ଛୋଟ ସହରରେ ବଢ଼ିବ ବଣ୍ଡ୍ ନିବେଶ ସୁଯୋଗ, ନୂଆ ଫ୍ରେମୱାର୍କ ଆଣିବାକୁ SEBIର ପ୍ରସ୍ତାବ
ନୂଆଦିଲ୍ଲୀ, ଅଗଷ୍ଟ ୨୩: ଦେଶର ଛୋଟ ସହର ଓ ଗ୍ରାମାଞ୍ଚଳରେ ରିଟେଲ୍ ନିବେଶକଙ୍କ ପାଇଁ ଫିକ୍ସଡ୍-ଇନକମ୍ ସିକ୍ୟୁରିଟିଜ୍ ବା ବଣ୍ଡ୍ ଭଳି ନିବେଶ ଉତ୍ପାଦର ପହଞ୍ଚ ବଢ଼ାଇବାକୁ ବଜାର ନିୟାମକ SEBI ଏକ ନୂଆ ବ୍ୟବସ୍ଥା ପ୍ରସ୍ତାବ କରିଛି।
SEBI ପକ୍ଷରୁ ପ୍ରକାଶିତ ପରାମର୍ଶ ପତ୍ରରେ ‘Fixed Income Channel Partners’ (FICPs) ପାଇଁ ଏକ ନୂଆ ଫ୍ରେମୱାର୍କ ଆଣିବାକୁ ପ୍ରସ୍ତାବ ଦିଆଯାଇଛି। ଏହା ମାଧ୍ୟମରେ ଅନଲାଇନ୍ ବଣ୍ଡ୍ ପ୍ଲାଟଫର୍ମ ପ୍ରୋଭାଇଡର୍ (OBPPs) ଜରିଆରେ ଅଧିକ ରିଟେଲ୍ ନିବେଶକଙ୍କୁ ଫିକ୍ସଡ୍-ଇନକମ୍ ସିକ୍ୟୁରିଟିଜ୍ ବଜାର ସହ ଯୋଡ଼ିବା ଲକ୍ଷ୍ୟ ରହିଛି।
ବିଶେଷକରି ଟିୟର୍-୨, ଟିୟର୍-୩ ସହର ଓ ଗ୍ରାମାଞ୍ଚଳରେ ଏଭଳି ନିବେଶ ଉତ୍ପାଦର ପହଞ୍ଚ ବଢ଼ାଇବା ଉପରେ SEBI ଗୁରୁତ୍ୱ ଦେଇଛି।
ପ୍ରସ୍ତାବିତ ବ୍ୟବସ୍ଥା ଅନୁଯାୟୀ, ଷ୍ଟକ୍ ଏକ୍ସଚେଞ୍ଜରେ ତାଲିକାଭୁକ୍ତ ବ୍ୟକ୍ତି ଏବଂ ଅଣ-ବ୍ୟକ୍ତିଗତ ସଂସ୍ଥାଗୁଡ଼ିକ Fixed Income Channel Partners (FICPs) ଭାବେ କାର୍ଯ୍ୟ କରିପାରିବେ। ସେମାନେ OBPPs ମାଧ୍ୟମରେ ଅନୁମୋଦିତ ଫିକ୍ସଡ୍-ଇନକମ୍ ସିକ୍ୟୁରିଟିଜ୍ର ବିତରଣରେ ସହାୟତା କରିପାରିବେ।
ଏହି ପଦକ୍ଷେପ ଲାଗୁ ହେଲେ ଦେଶର ବିଭିନ୍ନ ଅଞ୍ଚଳର ଛୋଟ ନିବେଶକମାନେ ବଣ୍ଡ୍ ଓ ଅନ୍ୟାନ୍ୟ ଫିକ୍ସଡ୍-ଇନକମ୍ ଉତ୍ପାଦରେ ନିବେଶ ପାଇଁ ଅଧିକ ସୁଯୋଗ ପାଇପାରିବେ।
