀଯୁକ୍ତ ମହେନ୍ଦ୍ର କୁମାର ବସ୍ତିଆ, ସମବାୟ ବ୍ୟାଙ୍କ ସଭାପତି ଶ୍ରୀଯୁକ୍ତ ସନ୍ତୋଷ କୁମାର ପ୍ରଧାନ, ବିଜୁ ଛାତ୍ର ଜନତା ଦଳ ଜିଲ୍ଲା ସଭାପତି ରାଜୀବ ଲୋଚନ ଦାସ ପ୍ରମୁଖ ବ୍ୟକ୍ତିଗଣ ମଞ୍ଚାସୀନ ଥିଲେ ।ସଭା ଆରମ୍ଭ ପୂର୍ବରୁ ସମସ୍ତ ଅତିଥିମାନେ ବିଜୁ ମଇଦାନ ଠାରେ ଥିବା ପୂର୍ବତନ ମୁଖ୍ୟମନ୍ତ୍ରୀ ବିଜୁ ପଟ୍ଟନାୟକଙ୍କ ପ୍ରତିମୂର୍ତ୍ତି ଏବଂ ସଭାଘର ଠାରେ ଥିବା ପୂର୍ବତନ ମୁଖ୍ୟମନ୍ତ୍ରୀ ନବକୃଷ୍ଣ ଚୌଧୁରୀଙ୍କ ପ୍ରତିମୂର୍ତ୍ତିରେ ମାଲ୍ୟାର୍ପଣ କରଥିଲେ । ଏହି ସଭାରେ ଜିଲ୍ଲାର ସମସ୍ତ ବ୍ଲକ ଚେୟାରମ୍ୟାନ୍୍, ଅନୁଗୁଳ ମୁ୍୍ୟନିସିପାଲିଟିର ଅଧ୍ୟକ୍ଷ ଶ୍ରୀଯୁକ୍ତ ଅକ୍ଷୟ କୁମାର ସାମନ୍ତ, ଆଠମଲ୍ଲିକ ଏନ୍.ଏ.ସି. ଚେୟାରମ୍ୟାନ୍ ଶ୍ରୀମତୀ ଆଶା କୁମାରୀ ସାହୁ, ପୂର୍ବତନ ଟାମଡା ଅଧ୍ୟକ୍ଷ ଶ୍ରୀଯୁକ୍ତ ଶକ୍ତି ପ୍ରସାଦ ପଟ୍ଟନାୟକ, ପୂର୍ବତନ ଓକିଲ ସଂଘ ସଭାପତି ଶ୍ରୀଯୁକ୍ତ ଦିଲ୍ଲୀପ କୁମାର ସାହୁ, ଯୁବ ବିଜେଡି ରାଜ୍ୟ ସାଧାରଣ ସମ୍ପାଦକ ଶ୍ରୀ ଚନ୍ଦ୍ରକାନ୍ତ ପ୍ରଧାନ, ସମସ୍ତ ବ୍ଲକ ସଭାପତି, ମୁ୍୍ୟନିସିପାଲିଟି ଓ ଏନ୍.ଏ.ସି. ସଭାପତି, ଜିଲ୍ଲାପରିଷଦ ସଭ୍ୟ, କାଉନସିଲର, ସରପଞ୍ଚ, ସମିତିସଭ୍ୟ ଏବଂ ପ୍ରତ୍ୟେକ ପଞ୍ଚାୟତର ପ୍ରତିନିଧି ଓ ବରିଷ୍ଠ ଜିଲ୍ଲାସ୍ତରୀୟ ଛାତ୍ର, ଯୁବ ଓ ମହିଳା ପ୍ରତିନିଧିମାନେ ଯୋଗଦେଇଥିଲେ ।ଏହି ସଭାରେ ନୂତନ ଭାବେ ମନୋନୀତ ହୋଇଥିବା ଜିଲ୍ଲା କମିଟି ଓ ରାଜ୍ୟ କମିଟିରେ ସ୍ଥାନ ପାଇଥିବା କର୍ମୀମାନଙ୍କୁ ସମ୍ୱର୍ଦ୍ଧନା ଦିଆଯାଇଥିଲା । ଦଳକୁ କିପରି ତୃଣମୂଳ ସ୍ତରରୁ ମଜଭୂତ କରାଯିବ ଏବଂ ବର୍ତ୍ତମାନର ବିଜେପି ସରକାରଙ୍କର ମନମୁଖୀ କାର୍ଯ୍ୟକ୍ରମ ଓ ଦୁର୍ନୀତି ବିରୁଦ୍ଧରେ ଆନେ୍ଦାଳନାତ୍ମକ ପନ୍ଥା ଅବଲମ୍ୱନ କରାଯିବା ପାଇଁ ନିଷ୍ପତି ନିଆଗଲା । ବର୍ତ୍ତମାନର ଡବଲ ଇଞ୍ଜିନ୍ ସରକାରଙ୍କର ଚାଷୀ ମାରଣ ନୀତି, ବେକାରୀ ସମସ୍ୟା, ନାରୀ ନିର୍ଯାତନା, ପରିବେଶ ସୁରକ୍ଷା ଆଦି ବିଷୟରେ ବିଫଳ ହୋଇଛି । ଲୋକମାନଙ୍କୁ ବିଭିନ୍ନ ମିଛ ପ୍ରତିଶ୍ରୁତି ଦେଇ ସରକାରକୁ ଆସିବା ପରେ ଲୋକମାନଙ୍କର ମୌଳିକ ସମସ୍ୟା ଭୁଲି ଯାଇ ସମସ୍ତ ଅତ୍ୟାବଶ୍ୟକ ସାମଗ୍ରୀ ଉପରେ ନାହିଁନଥିବା ଟିକସ ନେଇ ଲୋକମାନଙ୍କୁ ଶୋଷଣ କରୁଅଛି । ପଲୁ୍ୟସନ୍ ସାର୍ଟିଫିକେଟ୍ ପାଇଁ ବାଧ୍ୟକରି ଟିକସ୍ ନେବା ପରି ହିଟଲରୀ ଶାସନ ଚଳାଇଛନ୍ତି । ଏହାକୁ ଆଗାମୀ ଦିନରେ ବିଜୁ ଜନତା ଦଳ ତରଫରୁ ବିରୋଧ କରାଯିବା ସହିତ ଲୋକମାନଙ୍କର ମୌଳିକ ସମସ୍ୟା ପାଇଁ ରାଜରାସ୍ତାକୁ ଓହ୍ଲାଇବା ପାଇଁ ନିଷ୍ପତି ନିଆଗଲା । ସେହିପରି ଆଗାମୀ ଦିନରେ ଏହିପରି ପରିବର୍ତ୍ତିତ କାର୍ଯ୍ୟକାରିଣୀ ବୈଠକ ରାଜ୍ୟର ଅନ୍ୟ ଜିଲ୍ଲାମାନଙ୍କରେ ଅନୁଷ୍ଠିତ ହେବ । ପରିଶେଷରେ ମହେନ୍ଦ୍ର ବସ୍ତିଆ ଧନ୍ୟବାଦ ଅର୍ପଣ କରିଥିଲେ ।
