ବ୍ରହ୍ମପୁର, ୧୧/୨ : ମହାନ ଚିନ୍ତାନାୟକ ତଥା ଏକାତ୍ମମାନବ ଦର୍ଶନର ପ୍ରଣେତା ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ଆଜି ପୁଣ୍ୟତିଥିକୁ ଭାରତୀୟ ଜନତା ପାର୍ଟି ପକ୍ଷରୁ ସମଗ୍ର ଦେଶରେ ଏହାକୁ ସମର୍ପଣ ଦିବସ ଭାବେ ପାଳନ କରାଯାଉଛି । ଏହି ପରିପ୍ରେକ୍ଷୀରେ ଭାରତୀୟ ଜନତା ପାର୍ଟି ଗଞ୍ଜାମ ଜିଲ୍ଲା ପକ୍ଷରୁ ହିଲପାଟଣା ସ୍ଥିତ ଜିଲ୍ଲା କାର୍ଯ୍ୟାଳୟ ଠାରେ ଜିଲ୍ଲା ସଭାପତି ସରୋଜ ସାବତଙ୍କ ସଭାପତିତ୍ୱରେ ପାଳିତ ହୋଇଯାଇଛି ।
ଏଥିରେ ମୁଖ୍ୟ ବୋକ୍ତା ଭାବେ ଓଡ଼ିଶା ସରକାରଙ୍କ ମାନ୍ୟବର ବାଣିଜ୍ୟ ଓ ପରିବହନ ଏବଂ ଖଣି ଓ ଇସ୍ପାତ ମନ୍ତ୍ରୀ ବିଭୂତି ଭୂଷଣ ଜେନା ଯୋଗ ଦେଇଥିଲେ । ତାଙ୍କ ସହ ବ୍ରହ୍ମପୁର ବିଧାୟକ କେ ଅନିଲ କୁମାର, ଚିକିଟି ବିଧାୟକ ମନୋରଞ୍ଜନ ଦ୍ୟାନସାମନ୍ତରା, ଛତ୍ରପୁର ବିଧାୟକ କୃଷ୍ଣ ଚନ୍ଦ୍ର ନାୟକ ଉପସ୍ଥିତ ଥିଲେ । ଏହି ଅବସରରେ ମୁଖ୍ୟ ବୋକ୍ତା ମାନ୍ୟବର ମନ୍ତ୍ରୀ ବିଭୂତି ଭୂଷଣ ଜେନା, ପଣ୍ଡିତ ଦୀନଦୟାଲ ଉପାଧ୍ୟାୟ ଭାରତୀୟ ଜନତା ପାର୍ଟିର ସମସ୍ତ କାର୍ଯ୍ୟକର୍ତ୍ତା ମାନଙ୍କ ପଥ ପ୍ରଦର୍ଶକ ହିସାବରେ ରହିଆସିଛନ୍ତି । ରାଜନୀତି କେବଳ କ୍ଷମତା ଦଖଲ କରିବା ନୁହେଁ ବରଂ ସାମାଜିକ ସେବାର ଏକ ମାଧ୍ୟମ ଏବଂ ସମାଜର ବିକାଶ କେବଳ ଶେଷ ଧାଡ଼ିର ମଣିଷର ଉତଥାନ ଦ୍ୱାରା ମାପ କରାଯିବା ଉଚିତ ବୋଲି ମାନ୍ୟବର ମନ୍ତ୍ରୀ ବିଭୂତି ଭୂଷଣ ଜେନା ପ୍ରକାଶ କରିଥିଲେ । ଏକାତ୍ମମାନବ ଦର୍ଶନ ଭାରତକୁ ଦେଇଥିବା ପଣ୍ଡିତ ଦୀନଦୟାଲ ଉପାଧ୍ୟାୟ ଅନ୍ତୋଦୟର ବିକାଶ ଉପରେ ଗୁରୁତ୍ୱ ଦେଇଥିଲେ । ତାଙ୍କର ବିଚାର ଏବଂ ଆଦର୍ଶକୁ ନେଇ ଯଶସ୍ୱୀ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଗରିବ କଲ୍ୟାଣ ଯୋଜନା ସାରା ଦେଶରେ କାର୍ଯ୍ୟକାରୀ କରୁଛନ୍ତି । ପଣ୍ଡିତ ଦୀନଦୟାଲ ଉପାଧ୍ୟାୟ ଆମକୁ ଦେଶାନୁକୁଳ ଏବଂ ଯୁଗାନୁକୁଳ ବିଧିବ୍ୟବସ୍ଥା ରଚନା ପାଇଁ ମାର୍ଗ ଦର୍ଶନ କରିଯାଇଛନ୍ତି । ପଣ୍ଡିତ ଦୀନଦୟାଲ ଉପାଧ୍ୟାୟଙ୍କ ଜୀବନ ଦର୍ଶନକୁ ଅନୁସରଣ କରି ଭାରତୀୟ ଜନତା ପାର୍ଟି ଦେଶ ଗଠନ କାର୍ଯ୍ୟରେ ମନୋନିବେଶ କରିଛି । ଏଥିପାଇଁ ପ୍ରଧାନମନ୍ତ୍ରୀଙ୍କ ଆଦର୍ଶ ହେଉଛି ସବକା ସାଥ ସବକା ବିକାଶ ସବକା ପ୍ରୟାସ ସବକା ବିଶ୍ୱାସ ଓ ଏକ ଭାରତ ଶ୍ରେଷ୍ଠ ଭାରତ ଜ୍ୱଳନ୍ତ ଉଦାହରଣ ବୋଲି ମାନ୍ୟବର ମନ୍ତ୍ରୀ ଶ୍ରୀ ଜେନା ପ୍ରକାଶ କରିଥିଲେ । ଆଜିର ଏହି ସମର୍ପଣ ଦିବସ କାର୍ଯ୍ୟକ୍ରମର ସଂଯୋଜକ ଭାବେ ଭାରତୀୟ ଜନତା ପାର୍ଟିର ରାଷ୍ଟ୍ରୀୟ ପରିଷଦ ସଭ୍ୟ କାହ୍ନୁ ଚରଣ ପତି,ଜିଲ୍ଲା ଉପସଭାପତି ପ୍ରବୀର ପାତ୍ର,ଜିଲ୍ଲା ସାଧାରଣ ସମ୍ପାଦକ ପଦ୍ମଚରଣ ସାହୁ ଦାୟୀତ୍ୱରେ ଥିବାବେଳେ ଅନ୍ୟ ମାନଙ୍କ ମଧ୍ୟରେ ଭାରତୀୟ ଜନତା ପାର୍ଟିର ବରିଷ୍ଠ ନେତା କୁଞ୍ଜବିହାରୀ ପାଣିଗ୍ରାହୀ,ପୂର୍ବତନ ଉପବାଚସ୍ପତି ରାମଚନ୍ଦ୍ର ପଣ୍ଡା,ପାର୍ଥ ଦଳେଇ,ସୁରେଶ ପାଢ଼ୀ,ନାରାୟଣ ପଣ୍ଡା,ସୁନିଲ କୁମାର ସାହୁ,ଜିଲ୍ଲା ସାଧାରଣ ସମ୍ପାଦକ ଗୈାରୀ ଶଙ୍କର ସାମନ୍ତରା,ସିଦ୍ଧାନ୍ତ ଗଙ୍ଗଦେବ,ଜିଲ୍ଲା ଉପସଭାପତି ପ୍ରଭାତ କିରଣ ଷଡ଼ଙ୍ଗୀ,ମୀନା ଦ୍ୟାନସାମନ୍ତରା,ଜିଲ୍ଲା ସମ୍ପାଦକ ଦୁର୍ଯ୍ୟୋଧନ ରେଡ୍ଡୀ,ବସନ୍ତ ବେହେରା,ସମ୍ପାଦିକା ତଥା କର୍ପୋରେଟର ସବିତା ସାହୁ,ବନିତା ସାହୁ,ସ୍ମିତାଲି ସ୍ମୃତି ସ୍ନିଗ୍ଧା ପାତ୍ର,ଅମୁଲ୍ୟ ଚୈାଧୁରୀ,ରାଜ୍ୟ ଯୁବମୋର୍ଚ୍ଚା ସମ୍ପାଦକ ତୁତୁନ୍ ପାତ୍ର,ଓବିସି ମୋର୍ଚ୍ଚା ସମ୍ପାଦକ ପ୍ରଶାନ୍ତ ନାୟକ,ଗୋପିନାଥ ପଣ୍ଡା,ରବିନ୍ଦ୍ର ସାହୁ,ରାମ ପ୍ରସାଦ ସାମଲ,ଶରତ ପଟ୍ଟନାୟକ,ସୂର୍ଯ୍ୟ ନାରାୟଣ ଦାସ,ଚଣ୍ଡୀ ଚରଣ ସାହୁ,ଶିବ ପାତ୍ର,ପ୍ରେମଶିଳା ନନ୍ଦ,ନିବେଦିତା ପାଢ଼ୀ,ଉଷାରାଣୀ ମହାପାତ୍ର,ମମତା ରଣା,ରୀତା ସେଠୀ,ସୁଶିଳା ମଲ୍ଲିକ,ଜିଲ୍ଲା ଯୁବମୋର୍ଚ୍ଚା ସାଧାରଣ ସମ୍ପାଦକ ବି. ସୋମନାଥ ପାତ୍ର,ବି. ରବି ରାଓ,ଯୁବନେତା ଆଲୋକ କୁମାର ସାହୁ,କୃଷ୍ଣ ଚନ୍ଦ୍ର ପଲାଇ,ସଞ୍ଜୟ କୁମାର ଜେନା,ପତିତପାବନ ଗନ୍ତାୟତ,ଜି. ରାଜେନ୍ଦ୍ର ପ୍ରସାଦ,ଅହିଂସା ସାହୁ,ଧର୍ମରାଜ ପାଣିଗ୍ରାହୀ,ଭାବଗ୍ରାହୀ ପାଳ,ସରୋଜ ପାତ୍ର,ଜଗନ୍ନାଥ ଜେନା,ଟୁଙ୍ଗୁରୁ ପାତ୍ର,ସୁମନ୍ତ ସାହୁ,ପ୍ରଫୁଲ୍ଲ ପାଣିଗ୍ରାହୀ,ରାମନାଥ ଗନ୍ତାୟତ ପ୍ରମୁଖଙ୍କ ସମେତ ବହୁ ଦଳୀୟ କାର୍ଯ୍ୟକର୍ତ୍ତା ଉପସ୍ଥିତ ଥିଲେ ।
