ଧର୍ମଗଡ଼ରେ ପୁଣି ଡକାୟତି,ଡାକ୍ତରଙ୍କ ସରକାରୀ କ୍ୱାର୍ଟରରେ କଳାକାନା ବୁଲାଇଲେ ଦୁର୍ବୃତ
କଳାହାଣ୍ଡି :- (ବାଲେଶ୍ୱର ସୁନାନୀ ) ଧର୍ମଗଡ଼ରେ ଲଗାତାର ଦୁଇ ଦିନ ଧରି ଡକାୟତି ଘଟଣା ସାମ୍ନାକୁ ଆସିଛି।ଏଥର ଟାର୍ଗେଟରେ ଥିଲା ଧର୍ମଗଡ଼ ଉପଖଣ୍ଡ ଚିକିତ୍ସାଳୟ ପରିସରରେ ଥିବା ସରକାରୀ କ୍ୱାର୍ଟର। ସ୍ତ୍ରୀ ଓ ପ୍ରସୂତି ବିଶେଷଜ୍ଞ ଡା. ଅଜିତ କୁମାର ଦାସ ଙ୍କ ଘରେ ଗତ ରାତିରେ ଚାରିଜଣ ଦୁର୍ବୃତ ପଶି ଡକାୟତି କରିଥିବା ଅଭିଯୋଗ ହୋଇଛି।
ସୂଚନା ଅନୁସାରେ, ଦୁର୍ବୃତମାନେ ନକଲି ବନ୍ଧୁକ ଦେଖାଇ ଡାକ୍ତରଙ୍କ ହାତ ଓ ଗୋଡ଼କୁ ଟେପ୍ ଏବଂ ଗାମୁଛାରେ ବାନ୍ଧି ଦେଇଥିଲେ।ପରେ ତାଙ୍କ ମୁହଁରେ କପଡ଼ା ବାନ୍ଧି ଘରେ ଥିବା ନଗଦ ଟଙ୍କା ଓ ସୁନା ଅଳଙ୍କାର ଲୁଟି ଫେରାର ହୋଇଯାଇଥିଲେ। ଖବର ପାଇ ଧର୍ମଗଡ଼ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି। ଲଗାତାର ଦୁଇ ଦିନ ଧରି ଡକାୟତି ଘଟଣା ଘଟିଥିବାରୁ ଅଞ୍ଚଳବାସୀଙ୍କ ମଧ୍ୟରେ ଆତଙ୍କ ଖେଳିଯାଇଛି। ସେପଟେ ପୋଲିସର ପାଟ୍ରୋଲିଂ ଓ କାର୍ଯ୍ୟଦକ୍ଷତାକୁ ନେଇ ମଧ୍ୟ ପ୍ରଶ୍ନ ଉଠିଛି।
