ସାମୂହିକ ସୂର୍ଯ୍ୟ ନମସ୍କାର କାର୍ଯ୍ୟକ୍ରମ ସଂପନ୍ନ

ସାମୂହିକ ସୂର୍ଯ୍ୟ ନମସ୍କାର କାର୍ଯ୍ୟକ୍ରମ ସଂପନ୍ନ

(ଜେ ବି ଏନ /ସୁଶାନ୍ତ ଗଡ଼ନାୟକ) ୧୪/୦୧ /୨୦୨୧ ସୁନ୍ଦରଗଡ଼ /ରାଉରକେଲା – ସୂର୍ଯ୍ୟ ଉପାସନାର ମହାପର୍ବ ମକର ସଂକ୍ରାନ୍ତି ସୂର୍ଯ୍ୟ ନାରାୟଣଙ୍କର ଅୟନ ପରିବର୍ତ୍ତନ ସନ୍ଧି ମୁହୂର୍ତରେ ଅଖିଳ ଭାରତୀୟ ଯୁବ ଶିକ୍ଷକ ମହାସଂଘ ସମଗ୍ର ଭାରତବର୍ଷର ୨୫ଟି ରାଜ୍ୟ , ସମସ୍ତ କେନ୍ଦ୍ର ଶାସିତ ଅଞ୍ଚଳ ତଥା ୫୦୦ରୁ ଅଧିକ ଜିଲ୍ଲା ଏବଂ ବିଶ୍ବର ୪୦ରୁ ଅଧିକ ଦେଶରେ ୫୧ ଲକ୍ଷ ଲୋକଙ୍କୁ ଏକାସାଥିରେ ଏକ ନିର୍ଦ୍ଦିଷ୍ଟ ସମୟରେ ସାମୁଦୂକ ସୂର୍ଯ୍ୟ ନମସ୍କାର ଅଭ୍ୟାସ କରାଇବାର କାର୍ଯ୍ୟକ୍ରମ ସଂପନ୍ନ ହୋଇଯାଇଛି । ଏହି କାର୍ଯ୍ୟକ୍ରମର ଅନ୍ତର୍ଗତ ସୁନ୍ଦରଗଡ଼ ଜିଲ୍ଲାର ଯୋଗ ଶିକ୍ଷକ ମହାସଂଘ ଦ୍ବାରା ରାଉରକେଲାର ଅର୍କିତ ଗାର୍ଡେନ ପରିସର ମଧ୍ୟରେ ସିଭିଲ୍ ଟାଉନସିପ୍ ସ୍ଥିତ ଗୋଜିମ୍ବ ସଂଯୁକ୍ତ ସହଯୋଗରେ ସକାଳ ୭ ଘଟିକା ସମୟରେ ସାମୂହିକ ସୂର୍ଯ୍ୟ ନମସ୍କାର କାର୍ଯ୍ୟକ୍ରମ ସଫଳତାର ସହ ସଂପନ୍ନ ହୋଇଯାଇଛି ।

ଅଖିଳ ଭାରତୀୟ ଯୁବ ଶିକ୍ଷକ ମହାସଂଘର ପ୍ରମୁଖ ଶ୍ରୀଯୁକ୍ତ ମଙ୍ଗେଶ ତ୍ରିବେଦୀ ଙ୍କର ତତ୍ତ୍ବବଧାନ ଏବଂ ସୁନ୍ଦରଗଡ଼ ଜିଲ୍ଲାର ପ୍ରଭାରୀ ଶ୍ରୀ ସୁଶାନ୍ତ କୁମାର ଶତପଥୀଙ୍କର ପ୍ରତ୍ୟକ୍ଷ ପରିଚାଳନାରେ ସଂପାଦିତ ହୋଇଯାଇଛି । ସମାଜସେବୀକା ଶ୍ରୀମତୀ ପର୍ଦ୍ଦିନୀ ପାଣିଗ୍ରାହୀ ମୁଖ୍ୟ ଅତିଥି ରୂପେ ଯୋଗଦାନ କରି ଦୀପ ପ୍ରଜ୍ଜଳନ ମାଧ୍ୟମରେ କାର୍ଯ୍ୟକ୍ରମ ଶୁଭାରମ୍ଭ କରିଥିଲେ । ପ୍ରାୟ ୧୦୦ରୁ ଉର୍ଦ୍ଧ୍ବ ସଂଖ୍ୟାରେ ଯୋଗାଭ୍ୟାସୀ ଭାଇ ଭଉଣୀ ଏହି କାର୍ଯ୍ୟକ୍ରମରେ ସହଭାଗୀ ହୋଇଥିଲେ ।

କୋଭିଡ୍ – ୧୯ର ସମସ୍ତ ପ୍ରକାର ନିୟମକୁ କଡ଼ାକଡ଼ି ଭାବରେ ପାଳନ କରିବା ଏବଂ ସମସ୍ତ ବ୍ୟବସ୍ଥାକୁ ସୁଚାରୁ ରୂପେ ତୁଲାଇବାପାଇଁ ଶ୍ରୀ ପ୍ରଶାନ୍ତ କୁମାର ନାୟକ , ଶ୍ରୀ ବିଶ୍ଵାମିତ୍ର ଶାସ୍ତ୍ରୀ , ଶ୍ରୀ ଗୋପାଳ ଜେନା , ଶ୍ରୀ ରମେଶ ଜେନା , ଶ୍ରୀ ନାରାୟଣ ପଣ୍ଡା , ଶ୍ରୀ ହୃଦୟ ରଞ୍ଜନ ନାୟକ , ଶ୍ରୀ ବିରଞ୍ଚି ଦାସ , ଶ୍ରୀ ସୁବାଷ ଚନ୍ଦ୍ର ରାଉତ , ନିକି କୁମାରୀ ଏବଂ ଶ୍ରୀ ଉମେଶ ଯାଦବଙ୍କର ପ୍ରମୁଖ ଭୂମିକା ଥିଲା ।