ବଙ୍ଗୋପସାଗରରେ ଲଘୁଚାପ: ୨୨ରୁ ୨୫ ଯାଏଁ ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
ବାତ୍ୟା ନେଇ ଏବେ ବି ସ୍ପଷ୍ଟ ଚିତ୍ର ନାହିଁ, ନଜରରେ ପାଣିପାଗ ବିଭାଗ
ଭୁବନେଶ୍ୱର: ବଙ୍ଗୋପସାଗରରେ ପାଣିପାଗର ଗତିବିଧି ବଢ଼ିବା ସହ ଓଡ଼ିଶାରେ ଆଗାମୀ କିଛି ଦିନ ପାଇଁ ବର୍ଷାର ପ୍ରଭାବ ବଢ଼ିବା ଆଶଙ୍କା ଦେଖାଦେଇଛି। ଆଣ୍ଡାମାନ ସାଗର ଅଞ୍ଚଳରେ ସୃଷ୍ଟ ଲଘୁଚାପ କ୍ଷେତ୍ର ପଶ୍ଚିମ-ଉତ୍ତରପଶ୍ଚିମ ଦିଗକୁ ଗତି କରିବା ସହ ଆହୁରି ଘନୀଭୂତ ହେବାର ସମ୍ଭାବନା ରହିଛି।
ପାଣିପାଗ ବିଭାଗର ସଦ୍ୟ ସତର୍କତା ଅନୁଯାୟୀ, ସେପ୍ଟେମ୍ବର ୨୨ରେ ଓଡ଼ିଶାରେ ଅତିପ୍ରବଳ ବର୍ଷା, ୨୩ ଓ ୨୪ ତାରିଖରେ ଅତ୍ୟନ୍ତ ପ୍ରବଳ ବର୍ଷା ଏବଂ ୨୫ ତାରିଖରେ ପୁଣି ଅତିପ୍ରବଳ ବର୍ଷା ହେବାର ସତର୍କତା ରହିଛି। ଏଥିସହ ବଜ୍ରପାତ ଓ ଝଡ଼ ପବନ ନେଇ ମଧ୍ୟ ସତର୍କ କରାଯାଇଛି।
ଲଘୁଚାପଟି ଆଗକୁ ବଢ଼ି ଅବପାତ ଓ ପରବର୍ତ୍ତୀ ସମୟରେ ଗଭୀର ଅବପାତର ରୂପ ନେବାର ସମ୍ଭାବନା ନେଇ ପାଣିପାଗ ନଜର ରଖିଛି। ତେବେ ଏହା ବାତ୍ୟାରେ ପରିଣତ ହେବ କି ନାହିଁ, ସେନେଇ ଏବେଠାରୁ ନିଶ୍ଚିତ ଭାବେ କହିବା ସମ୍ଭବ ନୁହେଁ। ବାତ୍ୟା ନେଇ କିଛି ଘରୋଇ ପାଣିପାଗ ସଂସ୍ଥା ଆକଳନ କରୁଥିଲେ ମଧ୍ୟ IMDର ଅଧିକୃତ ଆକଳନକୁ ହିଁ ପ୍ରାଥମିକତା ଦିଆଯିବା ଆବଶ୍ୟକ।
ସମ୍ଭାବ୍ୟ ପାଣିପାଗ ପରିସ୍ଥିତିକୁ ଦୃଷ୍ଟିରେ ରଖି ଦକ୍ଷିଣ ଓଡ଼ିଶା ସମେତ ବିଭିନ୍ନ ଅଞ୍ଚଳରେ ବର୍ଷାର ପ୍ରଭାବ ବଢ଼ିବା ନେଇ ଆଶଙ୍କା ରହିଛି। ରାଜ୍ୟର କେତେକ ଅଞ୍ଚଳ ପାଇଁ ଅରେଞ୍ଜ ଓ ୟେଲୋ ସତର୍କତା ମଧ୍ୟ ଜାରି ହୋଇଛି।
ଏହି ପାଣିପାଗ ପ୍ରଣାଳୀର ଗତିପଥ ଓ ତୀବ୍ରତା ଉପରେ ନଜର ରଖାଯାଇଛି। ଆଗାମୀ ଦିନରେ ସିଷ୍ଟମ୍ର ଗତିପଥ ଓ ଶକ୍ତି ସମ୍ପର୍କରେ ଅଧିକ ସ୍ପଷ୍ଟ ଚିତ୍ର ମିଳିବ। ତେଣୁ ଲୋକଙ୍କୁ ନିୟମିତ ଭାବେ IMD ଓ ସ୍ଥାନୀୟ ପ୍ରଶାସନର ଅଧିକୃତ ପାଣିପାଗ ସୂଚନା ଅନୁସରଣ କରିବାକୁ ପରାମର୍ଶ ଦିଆଯାଉଛି।
![{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://www.jagratbharatnews.in/wp-content/uploads/2026/09/Picsart_26-05-14_06-19-38-643-15-scaled.jpg)
