ଚିତ୍ତଲପୁରରେ ବିଜେପିର ୪୭ତମ ପ୍ରତିଷ୍ଠା ଦିବସ ଉତ୍ସାହ ଓ ଜନସ୍ଫୂର୍ତ୍ତିରେ ପାଳିତ
ଚିତ୍ତଲପୁର: ବିଶ୍ୱର ସର୍ବବୃହତ ରାଜନୈତିକ ଦଳ Bharatiya Janata Party (ବିଜେପି)ର ୪୭ତମ ପ୍ରତିଷ୍ଠା ଦିବସ ଅବସରରେ ବାବନ୍ଧ ମଣ୍ଡଳ ବିଜେପି ପକ୍ଷରୁ ଚିତ୍ତଲପୁର ସ୍ଥିତ ବାବା ଉଗ୍ରେଶ୍ୱର ମନ୍ଦିର ନିକଟରେ ଥିବା କଲ୍ୟାଣୀ ମଣ୍ଡପରେ ଏକ ଭବ୍ୟ, ସୁସଂଘଟିତ ଓ ଉତ୍ସାହମୟ କାର୍ଯ୍ୟକ୍ରମ ଆୟୋଜିତ ହୋଇଥିଲା।
ପ୍ରତିଷ୍ଠା ଦିବସ ଅବସରରେ ସ୍ଥାନୀୟ ଅଞ୍ଚଳରେ ଦେଶଭକ୍ତି ଓ ସଂଗଠନ ଶକ୍ତିର ଏକ ଅଲଗା ମାହୋଲ ସୃଷ୍ଟି ହୋଇଥିଲା। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଯୋଗଦେଇଥିବା ଲୋକପ୍ରିୟ ନେତ୍ରୀ ଓ ମାନନୀୟା ବିଧାୟକା Seema Rani Nayak ତାଙ୍କ ଉଦ୍ବୋଧନରେ କହିଥିଲେ ଯେ ବିଜେପି କେବଳ ଏକ ରାଜନୈତିକ ଦଳ ନୁହେଁ, ଏହା ଦେଶସେବା ଓ ଜନକଳ୍ୟାଣର ଏକ ଅଦମ୍ୟ ଆନ୍ଦୋଳନ। ସେ କାର୍ଯ୍ୟକର୍ତ୍ତାମାନଙ୍କୁ ଆହ୍ୱାନ କରିଥିଲେ ଯେ ଗ୍ରାମ ଓ ଗରିବ ଲୋକଙ୍କ ସେବାକୁ ସର୍ବୋପରି ଧରି କାମ କରିବାକୁ।
ଏହି ଅବସରରେ ଜିଲ୍ଲା ଉପ-ସଭାପତି ଶ୍ରୀ ବରୁଣ ସର, ଜିଲ୍ଲା ସାଧାରଣ ସମ୍ପାଦକ ଶ୍ରୀ ସୁଶାନ୍ତ ପତି, ମଣ୍ଡଳ ସଭାପତି ଶ୍ରୀ ପ୍ରୋବାଦ, ଚିତ୍ତଲପୁର ସରପଞ୍ଚ ଶ୍ରୀମତୀ ମାମିନା ସେଠି, ସମିତି ସଭ୍ୟା ଶ୍ରୀମତୀ ସୁପ୍ରିୟା ପାଳ ସହ ଅନେକ ଗଣ୍ୟମାନ୍ୟ ବ୍ୟକ୍ତିବର୍ଗ ଓ ଶତାଧିକ କାର୍ଯ୍ୟକର୍ତ୍ତା ଉପସ୍ଥିତ ଥିଲେ।
ସଭାରେ ଦଳର ଐତିହ୍ୟ, ଆଦର୍ଶ ଓ ଭବିଷ୍ୟତ ଦୃଷ୍ଟିକୋଣ ଉପରେ ଗଭୀର ଆଲୋଚନା ହୋଇଥିଲା। ସେଥିପାଇଁ କାର୍ଯ୍ୟକର୍ତ୍ତାମାନେ ନୂତନ ଉତ୍ସାହ ଓ ସଙ୍କଳ୍ପ ସହ ଦଳକୁ ଆଗକୁ ନେବା ପାଇଁ ପ୍ରତିଜ୍ଞା ଗ୍ରହଣ କରିଥିଲେ।
ସମସ୍ତଙ୍କ ସକ୍ରିୟ ସହଯୋଗ ଓ ଉତ୍ସାହପୂର୍ଣ୍ଣ ଅଂଶଗ୍ରହଣରେ କାର୍ଯ୍ୟକ୍ରମଟି ସଫଳ ଭାବେ ସମାପ୍ତ ହୋଇଥିଲା ଓ ପ୍ରତିଷ୍ଠା ଦିବସଟି ଚିତ୍ତଲପୁରରେ ଏକ ସ୍ମରଣୀୟ ଅବସର ଭାବେ ପରିଣତ ହୋଇଥିଲା।
ଢେଙ୍କାନାଳ ଓଡାପଡା ବ୍ଲକରୁ ମନୋଜ ମହାପାତ୍ର ଙ୍କ ରିପୋର୍ଟ ଜାଗ୍ରତ ଭାରତ ନିୟୁଜ
