ଭାରତୀୟ ମଜଦୂର ସଂଘର ୭୧ତମ ପ୍ରତିଷ୍ଠା ଦିବସ ପାଳିତ ହୋଇଯାଇଛି
ବଅଁରପାଳ,୨୩/୦୭ ଭାରତୀୟ ମଜଦୂର ସଂଘର ୭୧ତମ ପ୍ରତିଷ୍ଠା ଦିବସ ବୁଧବାର ଦିନ ସନ୍ଧ୍ୟାରେ ନାଲକୋ ନଗରସ୍ଥିତ କଲ୍ୟାଣ ମଣ୍ଡପରେ ମହା ଆଡମ୍ବରରେ ପାଳିତ ହୋଇଯାଇଛି।ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ରାଷ୍ଟ୍ରୀୟ ସ୍ଵୟଂସେବକ ସଂଘର ଓଡ଼ିଶା ପ୍ରଦେଶ ପ୍ରାନ୍ତ କାର୍ଯ୍ୟବାହ ଶ୍ରୀ ଅନିଲ ମିଶ୍ର, ସମ୍ମାନିତ ଅତିଥି ଭାବେ ସ୍ମେଲଟର ଓ ପାୱାର କମ୍ପ୍ଲେକ୍ସର ସିଂ ଆର ଜି ବିଭାଗର ଶ୍ରୀ ପ୍ରଣବ କୁମାର ଦାସ ଏବଂ ମାନବ ସମ୍ବଳ ବିଭାଗର ସମୂହ ମହାପ୍ରବନ୍ଧକ ଶ୍ରୀ ସୁନୀଲ କୁମାର ମହାପାତ୍ର ଯୋଦାନ କରି ପ୍ରଦୀପ ପ୍ରଜ୍ଜ୍ୱଳନ କରିଥିଲେ। କାର୍ଯ୍ୟାଳୟ ସମ୍ପାଦକ ତ୍ରିପତି ସେନାପତି ଙ୍କ ଦ୍ଵାରା ସାମୁହିକ ଶ୍ରମିକ ସଙ୍ଗୀତ ଓ ସ୍ଲୋଗାନ ଗାନ ପରେ ସଭାକାର୍ଯ୍ୟ ଆରମ୍ଭହୋଇଥିଲା। ଉପ ସମ୍ପାଦକ ଆଶୁତୋଷ ରଥ ସ୍ୱାଗତ ଭାଷଣ ତଥା ଅତିଥି ପରିଚୟ ପ୍ରଦାନ କରି ମଞ୍ଚ ପରିଚାଳନା କରିଥିଲେ। ବିଭିନ୍ନ ଅନୁଷ୍ଠାନ ପକ୍ଷରୁ ଓଡିଶୀ ନୃତ୍ୟ ପରିବେଷଣ ହୋଇଥିଲା। ଭାରତୀୟ ମଜଦୂର ସଂଘର ୭୦ ବର୍ଷ ପୂର୍ତ୍ତି ଉପଲକ୍ଷେ ସଙ୍ଗଠନ ତରଫରୁ ବିଦ୍ୟାଳୟ ସ୍ତରୀୟ ବିଭିନ୍ନ ପ୍ରତିଯୋଗିତା ବିଜେତା ମାନଙ୍କୁ ପୁରସ୍କାର ବିତରଣ କରାଯାଇଥିଲା। ଏହି କାର୍ଯ୍ୟକ୍ରମରେ ବିଭିନ୍ନ ବିବିଧ କ୍ଷେତ୍ର ତଥା ରାଷ୍ଟ୍ରୀୟ ସ୍ଵୟଂସେବକ ସଂଘ, ଭାରତୀୟ ଜନତା ପାର୍ଟି,ଅଖିଳ ଭାରତୀୟ ବିଦ୍ୟାର୍ଥୀ ପରିଷଦ,ନାଲକୋ ବିଦ୍ୟୁତ ମଜଦୂର ସଂଘ, ଆଲୁମିନିୟମ ଠିକା ମଜଦୂର ସଂଘ, ନାଲକୋ ଠିକା ମଜଦୂର ସଂଘ ସଦସ୍ୟ ଓ ନାଲକୋର ସମସ୍ତ ସ୍ଥାୟୀ କର୍ମଚାରୀ,ଠିକା କର୍ମଚାରୀଙ୍କ ସମେତ ୨୦୦୦ ରୁ ଉର୍ଦ୍ଧ୍ବ ବ୍ୟକ୍ତିଙ୍କ ସମାଗମ ଦେଖିବାକୁ ମିଳିଥିଲା ଯାହାଦ୍ଵାରା ସ୍ଥାନୀୟ ଅଞ୍ଚଳ ଏକ ଉତ୍ସବମୁଖର ହୋଇଥିଲା। ସଙ୍ଗଠନ ର ସଭାପତି ଶ୍ରୀ ମୁନା ସାମଲ କେନ୍ଦ୍ରମନ୍ତ୍ରୀ ଙ୍କ ହସ୍ତକ୍ଷେପ ଫଳରେ ନାଲକୋ ତଥା ନାଲକୋ କର୍ମଚାରୀ ମାନଙ୍କ ର ଅତୀତରେ ଘଟିଥିବା ବିଭିନ୍ନ ସମସ୍ୟା ର ମୁଳୋପାଟନ ହୋଇଥିବା ଧାରା ବିବରଣୀ ପ୍ରଦାନ କରିବା ସହିତ ଆଗାମୀ ଦିନରେ ଥିବା ମୂଳ ସମସ୍ୟା ଗୁଡ଼ିକର ସମାଧାନ ନିମନ୍ତେ ପ୍ରଚେଷ୍ଟା ଜାରିରହିବ ବୋଲି ସଂକଳ୍ପ କରିଥିଲେ। ସଙ୍ଗଠନ ର ସାଧାରଣ ସମ୍ପାଦକ ଶ୍ରୀ ଗୋପାଳ କୃଷ୍ଣ ମଲ୍ଲିକ ଆଲୁମିନିୟମ ମଜଦୂର ସଂଘ ଦ୍ୱାରା କରାଯାଇଥିବା ବିଭିନ୍ନ ଉନ୍ନତିମୂଳକ କାର୍ଯ୍ୟକ୍ରମ ଗୁଡ଼ିକର ବିବରଣୀ ଉପସ୍ଥାପନା କରିବାସହିତ ବକେୟା ଥିବା ସମସ୍ୟା ଗୁଡ଼ିକ ର ଆଶୁ ସମାଧାନ ପାଇଁ କର୍ମଚାରୀ ମାନଙ୍କର ସହଯୋଗ କାମନା କରିଥିଲେ। ମୁଖ୍ୟ ଅତିଥି ଶ୍ରୀ ଅନିଲ ମିଶ୍ର ଶୂନ୍ୟରୁ ଶିଖର ରେ ପହଞ୍ଚି ଥିବା ଭାରତୀୟ ମଜଦୂର ସଂଘ ର ୭୦ ବର୍ଷର ଗୈାରବମୟ ଯାତ୍ରା ବର୍ଣ୍ଣନା କରିଥିଲେ। ରାଷ୍ଟ୍ରହିତ,ଉଦ୍ୟୋଗହିତ,ଶ୍ରମିକ ହିତ ମନ୍ତ୍ରରେ ବିମୋହିତ ସମସ୍ତ କାର୍ଯ୍ୟକର୍ତ୍ତା ରାଷ୍ଟ୍ର ନିର୍ମାଣ ରେ ନିଜର ଅହମ ଭୁମିକା ପ୍ରତିପାଦନ କରି ଆସିଥିବାରୁ ଶ୍ରୀ ମିଶ୍ର ଅଶେଷ ଶୁଭେଚ୍ଛା ଓ ଶୁଭକାମନା ଜ୍ଞାପନ କରିଥିଲେ । ସମ୍ମାନିତ ଅତିଥି ଶ୍ରୀ ପ୍ରଣବ କୁମାର ଦାସ ନାଲକୋ ପ୍ରଶାସନ ଓ ଶ୍ରମିକ ସଙ୍ଗଠନ ମଧ୍ୟରେ ସୁସମ୍ପର୍କ ସ୍ଥାପନା କରି ବିଭିନ୍ନ ଉନ୍ନତିମୂଳକ କାର୍ଯ୍ୟ କରିବାସପାଇଁ ଗୁରୁତ୍ବ ଦେଇଥିଲେ। ସମ୍ମାନିତ ଅତିଥି ସୁନୀଲ କୁମାର ମହାପାତ୍ର ତାଙ୍କ ଅଭିଭାଷଣରେ ନାଲକୋ ର ସୁପରିଚାଳନା ନିମନ୍ତେ ଶ୍ରମିକ ସଙ୍ଗଠନ ଗୁଡିକ ଭୁମିକା ଉପରେ ଆଲୋକପାତ କରିଥିଲେ।ପରିଶେଷରେ ସଙ୍ଗଠନ ର ସଭାପତି ଶ୍ରୀ ମୁନା ସାମଲ ଧନ୍ୟବାଦ ଅର୍ପଣ କରିଥିଲେ।
