୮୨୨ ନବନିଯୁକ୍ତ ମେଡିକାଲ ଅଫିସରଙ୍କ ଚଏସ୍ ଲକିଂ
ସେପ୍ଟେମ୍ବର ୮ରୁ ୧୧ ଯାଏଁ ଅନଲାଇନ୍ ପ୍ରକ୍ରିୟା
ଭୁବନେଶ୍ୱର: ଓଡ଼ିଶା ସରକାରଙ୍କ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଅଧୀନରେ ନିଯୁକ୍ତ ୮୨୨ ଜଣ ମେଡିକାଲ ଅଫିସର, ଗ୍ରୁପ୍-ଏ (ଜୁନିଅର ବ୍ରାଞ୍ଚ)ଙ୍କ ପାଇଁ ଅନଲାଇନ୍ ଚଏସ୍ ଲକିଂ ପ୍ରକ୍ରିୟା ଆରମ୍ଭ ହେବ।
ବିଭାଗ ପକ୍ଷରୁ ଜାରି ସୂଚନା ଅନୁଯାୟୀ, ସେପ୍ଟେମ୍ବର ୮ ତାରିଖ ଅପରାହ୍ଣ ୫ଟାରୁ ସେପ୍ଟେମ୍ବର ୧୧ ତାରିଖ ପୂର୍ବାହ୍ଣ ୧୦ଟା ପର୍ଯ୍ୟନ୍ତ ଚଏସ୍ ଲକିଂ ପାଇଁ ଅନଲାଇନ୍ ପୋର୍ଟାଲ ଖୋଲା ରହିବ।
ନବନିଯୁକ୍ତ ମେଡିକାଲ ଅଫିସରମାନେ ଚଏସ୍ ଲକିଂ ସମ୍ପର୍କିତ ସମସ୍ତ ତଥ୍ୟ ଓ ଅନଲାଇନ୍ ପ୍ରକ୍ରିୟା ପାଇଁ JC Portal ପରିଦର୍ଶନ କରିପାରିବେ। JC Portal – Odisha
ଏହି ପ୍ରକ୍ରିୟା ସମ୍ପର୍କିତ ବିସ୍ତୃତ ନିର୍ଦ୍ଦେଶାବଳୀ ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗର ୱେବସାଇଟରେ ଉପଲବ୍ଧ ରହିଛି।
ବିଭାଗ ପକ୍ଷରୁ ସମସ୍ତ ୮୨୨ ଜଣ ନବନିଯୁକ୍ତ ମେଡିକାଲ ଅଫିସରଙ୍କୁ ନିର୍ଦ୍ଧାରିତ ସମୟସୀମା ମଧ୍ୟରେ ଚଏସ୍ ଲକିଂ ପ୍ରକ୍ରିୟା ସମ୍ପୂର୍ଣ୍ଣ କରିବାକୁ କୁହାଯାଇଛି। ଏଥିସହ ଜାରି ହୋଇଥିବା ସମସ୍ତ ନିୟମ ଓ ନିର୍ଦ୍ଦେଶାବଳୀକୁ ସଠିକ୍ ଭାବେ ପାଳନ କରିବାକୁ ବିଭାଗ ଅନୁରୋଧ କରିଛି।
ସମୟସୀମା ମନେ ରଖନ୍ତୁ:
📌 ଆରମ୍ଭ – ୮ ସେପ୍ଟେମ୍ବର, ଅପରାହ୍ଣ ୫ଟା
📌 ଶେଷ – ୧୧ ସେପ୍ଟେମ୍ବର, ପୂର୍ବାହ୍ଣ ୧୦ଟା
📌 ମୋଟ ନବନିଯୁକ୍ତ ମେଡିକାଲ ଅଫିସର – ୮୨୨ ଜଣ
