ହେଡ୍ଲାଇନ୍: ଭବିଷ୍ୟତର ଟେକ୍ନୋଲୋଜି ପାଇଁ ଓଡ଼ିଶାର ବଡ଼ ପଦକ୍ଷେପ: ଗୁଜରାଟରେ ସେମିକଣ୍ଡକ୍ଟର ମଡେଲ୍ ପରଖିଲେ ମନ୍ତ୍ରୀ ମୁକେଶ ମହାଲିଙ୍ଗ
ଭୁବନେଶ୍ୱର/ସାନନ୍ଦ:
ଓଡ଼ିଶାରେ ଖୁବ୍ଶୀଘ୍ର ଗଢ଼ି ଉଠିବ ବିଶ୍ୱସ୍ତରୀୟ ସେମିକଣ୍ଡକ୍ଟର ଶିଳ୍ପ! ଏହି ଲକ୍ଷ୍ୟକୁ ସାକାର କରିବା ପାଇଁ ରାଜ୍ୟର ଏକ ଉଚ୍ଚସ୍ତରୀୟ ପ୍ରତିନିଧି ଦଳ ସହ ଗୁଜରାଟର ସାନନ୍ଦ ପହଞ୍ଚିଛନ୍ତି ଇଲେକ୍ଟ୍ରୋନିକ୍ସ ଓ ଆଇଟି ମନ୍ତ୍ରୀ ଡ. ମୁକେଶ ମହାଲିଙ୍ଗ।
ସେଠାରେ ଥିବା ପ୍ରମୁଖ ସେମିକଣ୍ଡକ୍ଟର କମ୍ପାନୀ ସିଜି ସେମି, କେନ୍ସ ସିଲିକନ୍ ଏବଂ ମାଇକ୍ରୋନ୍ ପ୍ଲାଣ୍ଟ୍ ବୁଲି ଦେଖିବା ସହ ଚିପ୍ ନିର୍ମାଣ ଓ ପ୍ୟାକେଜିଂ ପ୍ରକ୍ରିୟାକୁ ନିକଟରୁ ଅନୁଧ୍ୟାନ କରିଛନ୍ତି। ମନ୍ତ୍ରୀ କହିଛନ୍ତି ଯେ, ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନେତୃତ୍ୱରେ ରାଜ୍ୟରେ ହାଇ-ଟେକ୍ ଶିଳ୍ପର ବିକାଶ ସହ ଯୁବପିଢ଼ିଙ୍କ ପାଇଁ ନୂଆ ନିଯୁକ୍ତି ସୁଯୋଗ ସୃଷ୍ଟି ହେବ। ସାନନ୍ଦର ସଫଳ ମଡେଲ୍କୁ ଏବେ ଓଡ଼ିଶାରେ କାର୍ଯ୍ୟକାରୀ କରିବାକୁ ସରକାର ସମ୍ପୂର୍ଣ୍ଣ ପ୍ରସ୍ତୁତ।
