ତୁଳସୀ ସାହିତ୍ୟ ସଂସଦର ବାର୍ଷିକ ଆସର ଅନୁଷ୍ଠିତ
ଜେ ବି ଏନ, ୨୭/୧୨/୨୦୨୦, (ରିପୋର୍ଟ, ବ୍ୟୁରୋ, JRP), ଜଗତସିଂହପୁର : କାଦୁଅପଡାସ୍ଥିତ ଗାଦିଵ୍ରହ୍ମ ବିଦ୍ୟାପୀଠ ପରିସରରେ ତୁଳସୀ ସାହିତ୍ୟ ସଂସଦ, କାଦୁଅପଡାର ଦ୍ଵିତୀୟ ବାର୍ଷିକ ସାହିତ୍ୟ ଆସର ଅନୁଷ୍ଠିତ ହୋଇଯାଇଛି । ସଂସଦର ସଭାପତି ରାଷ୍ଟ୍ରପତି ପୁରସ୍କାର ପ୍ରାପ୍ତ ପ୍ରଧାନ ଶିକ୍ଷକ ଶରତ ଚନ୍ଦ୍ର ବାରିକ୍ ଅଧ୍ୟକ୍ଷତା ରେ ମୁଖ୍ୟ ଅତିଥି ଭାବେ ସମାଜସେବୀ ପ୍ରିୟନାଥ ରାୟ ! ମୁଖ୍ୟ ବକ୍ତା ଭାବେ ଅବସରପ୍ରାପ୍ତ ଶିକ୍ଷାଧିକାରୀ ଶରତ କୁମାର ରାଉତରାୟ ! ସମ୍ମାନନୀୟ ଅତିଥି କବି ଡଃ ସୁରେନ୍ଦ୍ର ନାଥ ତ୍ରିପାଠୀ, ଅଧ୍ୟାପକ ଭଗବାନ ଦାଶ, ପ୍ରଧାନ ଶିକ୍ଷକ ନିହାର ରଞ୍ଜନ ଦାସ, ଶିକ୍ଷକ ନଗେନ୍ ପଣ୍ଡା ପ୍ରମୁଖ ଯୋଗ ଦେଇଥିଲେ । ପ୍ରାରମ୍ଭରେ ଅତିଥିମାନେ ତୁଳସୀ ଗାଦିଵ୍ରହ୍ମଙ୍କ ଫଟୋଚିତ୍ରରେ ମାଲ୍ୟାର୍ପଣ କରି ପ୍ରଦୀପ ପ୍ରଜ୍ଜ୍ୱଳନ କରିବା ପରେ ଆସର ଆରମ୍ଭ ହୋଇଥିଲା । କଵି ବିଭୂତି ଭୂଷଣ ପରିଡାଙ୍କ ସ୍ମୃତି ଉଦ୍ଦେଶ୍ୟରେ ଏକ ମିନିଟ୍ ନୀରବ ପ୍ରାର୍ଥନା କରାଯାଇଥିଲା । ସଂସଦର ଉପସଭାପତି ଶିକ୍ଷକ ତୁଳସୀ ପ୍ରସାଦ ମହାପାତ୍ର ଅତିଥି ପରିଚୟ ଓ ସ୍ବାଗତ ଭାଷଣ ଦେଇଥିବା ବେଳେ ସଂପାଦକ ଶିକ୍ଷକ ଶିଶିର କୁମାର ତ୍ରିପାଠୀ ସଂସଦର ଆଭିମୁଖ୍ୟ ସଂପର୍କରେ ମତ ରଖିଥିଲେ । ଏହି ଅବସରରେ ଅନୁଷ୍ଠାନ ପକ୍ଷରୁ ସତ୍ୟବତୀ ସ୍ବାଇଁଙ୍କୁ “ତୁଳସୀ ଗଳ୍ପ ସମ୍ମାନ”, କୃଷ୍ଣଚନ୍ଦ୍ର ନନ୍ଦ ଓ ଶରତ କୁମାର ରାଉତରାୟଙ୍କୁ “ତୁଳସୀ କବିତା ସମ୍ମାନ”, ଡଃ ତୃପ୍ତି ରଞ୍ଜନ ଦାସଙ୍କୁ “ତୁଳସୀ ଯୁଵ ସାହିତ୍ୟିକ ସମ୍ମାନ” ରେ ସମ୍ବର୍ଦ୍ଧିତ କରାଯାଇଥିଲା ।ବିଶିଷ୍ଟ କଥାକାର ମନୋଜ ଦାସଙ୍କ ଆରୋଗ୍ୟ କାମନା କରି ୫୧ ଟି ଦୀପ ଦାନ କରାଯାଇଥିଲା । କାର୍ଯ୍ୟକ୍ରମକୁ ଅରୁନ୍ଧତୀ ସେନାପତି ବିଷ୍ଣୁ ଚରଣ ପରିଡା,ବ୍ରଜେନ୍ଦ୍ର ଭଟ୍ଟ ଓ ଦୀପକ କୁମାର ସାହୁ ପ୍ରମୁଖ ପରିଚାଳନା କରିଥିଲେ l
