ଅନୁଗୋଳ ଡିଏଫଓଙ୍କ କ୍ଷେତ୍ର ପରିଦର୍ଶନ ଓ ବିକାଶମୂଳକ କାର୍ଯ୍ୟର ସମୀକ୍ଷା
ଅନୁଗୋଳ – ଅନୁଗୋଳ ବନ ବିଭାଗର ଡିଏଫଓ ସମଲ ବିଟ୍ ଅନ୍ତର୍ଗତ ସମଲ ବ୍ୟାରେଜ୍ ନିକଟରେ ପ୍ରସ୍ତାବିତ ୱାଚ୍ ଟାୱାର-କମ୍-ପକ୍ଷୀ ଅବଜରଭେଟୋରୀ ସ୍ଥଳର ପରିଦର୍ଶନ କରିବା ସହିତ ତାଳଚେର ରେଞ୍ଜ ଅଧୀନରେ ଚାଲିଥିବା ବିଭିନ୍ନ ବିକାଶମୂଳକ କାର୍ଯ୍ୟର ସମୀକ୍ଷା କରିଥିଲେ।
ପରିଦର୍ଶନ ସମୟରେ— ତାଳଚେର ବିଟ୍ର ରାଣୀପାର୍କରେ ନଗର ଭାଟିକା ପ୍ରକଳ୍ପ ଅଧୀନରେ ଚାଲିଥିବା କାର୍ଯ୍ୟ, ଗୋଡ଼ିବନ୍ଧ ବିଟ୍ର ରାଧାରମଣପୁରସ୍ଥିତ କେନ୍ଦ୍ରୀୟ ନର୍ସରୀ, ଏବଂ କୁଲେଇ ବିଟ୍ର କଟାରପଡ଼ାରେ ଏଆର ପ୍ଲାଣ୍ଟେସନ୍ ପାଇଁ ଚାଲିଥିବା ଗର୍ତ୍ତ ଖନନ କାର୍ଯ୍ୟର ଅନୁଧ୍ୟାନ କରାଯାଇଥିଲା।
ଏହି ପରିଦର୍ଶନ ମାଧ୍ୟମରେ ପରିବେଶ ସୁରକ୍ଷା, ବାସସ୍ଥାନର ବିକାଶ, ବୃକ୍ଷରୋପଣ କାର୍ଯ୍ୟକ୍ରମ ଏବଂ ସ୍ଥାୟୀ ବନ ପରିଚାଳନା ପ୍ରତି ବନ ବିଭାଗର ଦୃଢ଼ ପ୍ରତିବଦ୍ଧତାକୁ ପୁନର୍ବାର ଗୁରୁତ୍ୱ ଦିଆଯାଇଥିଲା। ଏହି ପଦକ୍ଷେପଗୁଡ଼ିକ ଦୀର୍ଘକାଳୀନ ସଂରକ୍ଷଣ ଓ ଜୈବ ବିବିଧତାର ସୁରକ୍ଷା ଏବଂ ବୃଦ୍ଧିରେ ସହାୟକ ହେବ।
