ହରିୟାଣିରୁ ୨ ପାକିସ୍ତାନୀ ଗୁପ୍ତଚର ଗିରଫ। ଦୁଇ ଗୁପ୍ତରଙ୍କ ମଧ୍ୟରୁ ଜଣଙ୍କୁୁ ଅମ୍ବାଲାରୁ ଏବଂ ଆଉ ଜଣଙ୍କୁ କୈଥଲରୁ ଗିରଫ କରିଛି ହରିୟାଣା ପୋଲିସ। ଜଣେ ଅଭିଯୁକ୍ତକୁ ପାକିସ୍ତାନକୁ ବାୟୁସେନା ଷ୍ଟେସନ ବିଷୟରେ ସମ୍ବେଦନଶୀଳ ସୂଚନା ଦେବାର ସନ୍ଦେହରେ ଅମ୍ବାଲା ପୋଲିସ ଗିରଫ କରିଛି। ତାଙ୍କୁ ଅମ୍ବାଲାର ବାସିନ୍ଦା ସୁନୀଲ ଓରଫ ସନି ଭାବରେ ଚିହ୍ନଟ କରାଯାଇଛି।
ଅନ୍ୟ ଜଣେ ଅଭିଯୁକ୍ତକୁ ଭାରତ – ପାକିସ୍ତାନ ବିବାଦ ସମୟରେ ଆଇଏସଆଇକୁ ସୂଚନା ଦେବାର ଅଭିଯୋଗରେ କୈଥଲ ପୋଲିସ ଗିରଫ କରିଛିି।ତାଙ୍କୁ କୈଥଲର ବାସିନ୍ଦା ଦେବେନ୍ଦ୍ର ବୋଲି ଚିହ୍ନଟ କରିଛି। ହରିୟାଣା ପୋଲିସ ଉଭୟ ମାମଲାର ତଦନ୍ତ କରୁଛି। ମୋବାଇଲ୍ ଫୋନ୍ରୁ ଉଦ୍ଧାର ହୋଇଥିବା ପ୍ରମାଣ ଯାଞ୍ଚ କରୁଛି। ଅଭିଯୁକ୍ତ ସୁନୀଲ ସେହି ଅଞ୍ଚଳର ବାୟୁସେନା ଷ୍ଟେସନ ବିଷୟରେ ସମ୍ବେଦନଶୀଳ ସୂଚନା ଦେଉଥିଲେ ବୋଲି ଅଭିଯୋଗ ହୋଇଥିଲା। ଅଭିଯୋଗ ଆଧାରରେ ତାଙ୍କ ବିରୁଦ୍ଧରେ ଏକ ମାମଲା ରୁଜୁ ହେବା ପରେ ତାଙ୍କୁ ହେପାଜତକୁ ନିଆଯାଇଛି।ସୂଚନାନୁଯାୟୀ, ପାକିସ୍ତାନ ପାଇଁ ଜାସୁସି କରୁଥିବା ଅଭିଯୋଗରେ ଅମ୍ବାଲା ପୋଲିସ ଜଣେ ବ୍ୟକ୍ତିଙ୍କୁ ଗିରଫ କରିଛି । ଅଭିଯୁକ୍ତ ଜଣକ ସେହି ଅଞ୍ଚଳର ବାହୁସେନା ଷ୍ଟେସନ ବିଷୟରେ ସୂଚନା ଦେଉଥିଲେ ବୋଲି ଅଭିଯୋଗ ହୋଇଛି । DSP କ୍ରାଇମ୍ ବୀରେନ୍ଦ୍ର କୁମାର କହିଛନ୍ତି ଯେ, ପୋଲିସକୁ ଜଣେ ସନ୍ଦିଗ୍ଧ ବ୍ୟକ୍ତି ବିଷୟରେ ସୂଚନା ମିଳିଥିଲା । ଯିଏ ଡିଫେନ୍ସ କ୍ଷେତ୍ର ସହି ଜଡିତ ଥିବା ସମସ୍ତ ଘଟଣା ସମ୍ପର୍କରେ ସୂଚନା ଦେଉଥିଲା । ଅଭିଯୁକ୍ତଙ୍କୁ ଅମ୍ବାଲାର ବାସିନ୍ଦା ସୁନୀଲ ଓରଫ ସନି ଭାବରେ ଚିହ୍ନଟ କରାଯାଇଛି । ତାଙ୍କ ବିରୁଦ୍ଧରେ ମାମଲା ରୁଜୁ ହେବା ପରେ ତାଙ୍କୁ ହେପାଜତକୁ ନିଆଯାଇଛି ।ପଚରାଉଚରା ସମୟରେ ପୋଲିସ ତାଙ୍କ ମୋବାଇଲ୍ ଫୋନ୍ ଜବତ କରିଥିଲା । ଯେଉଁଥିରେ ସନ୍ଦେହଜନକ କାର୍ଯ୍ୟକଳାପ ଦେଖିବାକୁ ମିଳିଥିଲା । ତଦନ୍ତରୁ ଜଣାପଡିଛି ଯେ ସୁନୀଲ ୨୦୨୦ ମସିହାରୁ ବାୟୁସେନା ଷ୍ଟେସନରେ ଠିକାଦାର ଭାବରେ କାମ କରୁଥିଲେ ଏବଂ ମରାମତି କାର୍ଯ୍ୟ ମଧ୍ୟ କରୁଥିଲେ । ସମସ୍ତ ଖବର ସମ୍ପର୍କରେ ଜଣେ ମହିଳାଙ୍କୁ ଫଟୋ ଉଠାଇ ପଠାଉଥିଲେ । ଯାହାକୁ ଆମ ଶତ୍ରୁ ଦେଶ ବୋଲି କୁହାଯାଇପାରିବ । ତାଙ୍କୁ ପଚରାଉଚରା କରିବା ସହ ଅଟକ ରଖାଯାଇଛି । ଏଥିସହିତ ସେ ବର୍ତ୍ତମାନ ୪ ଦିନିଆ ରିମାଣ୍ଡରେ ଅଛନ୍ତି ।ଅନ୍ୟପଟେ ପୂର୍ବରୁ ଏକ ଭିନ୍ନ ଘଟଣାରେ ହରିୟାଣା ପୋଲିସ ପାକିସ୍ତାନ ସେନା ଏବଂ ISI କୁ ସୂଚନା ଯୋଗାଇବା ଅଭିଯୋଗରେ କୈଥଲର ବାସିନ୍ଦା ଦେବେନ୍ଦ୍ରଙ୍କୁ ଗିରଫ କରିଥିଲା । ହେପାଜତକୁ ଆଣି ତାକୁ ପଚରାଉଚରା କରିବା ସମୟରେ ସେ ପାକିସ୍ତାନର ଗୁଇନ୍ଦା ସଂସ୍ଥା, ISI ସହିତ ସମ୍ପର୍କରେ ଥିବା ସ୍ୱୀକାର କରିଥିଲା । ସେ ସେହି ସଂସ୍ଥାକୁ ଭାରତ ଏବଂ ପାକିସ୍ତାନ ମଧ୍ୟରେ ଚାଲିଥିବା ବିବାଦ ବିଷୟରେ ସୂଚନା ପ୍ରଦାନ କରିଥିଲା । ଏହା ବ୍ୟତୀତ ସମୟ ସମୟରେ ପାକିସ୍ତାନୀ ସେନା ଏବଂ ISI କୁ ଅପରେସନ ସିନ୍ଦୁର ସମ୍ପର୍କରେ ସୂଚନା ମଧ୍ୟ ଦେଉଥିଲା । ସାଇବର ପୋଲିସ ଷ୍ଟେସନ୍ କର୍ମଚାରୀ ତାଙ୍କ ପାଖରେ ମିଳିଥିବା ଉପକରଣଗୁଡ଼ିକର ପୁଙ୍ଖାନୁପୁଙ୍ଖ ତଦନ୍ତ କରୁଛନ୍ତି ।
