ଛୀନତାଇ ଗ୍ୟାଙ୍ଗକୁ ଧରିଲା ପୋଲିସ
ଅନୁଗୋଳ – ପୋଲିସ ହାବୁଡ଼ରେ ଚେନ ଛୀନତାଇ ଗ୍ୟାଙ୍ଗ । ଗତ କିଛି ବର୍ଷ ହେଲା ତାଳଚେର ଓ ଏହାର ଆଖପାଖ ଅଞ୍ଚଳରୁ ମହିଳାଙ୍କ ବେକାରୁ ସୁନାଚେନ ଛିଣ୍ଡାଇ ନେଇ ଯାଉଥିବା ଏକ ଗ୍ୟାଙ୍ଗକୁ ପୋଲିସ ଧରିବାରେ ସଫଳ ହୋଇଛି । ଏମାନଙ୍କ ନାମରେ ୬୦ ରୁ ଅଧିକ ମାମଲା ଥିବା ଅନୁଗୋଳ ଏସ ପି ରାହୁଲ ଜୈନ ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି । ଗିରଫ ମାନଙ୍କ ମଧ୍ୟରେ ଦୁଇ ଜଣ ଲୁଟେରା ରହିଥିବା ବେଳେ ୪ ଜଣ ସୁନା କିଣିବା ଲୋକ ଅଛନ୍ତି । ଗିରଫ ଲୁଟେରା ଦୁଇଜଣ ହେଲେ ସୁଶୀଲ ନାଏକ ଏବଂ ଅଖିଳ ନାଏକଙ୍କ ନାମତେ ୧୩ ମାମଲା ରହିଥିବା ବେଳେ ସେମାନଙ୍କ ସହଯୋଗୀ ଭିକି ନାଏକ ନାମରେ ୩୮ ଟି ମାମଲା ରହିଛି । ତେବେ ଏବେ ମଧ୍ୟ ଭିକି ଫେରାର ରହିଥିବା ବେଳେ ପୋଲିସ ତାକୁ ଧରିବାକୁ ଚେଷ୍ଟା ଜାରି ରଖିଛି । ଗିରଫ ଅଭିଯୁକ୍ତ ମାନଙ୍କ ଠାରୁ ଗୋଟିଏ ଭୁଜାଲି , ୫ ଟି ସୁନା ଚେନ ,୪୪ ହଜାର ନଗଦ ଟଙ୍କା , ତିନି ଗୋଟି ମୋବାଇଲ , ଦୁଇଟି ମୋଟରସାଇକେଲ ଜବତ କରାଯାଇଛି । ଆଜି ସେମାନଙ୍କୁ କୋର୍ଟ ଚାଲାଣ କରାଯାଇଛି ।
![{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://www.jagratbharatnews.in/wp-content/uploads/2026/05/Picsart_26-05-14_06-19-38-643-12-scaled.jpg)