ତାଳଚେର ଭୂଗର୍ଭରେ ସଠିକ ଭାବେ ହେଉନି ବାଲିଫିଲିଙ୍ଗ
ଆଉ ପ୍ରଦ୍ୟୁଷଣ ଭୂକ୍ତଭୋଗୀ ହିଁ କହିବ!
ତାଳଚେର, ୨୦/୦୯ ତାଳଚେରରକୁ ସବୁ ଦିଗରୁ ବିପଦ! ଜନବସତି ତଳେ ମାଟି ଫମ୍ପା ହୋଇଯାଇଥିବା ବେଳେ ଭୂପୃଷ୍ଠରେ ବାୟୁ ପ୍ରଦ୍ୟୁଷଣ ଲୋକଙ୍କୁ ଅଣନିଶ୍ୱାସୀ କରୁଛି । ଭୂକମ୍ପ ପ୍ରଣବ ବଳୟରେ ରହିଛି ତାଳଚେର, ଫଳରେ ତାଳଚେରବାସୀ ଘୋର ଚିନ୍ତାରେ ଅଛନ୍ତି ।
ତାଳଚେର ସହର ଦେଉଳବଡ଼ା ଖଣିରୁ କୋଇଲା ଉତୋଳନ ପରେ ଭୂପୃଷ୍ଠକୁ ଟେକି ଧରିବାକୁ ଖଣି ଭିତରେ ଛାଡ଼ି ଦିଆଯାଇଛି କୋଇଲା ଖମ୍ବ । କେତୋଟି କୋଇଲା ଖମ୍ବ ଉପରେ ତାଳଚେର ସହର ରହିଛି । ଭୂଗର୍ଭରେ ଖଣିର ସୀମା ପୂର୍ବପଶ୍ଚିମ ଦିଗରେ ସାଢ଼େ ୪କିମି ଓ ଉତର ଦକ୍ଷିଣକୁ ୨.୧ କିମି ବ୍ୟାପିଛି । ଖଣିରୁ କୋଇଲା ଉତୋଳନ ପରେ ଖାଲି ସ୍ଥାନରେ ପର୍ଯ୍ୟନ୍ତ ବାଲି ଭର୍ତି କରାଯାଇ ନଥିବା କୁହାଯାଉଛି । ଫଳରେ ତାଳଚେର ସହରର ସ୍ଥାୟୀତ୍ୱନେଇ ଅନିଶ୍ଚିତତା ଦେଖାଦେଇଛି । ଝାଡ଼ଖଣ୍ଡ ଧନାବାଦ୍ ସେଟ୍ରାଂଲ ମାଇନିଙ୍ଗ ରିସର୍ଚ୍ଚ ଇନଷ୍ଟିଚ୍ୟୁଟ୍ର ବିଶେଷଜ୍ଞମାନେ ଅତୀତର ଏହି ଅଂଚଳର ସମୀକ୍ଷା କରି ଏଠାରେ ନିର୍ମାଣ କାର୍ଯ୍ୟ ନକରିବାକୁ ଖଣି ସୁରକ୍ଷା ନିର୍ଦ୍ଦେଶକଙ୍କୁ ପରାମର୍ଶ ଦେଇଛନ୍ତି ବୋଲି କୁହାଯାଉଛି ।
ଭୂଗର୍ଭ ସ୍ଥିତି ଏଭଳି ଥିବା ବେଳେ ଭୂପୃଷ୍ଠରେ ବାୟୁରୁ ବିଷ ଶୋସୁଛନ୍ତି ତାଳଚେରବାସୀ । ତାଳଚେର ସହର ଓ ଆଖପାଖ ଅଂଚଳର ବାୟୁ ପ୍ରଦୁଷ୍ୟଣ ସୀମା ଉଲଘଂନ କରିଛି । ଖଣି ରାସ୍ତା, ଜାତୀୟ ରାଜପଥ, ଅଂଚଳରେ ଥିବା କୋଇଲା ଖଣି, ତାପଜ ବିଦ୍ୟୁତ୍ କେନ୍ଦ୍ର ଗୁଡ଼ିକ ଆର୍ଥିକ ଉନ୍ନତିର କାରଣ ସାଜିଥିବା ବେଳେ ପ୍ରଦ୍ୟୁଷଣ ହିଁ ତାଳଚେରବାସୀଙ୍କ ପାଇଁ ମୁଣ୍ଡବ୍ୟଥା ସୃଷ୍ଟି କରିଛି । ଆନ୍ତର୍ଜାତିକ ସଂସ୍ଥା ଗ୍ରିନପିସ୍ ପକ୍ଷରୁ ଦୁଇବର୍ଷ ପୂର୍ବରୁ ପ୍ରକାଶିତ ତାଲିକାରେ ବିଶ୍ୱର ସର୍ବାଧିକ ପ୍ରଦ୍ୟୁଷିତ ସହର ମାନଙ୍କ ମଧ୍ୟରେ ତାଳଚେରର ନାମ ରହିଛି । ସେହିପରି କୋଲଇଣ୍ଡିଆର ଏକ ସହଯୋଗୀ ସଂସ୍ଥା ‘ସେଟ୍ରାଲ ମାଇନିଂ ପ୍ଲାନିଂ ଆଣ୍ଡ ଡ଼ିଜାଇନ୍ ଉନଷ୍ଟିଚ୍ୟୁଟ୍ ପକ୍ଷରୁ ଏଅଂଚଳର ବାୟୁ ପ୍ରଦୁଷ୍ୟଣ ମାତ୍ରା ମାପିବା ପରେ ଏହାର ରିପୋର୍ଟ କେନ୍ଦ୍ର ପରିବେଶ ମନ୍ତ୍ରାଳୟକୁ ପୂର୍ବରୁ ଦିଆଯାଇଛି ବୋଲି ଜଣାଯାଏ । ତାଳଚେର ପୌରାଚଂଳର ମଣ୍ଡାପାଳ ଡ଼ାକ୍ତରଖାନା, ଲିଙ୍ଗରାଜ ଖଣି ପ୍ରବନ୍ଧକଙ୍କ କାର୍ଯ୍ୟାଳୟ ଖଣି ରାସ୍ତା ଓ ପୌରାଚଂଳ ନିକଟ ଡ଼େରା ପ୍ରବନ୍ଧକଙ୍କ କାର୍ଯ୍ୟାଳୟରେ ପ୍ରଦ୍ୟୁଷଣ ମାପକ ଯନ୍ତ୍ର ବସାଯାଇ ପ୍ରଦ୍ୟୁଷଣ ମାତ୍ରା ରେକର୍ଡ଼ କରାଯାଇଥିଲା । ସ୍ୱାଭାବିକ ଜୀବନଧାରଣ ପାଇଁ ବାୟୁମଣ୍ଡଳରେ ପିଏମ ୨.୫ ପରିମାଣ ୩୫-୪୦ ମାଇକ୍ରୋ ଗ୍ରାମ ହୋଇଥିବା ବେଳେ ପିଏମ ୧୦ର ଅନୁମୋଦିତ ହାର ୬୦-୭୦ ମାଇକ୍ରୋ ଗ୍ରାମ ଅଟେ । ଏବେ ତାଳଚେରର ପିଏମ ୨.୫ର ପରିମାଣ ୩୨୯କୁ ଛୁଇଁଥିବା ବେଳେ ପିଏମ ୧୦ର ୩୦୯ରେ ପଂହଚିଥିବା ଜାତୀୟ ବାୟୁ ଗୁଣବତା ପକ୍ଷରୁ ୱେବ ସାଇଟ୍ରେ ସୂଚନା ପ୍ରଦାନ କରାଯାଇଛି । ଏଭଳି ପ୍ରଦ୍ୟୁଷଣ ବୃଦ୍ଧି ଦ୍ୱାରା ସହରବାସୀଙ୍କ ଆଖି, ନାକ, ଗଳା, ଫୁସଫୁସ୍ ସଂକ୍ରମିତ ହେବା ନାକରୁ ପାଣି ବହିବା, ଥଣ୍ଡା ହେବା, ପ୍ରଶ୍ୱାସରେ କଷ୍ଟହେବା ଇତ୍ୟାଦି । ଭୂଗର୍ଭ ଓ ଭୂପୃଷ୍ଠ ତାଳଚେରବାସୀଙ୍କ ପାଇଁ ବିପଦ ସୃଷ୍ଟି କରିଥିବା ବେଳେ ଏବେ ସମଗ୍ର ଅଂଚଳରେ ଭୂକମ୍ପ ପ୍ରଣବ ବଳୟରେ ଆସିବା ଖବର ତାଳଚେରବାସୀଙ୍କ ନିଦ ହଜାଇ ଦେଇଥିବା ବେଳେ ସଠିକଭାବେ ବାଲି ଭୂଗର୍ଭରେ ଫିଲିଙ୍ଗ କରାଯାଉ ନାହିଁ ବୋଲି ମଧ୍ୟ ଚର୍ଚ୍ଚା ହେଉଛି । ତାଳଚେରରେ ଭୂଗର୍ଭ ଫମ୍ପା ହୋଇଥିଲେ ହେଁ ଅଂଚଳବାସୀଙ୍କ ସ୍ୱାର୍ଥକୁ ଗୁରୁତ୍ୱ ଦେବା କଥା, କେତେ ବେଳେ ଯେ, କ’ଣ ଘଟିବ ତାହା କିଏ କହିବ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ଚାଲିଛି ।
September 20, 2026/
No Comments
