ନୁଆଦିଲ୍ଲୀ: ଆଜି ପାଟନା ନିକଟସ୍ଥ ମୋକାମାରେ ଗୁଳି ଚାଲିଛି। ଅନନ୍ତ ସିଂହଙ୍କ ଗଡ଼ରେ ଗୁଳିଚାଳନା ଯୋଗୁଁ ଜନ ସୂରାଜ ପାର୍ଟିର ଜଣେ ସମର୍ଥକଙ୍କ ମୃତ୍ୟୁ ହୋଇଛି। ଏହି ଘଟଣାଟି ଭଦୌର ପୋଲିସ ଷ୍ଟେସନ ଅଞ୍ଚଳରେ ଘଟିଛି। ମୃତକଙ୍କ ନାମ ଦୁଲାରଚାନ୍ଦ ଯାଦବ (୫୦ ବର୍ଷରୁ ଅଧିକ) ବୋଲି ଚିହ୍ନଟ କରାଯାଇଛି।
ଜନ ସୂରାଜ ପାର୍ଟି ପୀୟୂଷ ପ୍ରିୟଦର୍ଶୀଙ୍କୁ ମୋକାମାରୁ ପ୍ରାର୍ଥୀ ଭାବରେ ମନୋନୀତ କରିଛି।
ସେ ତାଙ୍କ ସମର୍ଥକଙ୍କ ସହିତ ପ୍ରଚାର କରୁଥିଲେ। ଏହି ସମୟରେ ତାଙ୍କ ରାଲି ଉପରେ ଲାଠି ଏବଂ ରଡ୍ ସାହାଯ୍ୟରେ ଆକ୍ରମଣ କରାଯାଇଥିଲା। ଭିଡ଼ ମଧ୍ୟରୁ କେହି ଜଣେ ଗୁଳି ମଧ୍ୟ ଚଳାଇଥିଲେ। ମୁଣ୍ଡରେ ଗୁଳି ବାଜିବାରୁ ଦୁଲାରଚାନ୍ଦ ଯାଦବଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା। ଏହି ଘଟଣା ପଛରେ ଏନଡିଏ (ଜେଡିୟୁ) ପ୍ରାର୍ଥୀ ଅନନ୍ତ ସିଂହଙ୍କ ସମର୍ଥକଙ୍କ ହାତ ଥିବା ଅଭିଯୋଗ ହୋଇଛି।ତଥାପି ପୋଲିସର ତଦନ୍ତ ପରେ ଏହାର କାରଣ ଜଣାପଡିବ। ପୋଲିସ ଘଟଣାସ୍ଥଳରେ ପହଞ୍ଚି ଘଟଣାର ତଦନ୍ତ ଆରମ୍ଭ କରିଛି। ଦୁଲାରଚାନ୍ଦ ଯାଦବ ହେଉଛନ୍ତି ପୀୟୁଷଙ୍କ ଦାଦା।ଜନ ସୂରାଜ ପ୍ରାର୍ଥୀ ପୀୟୁଷ ପ୍ରିୟଦର୍ଶୀ ସମଗ୍ର ଘଟଣାର ପ୍ରତିକ୍ରିୟା ଦେଇଛନ୍ତି। ସେ ଅନନ୍ତ ସିଂହଙ୍କୁ ଆକ୍ରମଣର ଷଡ଼ଯନ୍ତ୍ର କରିଥିବା ଅଭିଯୋଗ କରିଛନ୍ତି। ଘଟଣା ପରେ ତାଙ୍କୁ କାନ୍ଦୁଥିବାର ଦେଖାଯାଇଥିଲା। କୁହାଯାଉଛି ଯେ, ଦୁଲାରଚାନ୍ଦ ଯାଦବ ଅଞ୍ଚଳରେ ଜନ ସୂରାଜ ପାଇଁ ନିରନ୍ତର ଭୋଟ ମାଗୁଥିଲେ।ଜନ ସୂରାଜ ପାର୍ଟି ପୀୟୂଷ ପ୍ରିୟଦର୍ଶୀଙ୍କୁ ମୋକାମାରୁ ପ୍ରାର୍ଥୀ ଭାବରେ ମନୋନୀତ କରିଛି। ସେ ତାଙ୍କ ସମର୍ଥକଙ୍କ ସହିତ ପ୍ରଚାର କରୁଥିଲେ। ଏହି ସମୟରେ ତାଙ୍କ ରାଲି ଉପରେ ଲାଠି ଏବଂ ରଡ୍ ସାହାଯ୍ୟରେ ଆକ୍ରମଣ କରାଯାଇଥିଲା। ଭିଡ଼ ମଧ୍ୟରୁ କେହି ଜଣେ ଗୁଳି ମଧ୍ୟ ଚଳାଇଥିଲେ। ମୁଣ୍ଡରେ ଗୁଳି ବାଜିବାରୁ ଦୁଲାରଚାନ୍ଦ ଯାଦବଙ୍କ ଘଟଣାସ୍ଥଳରେ ମୃତ୍ୟୁ ହୋଇଥିଲା। ଏହି ଘଟଣା ପଛରେ ଏନଡିଏ (ଜେଡିୟୁ) ପ୍ରାର୍ଥୀ ଅନନ୍ତ ସିଂହଙ୍କ ସମର୍ଥକଙ୍କ ହାତ ଥିବା ଅଭିଯୋଗ ହୋଇଛି।
