ମୃଦଙ୍ଗା ଗ୍ରାମର ମୁଖ୍ୟ ପ୍ରବେଶପଥ କର୍ମ ବହୁଳ ଅଂଶକୁ ରାଜସ୍ବ ଗ୍ରାମରୁ ବିଚ୍ଛିନ୍ନ କୁ ନେଇ ବିରୋଧ
ଜିଲ୍ଲାପାଳଙ୍କ ପାଖରେ ଫେରାଦ
ଢେଙ୍କାନାଳ , ତା . ୧୮.୦୧.୨୦୨୩- ଭୁବନ ବ୍ଲକ୍ ଅନ୍ତର୍ଗତ ମୃଦଙ୍ଗା ଗ୍ରାମର ଉତର ପାଖ ଅଂଚଳ ଏ୬୫୮.୫୨ଡେ . ଯାଗାକୁ ନେଇ ‘ ‘ ନଟାକଟା ନୂଆ ମୃଦଙ୍ଗା ’ ଗ୍ରାମ ଗଠନ କୁନେଇ ଅଦ୍ୟ ଢେଙ୍କାନାଳ ଜିଲ୍ଲାପାଳଙ୍କ ପାଖରେ ମୃଦଙ୍ଗା ଗ୍ରାମବାସୀ ଅଭିଯୋଗ ଆଣିଛନ୍ତି । ଆଗରୁ କେସ୍ ନଂ ୭୪୦୯୬ ଓ ଜ୍ଞାପକ ସଂଖ୍ୟା ୩୭୩୨ , ତା ୨୧.୧୨.୨୦୨୨ରିଖ ମୁତାବକ ପୁନରାୟ ଦରଖାସ୍ତକାରୀ ସମସ୍ତ ତଥ୍ୟ ଜଣାଇଛନ୍ତି । ଏହି ନୂତନ ବସ୍ତି ଗଠନ କରାଗଲେ ମୃଦଙ୍ଗା ଗ୍ରାମବାସୀଙ୍କର ଘୋର ଅସୁବିଧା ସୃଷ୍ଟି ହେବ ବୋଲି କହିଛନ୍ତି । ଉକ୍ତ ଅସୁବିଧା ଗୁଡିକ ହେଲା – ପ୍ରସ୍ତାବିତ ନୂତନ ମୌଜା ନଟାକଟା ( ନୂଆମୃଦଙ୍ଗା ଅଂଶରେ ) ମୃଦଙ୍ଗା ରାଜସ୍ବ ଗ୍ରାମ ପାଇଁ ବସ୍ତି ସଂପ୍ରସାରଣ ଉନ୍ନତୀମୂଳକ କାର୍ଯ୍ୟ ପାଇଁ ଗତ ୧୯୮୫ ୮୬ ସେଟେଲ୍ଫେଟ୍ରେ ସଂରକ୍ଷିତ ରଖାଯାଇଅଛି । ଏହି ଅଂଶରେ ମୃଦଙ୍ଗା ଗ୍ରାମପଂଚାୟତ କାର୍ଯ୍ୟାଳୟ , ଅତିରିକ୍ତ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ର , ଆଇ.ଡି.ବି.ଆଇ. ବ୍ୟାଙ୍କ , ୩୩ / ୧୧ କେଭି ଇଲେକଟ୍ରିଗ୍ରିଡ୍ , ଧାଇ ଫେଟର , ପଶୁଚିକିତ୍ସାଳୟ , ରାଜସ୍ୱ ନିରୀକ୍ଷକଙ୍କ କାର୍ଯ୍ୟାଳୟ , ଆଂଚଳିକ ପଂଚାୟତ ମହାବିଦ୍ୟାଳୟ , ମୃଦଙ୍ଗା , ସେବା ସମବାୟ ସମିତି , ମୃଦଙ୍ଗା , ମୃଦଙ୍ଗା ସାପ୍ତାହିକ ବଳୀପୋତା ହାଟ ଓ ମୃଦଙ୍ଗା ଗ୍ରା.ପ.ର ୧୩୦ ବଖରା ଦୋକାନ ଘର ( ଭଡାଗୃହ ) କାଳୀ ମନ୍ଦିର , ଦୈନିକ ବଜାର ଅବସ୍ଥିତ ଅଟେ । ମୃଦଙ୍ଗା ଗ୍ରାମର ମୁଖ୍ୟ ଆୟକାରୀ ଅଂଶ ଏ୧୦୧ , ୦୦ଡେ . ପରିମିତ ଯାଗାରେ ମୃଦଙ୍ଗା ଗ୍ରା.ପ. କାଜୁବଗିଚା ଗ୍ରାମବାସୀଙ୍କର ଏ ୫୦ , ୦୦ଡେ . କାଜୁ ବଗିଚା ସର୍ବମୋଟ ଏ୧୫୧ , ୦୦ ଡେ , ଅଟେ । ଆଉ ମଧ୍ୟ ୫ଗୋଟି ପଥରଖଣି ସେହି ଅଂଚଳରେ ଅବସ୍ଥିତ । ଉକ୍ତ ଅଂଶରେ ମୃଦଙ୍ଗା ଦେଶକୋଠର ଏ୧୬.୦୦ଡେ . ଜମି ସମସ୍ତ ଗ୍ରାମବାସୀ ଏକତ୍ର ଚାଷ କରୁଅଛନ୍ତି । ଏହି ଅଂଶରେ ମୃଦଙ୍ଗା ରାଜସ୍ୱ ଗ୍ରାମର ସମସ୍ତ ପ୍ରଜାଙ୍କର ସମସ୍ତ ଚାଷ ଜମି ଅବସ୍ଥିତ । ନୂତନ ନଟାକଟା ( ନୂଆମୃଦଙ୍ଗା ) ଗ୍ରାମ ଗଠନ କରିବାକୁ ଚାହୁଁଥିବା ଗ୍ରାମବାସୀଗଣ ବିଭିନ୍ନ ମୌଜାରୁ ଉଠିଆସି ଅନାବାଦୀ ଯାଗାରେ ଗୃହ ନିର୍ମାଣ କରି ବସବାସ କରିବା ସହିତ ସରକାରୀ ରେକର୍ଡ ନିଜ ନାମରେ କରାଇ ଅଛନ୍ତି । ସେମାନଙ୍କର ଘରବାରୀ ବ୍ୟତୀତ କୌଣସି ରେକର୍ଡ ଭୁକ୍ତ ଚାଷ ଜମି ମୃଦଙ୍ଗା ମୌଜାରେ ନାହିଁ । ଉକ୍ତ ମୌଜାଟି ମୃଦଙ୍ଗା ଗ୍ରା.ପ.ର ୧.୨ନଂ ସିଟ୍ ମୃଦଙ୍ଗା ଗ୍ରା.ପ.ର ୭ନଂ ୱାର୍ଡ ଅନ୍ତର୍ଗତ ଅଟେ । ମୃଦଙ୍ଗା ଗ୍ରାମରୁ ୭୧ଗୋଟି ପରିବାରଙ୍କର ଦୋହରା ଘର ଓ ଦୋକାନ ଘର ରହିଅଛି । ଏହି ଅଂଶରେ ଗ୍ରାମବାସୀଙ୍କର ଚାଷଜମି ପାଇଁ ଜଳସେଚନର ସୁବିଧା ନିମନ୍ତେ ୫ ଗୋଟି ବଡବନ୍ଧ ଓ ଜଳାଶୟ ଅଛି । ଯୁବକ୍ରୀଡାବିତ୍ଙ୍କ ପାଇଁ ଏକ ଖେଳପଡିଆ ଅଛି । ଏହି ଖେଳ ପଡିଆକୁ ମୃଦଙ୍ଗା ସରକାରୀ ଉଚ୍ଚ ବିଦ୍ୟାଳୟର ଖେଳପଡିଆ ରୂପେ ମନୋନୀତ ସରକାରୀ ସ୍ତରରେ କରାଯାଇଅଛି । ତତ୍ ସହିତ ଅବସରପ୍ରାପ୍ତ ଜବାନମାନଙ୍କ ନିମନ୍ତେ ସଂରକ୍ଷିତ ଯାଗା ରହିଅଛି । ମୃଦଙ୍ଗା ଗ୍ରାମର ମହନୀ ଚକ , ବରବାହାଳୀ , ବ୍ରାହ୍ମଣୀଦେବୀ , ଛମାଣ ଅର୍ଜୁନ ବାହାଳୀ , ଅଁଳାପାଳ , ନୂଆପାରା , ଭାଲୁଗୋଠ , ଶାଳଗାଡିଆ ଚକ , ମୃଦଙ୍ଗା ଗ୍ରାମର ସାବକ ରେକର୍ଡ ମୁତାବକ ଗ୍ରାମବାସୀ ଦାଖଲ କରୁଛନ୍ତି । କିନ୍ତୁ ଭକ୍ତ ଚକରେ ଚାଷବାସ କରୁଥିବା ପ୍ରଜାମାନେ ନୂତନ ( ନଟାକଟା ନୂଆ ମୃଦଙ୍ଗା ) ନୂଆ ରାଜସ୍ୱ ଗ୍ରାମ ପାଇଁ ଦରଖାସ୍ତ କରିନାହାନ୍ତି । ବିଭିନ୍ନ ଗ୍ରାମର କେତେକ ଲୋକ ଯଥାକ୍ରମେ ( ମହୁଲପାଳ – ଖ ) ପୁରୁଷୋତମପୁର , ବଂଟସାଳିଆ , ଏକତାଳୀ , ନିମେଇଁପୁର , କାମାକ୍ଷାନଗରଠାରୁ ଉଠିଆସି ) ଏକ ଗୁଣ୍ଡ ଲେଖାଏଁ ଯାଗା ନେଇ ବସବାସ କରି ଅଧିକା ଅନାବାଦୀ ଯାଗା ଦଖଲ କରିଅଛନ୍ତି । ଗ୍ରାମବାସୀଙ୍କ ତରଫରୁ ଅଧିକ ଯାଗା ଦଖଲ କରିଥିବା ବ୍ୟକ୍ତି ବିଶେଷଙ୍କୁ କହିବା ଦ୍ବାରା ସେମାନେ ଏହି ( ନୂତନ ନଟାକଟା ନୂଆ ମୃଦଙ୍ଗା ) ରାଜସ ଗ୍ରାମ କରିବା ପାଇଁ ଦରଖାସ୍ତ କରି ଅଛନ୍ତି । ବିଶେଷ କରି ସେମାନେ ସରକାରଙ୍କ ନୀତି ନିୟମକୁ ଖୁଲାପ କରି ବାପା , ପୁଅ , ଭାଇଙ୍କ ନାମରେ ଅଧିକ ଯାଗା ରେକର୍ଡ ମଧ୍ୟ କରିଅଛନ୍ତି । ଉକ୍ତ ବିଷୟ ପ୍ରତି ଦୃଷ୍ଟି ରଖାଯାଇ ପ୍ରସ୍ତାବିତ ମୌଜା ନଟାକଟା ( ନୂଆମୃଦଙ୍ଗା ) କୁ ଖାରଜ କରାଯାଇ ମୂଳ ଗ୍ରାମ ମୃଦଙ୍ଗା ହିଁ ରଖାଯାଉ ବୋଲି ଜିଲ୍ଲାପାଳଙ୍କୁ ଅନୁରୋଧ କରିବା ସହିତ ଏଥିରେ ବ୍ୟତିକ୍ରମ କରି ଯଦି ନୂତନ ମୌଜା କରାଯାଏ , ତେବେ ଏହାକୁ ନେଇ ଯେଉଁ ଅପ୍ରିତିକର ପରିସ୍ଥିତି , ଧନଜୀବନ ହାନୀ ହେବ ସେଥ୍ପାଇଁ କର୍ତ୍ତୃପକ୍ଷ ଦାୟି ରହିବେ ବୋଲି ଗ୍ରାମବାସୀ ଚେତାବନୀ ଦେଇଛନ୍ତି । ଏହି ଅଭିଯୋଗ ସମୟରେ ଗ୍ରାମର ସୁଧାକର ଆଏଚ , ରାକେଶ ଆଏଚ , କୃଷ୍ଣଚନ୍ଦ୍ର ବେହେରା , ଶତ୍ରୁଘନ ତରାଇ , ଅଙ୍କୁର ପ୍ରଧାନ ଓ ବାବାଜୀ ସାହୁଙ୍କ ସମେତ ବହୁ ଗ୍ରାମବାସୀ ଉପସ୍ଥିତ ଥିଲେ ।
