ଓ.ପି. ଜିନ୍ଦଲଙ୍କ ୨୧ତମ ପୁଣ୍ୟତିଥିରେ ଏକାଧିକ କଲ୍ୟାଣକାରୀ କାର୍ଯ୍ୟକ୍ରମ ଅନୁଷ୍ଠିତ
–ସ୍ୱେଚ୍ଛାକୃତ ରକ୍ତଦାନ ଶିବିରରେ ୩୮୦ ୟୁନିଟ୍ ରକ୍ତ ସଂଗ୍ରହ
—ଦୂରଦର୍ଶୀ ପ୍ରତିଷ୍ଠାତାଙ୍କୁ ଶ୍ରଦ୍ଧାଞ୍ଜଳି ଜଣାଇଲେ କର୍ମଚାରୀ, କର୍ମବୀର, ଏବଂ ସମ୍ପ୍ରଦାୟର ସଦସ୍ୟ
ଅନୁଗୁଳ, ୩୧ ମାର୍ଚ୍ଚ, ୨୦୨୬:
ଓ.ପି ଜିନ୍ଦଲ ଗ୍ରୁପର ଦୂରଦର୍ଶୀ ପ୍ରତିଷ୍ଠାତା ଶ୍ରୀ ଓ.ପି ଜିନ୍ଦଲଙ୍କ ୨୧ ତମ ପୁଣ୍ୟତିଥି ଅନୁଗୁଳ ଜିନ୍ଦଲ ନଗରଠାରେ ଅନୁଷ୍ଠିତ ହୋଇଯାଇଛି । ଶ୍ରୀ ଓ.ପି ଜିନ୍ଦଲଙ୍କ ପରୋପକାରୀ ଦୃଷ୍ଟିକୋଣ ଓ ମୁଲ୍ୟବୋଧରୁ ପ୍ରେରଣା ନେଇ ଜିନ୍ଦଲ ଷ୍ଟିଲର ସାମଜିକ ଦାୟିତ୍ୱ ଶାଖା ଜିନ୍ଦଲ ଫାଉଣ୍ଡେସନ ପକ୍ଷରୁ ଏକ ସ୍ୱେଚ୍ଛାକୃତ ରକ୍ତଦାନ ଶିବିରି ଅନୁଷ୍ଠିତ ହୋଇଥିଲା । ଓଡ଼ିଶା ବ୍ଲଡ୍ ବ୍ୟାଙ୍କ ଏବଂ ଜିଲ୍ଲା ମୁଖ୍ୟ ଡାକ୍ତରଖାନା (ଡିଏଚଏଚ)ର ସହାୟତାରେ ଅନୁଷ୍ଠିତ ହୋଇଥିବା ଏହି ରକ୍ତଦାନ ଶିବିରରେ କର୍ମଚାରୀ, କର୍ମବୀର, ସେମାନଙ୍କ ପରିବାର ସଦସ୍ୟ ଏବଂ ସ୍ଥାନୀୟ ସଂପ୍ରଦାୟର ସମସ୍ୟମାନେ ବେଶ ଉତ୍ସାହର ସହ ଅଂଶଗ୍ରହଣ କରିଥିଲେ । ସେମାନଙ୍କର ସାମୂହିକ ଉଦ୍ୟମ ଫଳରେ ୩୮୦ ୟୁନିଟ ରକ୍ତ ସଂଗ୍ରହ ହୋଇଥିଲା, ଯାହା ଜରୁରୀକାଳୀନ ଚିକତ୍ସା କ୍ଷେତ୍ରରେ ଉପଯୋଗୀ ହୋଇପାରିବ ।
ଏହି ଅବସରରେ ଜିନ୍ଦଲ ଷ୍ଟିଲର ଅନୁଗୁଳ ମୁଖ୍ୟ ତଥା କାର୍ଯ୍ୟନିର୍ବାହୀ ନିର୍ଦ୍ଦେଶକ ଶ୍ରୀଯୁକ୍ତ ପି.କେ. ବିଜୁ ନାୟାର, କାର୍ଯ୍ୟନିର୍ବାହୀ ନିର୍ଦ୍ଦେଶକ (ଆଇରନ୍ ଜୋନ୍) ଶ୍ରୀଯୁକ୍ତ ଦାମୋଦର ମିତ୍ତଲ, ସ୍ୱାମୀ ସତ୍ୟବିନ୍ଦୁ ସରସ୍ୱତୀଙ୍କ ସମେତ କର୍ମଚାରୀ, କର୍ମବୀର ଏବଂ ସମ୍ପ୍ରଦାୟ ସଦସ୍ୟମାନେ ଦୂରଦର୍ଶୀ ପ୍ରତିଷ୍ଠାତା ଶ୍ରୀ ଓ.ପି. ଜିନ୍ଦଲଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରିଥିଲେ।
ଏହି ରକ୍ତଦାନ ଶିବିରକୁ ଉଦଘାଟନ କରି ଶ୍ରୀଯୁକ୍ତ ପି.କେ ବିଜୁ ନାୟାର କହିଥିଲେ, ମୁଁ ସମସ୍ତ ରକ୍ତଦାତାଙ୍କ ପ୍ରତି କୃତଜ୍ଞ ଯେଉଁମାନେ ସ୍ୱେଚ୍ଛାକୃତ ଭାବରେ ଏହି ଉଦ୍ୟମରେ ସାମିଲ ହୋଇ ବାଉଜୀଙ୍କ ୨୧ତମ ପୁଣ୍ୟତିଥି ଅବସରରେ ମାନବସେବାରେ ନିଜ ନିଜ ଯୋଗଦାନ ଦେଇଛନ୍ତି । ମୁଁ ବିଶ୍ୱାସ କରେ ଯେ, ଯାହାଙ୍କୁ ଆମେ ଏତେ ଆଦର ଓ ସମ୍ମାନ କରୁ ତାଙ୍କୁ ଶ୍ରଦ୍ଧାଞ୍ଜଳି ଦେବା ପାଇଁ ଏହା ସବୁଠୁ ସାର୍ଥକ ଉପାୟ । ଯଦିଓ ପ୍ରତ୍ୟକ୍ଷ ଭାବରେ ବାଉଜୀ ଆମ ପାଖରେ ନାହାଁନ୍ତି ତଥାପି ସମାଜ ପ୍ରତି ତାଙ୍କ ସମର୍ପଣ ଆମକୁ ସବୁବେଳେ ପ୍ରେରଣା ଓ ମାର୍ଗଦର୍ଶନ କରି ଆସୁଛି ।
ଏହି ଅବସରରେ ରକ୍ତଦାନ କରି ଶ୍ରୀ ଦାମୋଦର ମିତ୍ତଲ କହିଥିଲେ, “କିଛି ଲୋକ ଆମକୁ କେବେବି ସତରେ ଛାଡି ଯାଆନ୍ତି ନାହିଁ; ସେମାନେ ତାଙ୍କ ମହାନ ଚିନ୍ତାଧାରା ଏବଂ ମୂଲ୍ୟବୋଧ ସହିତ ବଞ୍ଚି ରହିଥାନ୍ତି, ଏବଂ ବାଉଜୀ ଜଣେ ଏପରି ବ୍ୟକ୍ତିତ୍ୱ ଯିଏ ଏବେ ବି ଆମର କର୍ମଚାରୀଙ୍କ ହୃଦୟ ଏବଂ ମନରେ ବଞ୍ଚି ରହନ୍ତି। ଆମେ ପ୍ରତିବର୍ଷ ତାଙ୍କ ସ୍ମୃତିରେ ଦୁଇଥର ସ୍ୱେଚ୍ଛାକୃତ ରକ୍ତଦାନ ଶିବିର ଆୟୋଜନ କରିଆସୁଛୁ ଏବଂ ବର୍ତ୍ତମାନ ପର୍ଯ୍ୟନ୍ତ ଜିନ୍ଦଲ ଷ୍ଟିଲ୍, ଜିଲ୍ଲା ଏବଂ ରାଜ୍ୟର ଅସହାୟ ଲୋକଙ୍କୁ ୧୦,୦୦୦ ୟୁନିଟ୍ ରୁ ଅଧିକ ରକ୍ତ ପ୍ରଦାନ ସାରିଛି । ବର୍ତ୍ତମାନ ସୁଦ୍ଧା ୧୫ ଥର ରକ୍ତଦାନ କରି ମୁଁ ଗର୍ବିତ ଅନୁଭବ କରୁଛି କାରଣ ଏହା ସମାଜ ପାଇଁ ସର୍ବୋତ୍ତମ ସେବା ମଧ୍ୟରୁ ଗୋଟିଏ ଯାହା ଆମେ କୌଣସି କ୍ଷତି ବିନା କରିପାରିବା।”
ଏହି ଅବସରରେ ଜିନ୍ଦଲ ଫାଉଣ୍ଡେସନ୍ ଅନୁଗୁଳର ଅବହେଳିତ ଏବଂ ଦିବ୍ୟାଙ୍ଗ ପିଲାମାନଙ୍କ ସେବା କରୁଥିବା ଆଶ୍ରୟସ୍ଥଳି , ଅନୁଷ୍ଠାନ ଏବଂ ଗୋଶାଳା ସମେତ ବିଭିନ୍ନ ସାମାଜିକ ସଂଗଠନକୁ ମଧ୍ୟ ସହାୟତା ପ୍ରଦାନ କରିଥିଲା। ଓ.ପି. ଜିନ୍ଦଲ ସ୍କୁଲର ଛାତ୍ରଛାତ୍ରୀ ଏବଂ କର୍ମଚାରୀମାନେ ମଧ୍ୟ ମହାନ ଆତ୍ମାଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରିଥିଲେ ଏବଂ ବାଉଜୀଙ୍କ ଜୀବନର ମୂଲ୍ୟବୋଧ ଏବଂ ଦୃଷ୍ଟିକୋଣ ବିଷୟରେ ଶିଖିଥିଲେ।
ଏହି ଅବସରରେ ଦେବଭୂମି ମନ୍ଦିର ଏବଂ ଜିନ୍ଦଲ ନଗର ଟାଉନସିପରେ ମଧ୍ୟ ଅଖଣ୍ଡ ରାମାୟଣ ପାଠ, ପୂଜା ଏବଂ ହୋମଯଜ୍ଞ ସମେତ ଧାର୍ମିକ କାର୍ଯ୍ୟକ୍ରମମାନ ଆୟୋଜନ କରାଯାଇଥିଲା।
ନିଷ୍ଠା ଓ ଦୃଢ଼ ଇଚ୍ଛାଶକ୍ତି ବଳରେ ଶ୍ରୀ ଓ.ପି. ଜିନ୍ଦଲ, ଜଣେ ସାଧାରଣ କୃଷକ ପରିବାରରୁ ଆସି ବ୍ୟବସାୟ ଏବଂ ସମାଜ ସେବା ଉଭୟ କ୍ଷେତ୍ରରେ ଉଲ୍ଲେଖନୀୟ ସଫଳତା ହାସଲ କରିଥିଲେ। ଆତ୍ମନିର୍ଭରଶୀଳ ଭାରତର ଦୂରଦୃଷ୍ଟି ଲକ୍ଷ୍ୟ ନେଇ ସେ ଓ.ପି. ଜିନ୍ଦଲ ଗ୍ରୁପ୍ ପ୍ରତିଷ୍ଠା କରିଥିଲେ, ଯାହା ଭାରତର ଏକ ପ୍ରମୁଖ ଶିଳ୍ପ ଗୋଷ୍ଠୀରେ ପରିଣତ ହୋଇଛି। ଭାରତୀୟ ଇସ୍ପାତ ଶିଳ୍ପରେ ତାଙ୍କର ଅସାଧାରଣ ଅବଦାନ ପାଇଁ ତାଙ୍କୁ ବେଙ୍ଗଲ ଚାମ୍ବର ଅଫ୍ କମର୍ସ ଆଣ୍ଡ ଇଣ୍ଡଷ୍ଟ୍ରି ଦ୍ୱାରା ପ୍ରତିଷ୍ଠିତ ଜୀବନବ୍ୟାପୀ ସାଧନା ପୁରସ୍କାରରେ ମଧ୍ୟ ସମ୍ମାନିତ କରାଯାଇଥିଲା। ହରିୟାଣା ବିଧାନସଭାର ସଦସ୍ୟ, ସଂସଦ ସଦସ୍ୟ ଏବଂ ହରିୟାଣା ସରକାରଙ୍କ ଶକ୍ତି ମନ୍ତ୍ରୀ ଭାବରେ ତାଙ୍କ ସାର୍ବଜନୀନ ଜୀବନ ବେଶ ସଫଳ ଥିଲା ।
