ଦିଗପହଣ୍ଡି ଠାରେ ଭୟାବହ ବସ ଦୁର୍ଘଟଣ।୧୧ ମୃତ୍ୟ ୯ ଆହତ.
ଦିଗପହଣ୍ଡି..ମଧ୍ୟରାତ୍ର ରେ ଭୟାବହ ବସ ଦୁର୍ଘଟଣା। ନବବିବାହିତ ଦମ୍ପତି ଙ୍କୁ ଛାଡି ଭୋଜିଖାଇ ଫେରିବା ବାଟରେ ଘଟିଲା ବସ ଦୁର୍ଘଟଣା।ବିବାହର ଚବିଶି ଘଣ୍ଟା ନ ପୁରୁଣୁ ,ପରିବାରରେ ଶୋକର ଛାୟା ଖେଳିଯାଇଛି। ଗଞ୍ଜାମ ଜିଲ୍ଲା ଦିଗପହଣ୍ଡି ସହର ଉପକଣ୍ଠ ଖେମୁଣ୍ଡି କଲେଜ ସମ୍ମୁଖ ରାଜ୍ୟ ରାଜପଥ ରେ ଯାତ୍ରୀବାହି ମିନିବସ୍(ଓଆର୧୦ ଏ ୬୮୭୫) ଓ ହାଇଟେକ ଓଏସଆରଟିସି (ଓଡି୦୨ ବିୱାଇ୧୯୩୮) ବସ୍ ମୁହାଁମୁହିଁ ହୋଇ ଦୁର୍ଘଟଣା ଘଟିଛି।
୧୧ ଜଣ ଙ୍କ ମୃତ୍ୟ ହେଇଥିବା ବେଳେ ୯ ଜଣ ଆହତ ହୋଇଛନ୍ତି। ଆହତ ମାନଙ୍କ ମଧ୍ୟରୁ ଜଣଙ୍କ ଅବସ୍ଥା ଗୁରୁତର ରହିଥିବା ହେତୁ କଟକ ଏସସିବି ମେଡ଼ିକାଲ୍ କୁ ସ୍ଥାନାନ୍ତରଣ କରାଯାଇଛି ଏବଂ ଅନ୍ୟ ୮ ଜଣ ଏମ କେସିଜି ମେଡ଼ିକାଲ୍ ରେ ଚିକିତ୍ସାତ ହେଇଛନ୍ତି। ଦୁର୍ଘଟଣାରେ ୫ ପୁରୁଷ,୪ ମହିଳା ଓ୨ଜଣ ଶିଶୁ ପ୍ରାଣ ହରାଇଛନ୍ତି ସେମାନେ ହେଲେ ସୀତାରାମ ପ୍ରଧାନ (୬୦), ରମେଶ ପ୍ରଧାନ (୬୨), ସଞ୍ଜୟ ମେଦିନୀ ରାୟ (୫୦), ତ୍ରିପତି ପ୍ରଧାନ (୪୮), ଲିଟୁ ନାୟକ (୪୦), ଶିବାନୀ ପ୍ରଧାନ (୨୫), ରୂପାଲି ପ୍ରଧାନ (୨୩), ସୁଜ୍ଞାନୀ କୁମାରୀ ପ୍ରଧାନ (୩୧), ସଙ୍ଗୀତା ଡାକୁଆ (୩୨), ହାର୍ଦ୍ଦିକ ପ୍ରଧାନ (୧), ଦେବଂଶୁ ପ୍ରଧାନ (୩)।
ପରିବାର ସଦସ୍ୟ କହିବା ମୁତାବକ କନ୍ୟା ସୋନେଲିଙ୍କ ବିବାହ ପୁରା ଖୁସିର ସହ ସମ୍ପନ୍ନ ହୋଇଥିଲା ବିବାହ ଉତ୍ସବରେ ବନ୍ଦାପନା କରିଥିଲେ ।ଝିଅକୁ ବିଦାୟ ଦେଇ ଭୋଜି ଖାଇ ଫେରୁଥିଲେ ପରିବାର ଲୋକେ ଓ ସମ୍ପର୍କୀୟ । ଦୁଇଟି ଗାଡିରେ ଫେରୁଥିବାବେଳେ ଘରକୁ ପହଞ୍ଚିବାକୁ ମାତ୍ର କିଛି କିଲୋମିଟର ପୂର୍ବରୁ ଥିବାବେଳେ ଧକ୍କା ଦେଇଥିଲା ସରକାରୀ ବସ୍।ଓଏସଆରଟିସି ବସଟି ରାୟଗଡ଼ା ଗୁଡାରିରୁ ଭୁବନେଶ୍ୱର ଅଭିମୁଖେ ଯାଉଥିଲା। ରାତି ପ୍ରାୟ ଗୋଟାଏ ବେଳେ ଏହି ଦୁର୍ଘଟଣା ଘଟିଛି। ଦୁର୍ଘଟଣା ଖବର ପାଇ ଘଟଣାସ୍ଥଳରେ ତୁରନ୍ତ କିଛି ସ୍ଥାନୀୟ ଲୋକ,ଅଗ୍ନିଶମ ବାହିନୀ ଓ ଆମ୍ବୁଲାନ୍ସ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ। ଘଟଣା ସ୍ଥଳରେ ବ୍ରହ୍ମପୁର ଏସପି, ତହସିଲଦାର ପହଞ୍ଚିଥିଲ। ଦୁର୍ଘଟଣାର ଶିକାର ହୋଇଥିବା ଲୋକେ କବିସୂର୍ଯ୍ୟନଗର ବିଧାୟିକା ଲତିକା ପ୍ରଧାନ ଓ ଅର୍ଥ ମନ୍ତ୍ରୀ ବିକ୍ରମକେଶରୀ ଆରୁଖଙ୍କ ସମ୍ପର୍କୀୟ, ଘଟଣା ସ୍ଥଳେ ପହଞ୍ଚି ପରିବାର ବର୍ଗଙ୍କୁ ସମବେଦନା ଜଣାଇଛନ୍ତି। ସକାଳୁ ସମୟରେ ଏମକେସିଜି ମେଡ଼ିକାଲ୍ ରେବ୍ରହ୍ମପୁର ସାଂସଦ ଚନ୍ଦ୍ର ଶେଖର ସାହୁ,ବିଧାୟକ ବିକ୍ରମ କୁମାର ପଣ୍ଡା, ମହାନଗର ନିଗମ ମେୟର ସଂଘମିତ୍ରା ଦଳେଇ ପହଞ୍ଚି ଆହାତ ମାନଙ୍କ ସ୍ବାସ୍ଥ୍ୟା ଅବସ୍ଥା ପଚାରି ବୁଝି ମେଡ଼ିକାଲ୍ କତୃପକ୍ଷ ସହ ଆଲୋଚନା କରିଥିଲେ। ଏହି ଘଟଣା ରେ ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଟ୍ଵୀଟି ଯୋଗେ ଶୋକ ପ୍ରକାଶ କରିଥିବା ବେଳେ ଏବଂ ମୃତକ ଙ୍କ ପରିବାର କୁ ୨,୦୦୦୦୦ ଆର୍ଥିକ ରାଶି ଘୋଷଣା କରିଛନ୍ତି। ସେପରି ଓଡିଶା ର ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୋକ ପ୍ରକାଶ କରିବା ସହ ମୃତକ ଙ୍କ ପାରିବାର କୁ ୩,୦୦୦୦୦ ଆର୍ଥିକ ରାଶି ଘୋଷଣା କରିଛନ୍ତି ଏବଂ ଆହତ ମାନଙ୍କୁ ମାଗଣା ଚିକିତ୍ସା କରାଯିବ ବୋଲି କୁହାଯାଇଛି। ମେଡ଼ିକାଲ୍ ଏଫ୍ଏମଟି ବିଭାଗରେ ମୃତକଙ୍କ ଶବକୁ ବ୍ୟବଚ୍ଛେଦ କରାଯିବା ପରେ ପରିବାର ଲୋକଙ୍କୁ ହସ୍ତାନ୍ତର କରଯାଇଥିଲା।ଗ୍ରାମରେ ଶବ ପହଞ୍ଚିବା ପରେ କୋଳାହଳ କ୍ରନ୍ଦନ ଧ୍ଵନୀ ରେ ପ୍ରକମ୍ପିତ ହୋଇପଡ଼ିଥିବା ସହ ସମ୍ପର୍କୀୟ ପହଞ୍ଚି ଶ୍ମଶାନ ରେ ଶେଷକୃତ୍ୟ ସଂପନ୍ନ ହୋଇଯାଇଛି।
![{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{"transform":1},"is_sticker":false,"edited_since_last_sticker_save":true,"containsFTESticker":false}](https://www.jagratbharatnews.in/wp-content/uploads/2026/05/Picsart_26-05-14_06-19-38-643-16-scaled.jpg)
