ଗ୍ରାମାଞ୍ଚଳର ସାହିତ୍ୟ ଅନୁଷ୍ଠାନ ଓଡ଼ିଆ ଅସ୍ମିତାର ବାସ୍ତବ ବାର୍ତ୍ତାବହ : ମନ୍ତ୍ରୀ କୃଷ୍ଣ ପାତ୍ର|| ଛଦେଶ ସାହିତ୍ୟ ସଂସଦର ୨୭ତମ ବାର୍ଷିକ ଉତ୍ସବ
ଢେଙ୍କାନାଳ, ୧୩.୦୧ : ଗ୍ରାମାଞ୍ଚଳରେ ଗଢ଼ିଉଠୁଥିବା ସାହିତ୍ୟ ଅନୁଷ୍ଠାନ ଗୁଡ଼ିକ ବାସ୍ତବରେ ଓଡ଼ିଆ ଅସ୍ମିତାର ବାର୍ତ୍ତାବହ ବୋଲି ଆଜି ଛଦେଶ ସାହିତ୍ୟ ସଂସଦ ବାର୍ଷିକ ଉତ୍ସବରେ ମୁଖ୍ୟଅତିଥି ଭାବେ ଯୋଗଦେଇ ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ମନ୍ତ୍ରୀ କୃଷ୍ଣ ଚନ୍ଦ୍ର ପାତ୍ର କହିଛନ୍ତି।ଛଦେଶ ସାହିତ୍ୟ ସଂସଦ ଜିଲାସ୍ତରରେ ଏକ ପ୍ରତିଷ୍ଠିତ ଅନୁଷ୍ଠାନ ଭାବରେ ନିଜ ଅଞ୍ଚଳର ସାହିତ୍ୟ, କଳା, ସଂସ୍କୃତି, ଐତିହ୍ୟକୁ ରାଜ୍ୟସ୍ତରରେ ପ୍ରଚାର ପ୍ରସାର କରିବାରେ ଦୀର୍ଘ ଦୁଇ ଦଶନ୍ଧିରୁ ଅଧିକ କାଳ କାର୍ଯ୍ୟ କରୁଥିବାରୁ ମନ୍ତ୍ରୀ ଶ୍ରୀ ପାତ୍ର ପ୍ରଶଂସା କରିଥିଲେ ।ଏହି ଅବସରରେ ଛଦେଶର ଏକମାତ୍ର ଅନୁଷ୍ଠାନ ସାହିତ୍ୟ ସଂସଦ ତରଫରୁ କରାଯାଇଥିବା ସାର୍ବଜନୀନ ଦାବି ଉପରେ ଗୁରୁତ୍ୱ ଦେଇ ସେ ଛଦେଶକୁ ବ୍ଲକ ପୁନର୍ଗଠନ ଯୋଜନାରେ ସାମିଲ କରିବା ସହିତ ଛଦେଶ ଥାନା ଗଠନ, ଡାକ୍ତରଖାନାକୁ ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ପରିଣତ କରିବା, ଛଦେଶରେ ଉଚ୍ଚମାନର ସରକାରୀ ବୈଷୟିକ ଅନୁଷ୍ଠାନ, ଏକ ବହୁମୁଖୀ ପ୍ରେକ୍ଷାଳୟ ନିର୍ମାଣ, ସାପୁଆର ପୁନର୍ଜୀବନ ତଥା ବନ୍ଦ ହୋଇଥିବା ବିଷ୍ଣୁପୁର ମଧ୍ୟ ଇଂରାଜୀ ବିଦ୍ୟାଳୟ ପରିସରରେ ଯୁବ ଓ ମହିଳା କୌଶଳ ବିକାଶ କେନ୍ଦ୍ର ପ୍ରତିଷ୍ଠା ଉପରେ ଦୃଢ଼ ପଦକ୍ଷେପ ନେବେ ବୋଲି ପ୍ରତିଶ୍ରୁତି ଦେଇଥିଲେ ।ଏହି ଅବସରରେ ସେ ସଂସଦର ମୁଖପତ୍ର ‘ଅନ୍ୱେଷା’ ଓ କବି ଦୁର୍ଯ୍ୟୋଧନ ନାଏକଙ୍କ କବିତା ସଙ୍କଳନ ‘କବିତା ସୌରଭ’ ଉନ୍ମୋଚନ କରିଥିଲେ। ଏଥିସହିତ ବିଶିଷ୍ଟ ଭାଷାବିଜ୍ଞାନୀ ଗୋଲୋକ ବିହାରୀ ଧଳ ସ୍ମୃତି ସମ୍ମାନରେ ଡାକ୍ତର ରବି ନାରାୟଣ ପଣ୍ଡା, ବଂଶୀଧର ଜେନା କଳା ସମ୍ମାନରେ ଆନନ୍ଦ ସାମଲ, ଚନ୍ଦ୍ରଶେଖର ଶତପଥୀ ସାହିତ୍ୟ ସମ୍ମାନରେ କାହ୍ନୁ ଚରଣ ମୁଦୁଲି, ନୃପବର ଧଳ ସେବା ସମ୍ମାନରେ ରବି ନାରାୟଣ ରାଉତ, ଛଦେଶ ଆଦର୍ଶ କୃଷକ ସମ୍ମାନରେ ଉଲ୍ଲାସ ଚନ୍ଦ୍ର ବିଶ୍ୱାଳ, କ୍ୟାପ୍ଟେନ ନୃପବର ସ୍ମୃତି ସମ୍ମାନରେ ନିମାଇଁ ଚରଣ ଜେନା, ପ୍ରଫୁଲ୍ଲ ଜଗଦେବ ସ୍ମୃତି ସମ୍ମାନରେ ହୃଦାନନ୍ଦ ବେହେରା, ନିବାରଣ ଚନ୍ଦ୍ର ଧଳ ସ୍ମୃତି ସମ୍ମାନରେ ପ୍ରାଣବନ୍ଧୁ ନାୟକ, ସ୍ବର୍ଣ୍ଣତାରା ପ୍ରତିଭା ପ୍ରେରଣା ସମ୍ମାନରେ ପ୍ରକାଶ ଚନ୍ଦ୍ର ରାଉତ, ବିଶ୍ବ ଓଡ଼ିଶା କଳାକାର ସମ୍ମାନରେ କୁଳମଣି ସାହୁ, ବିଶ୍ବ ଓଡ଼ିଶା ସାରସ୍ୱତ ସମ୍ମାନରେ ସୁବାସ ନାଏକ ଏବଂ ଛଦେଶ ସାହିତ୍ୟ ସଂସଦ ସ୍ୱତନ୍ତ୍ର ସମ୍ମାନରେ ଶଙ୍କର୍ଷଣ ଶତପଥୀଙ୍କୁ ମନ୍ତ୍ରୀ ମାନପତ୍ର, ଉପଢୌକନ ଦେଇ ସମ୍ବର୍ଦ୍ଧିତ କରିଥିଲେ ।ସଭାପତି ନୀଳମଣି ମହାରଣାଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ପୂର୍ବତନ ଜିଲ୍ଲାପରିଷଦ ଉପାଧ୍ୟକ୍ଷ କୋଦଣ୍ଡଧର ସାହୁ, ପୂର୍ବତନ ଜିଲ୍ଲା ପରିଷଦ ସଭ୍ୟ ବିଷ୍ଣୁ ପ୍ରସାଦ ଲେଙ୍କା ସମ୍ମାନିତ ଅତିଥି ଭାବେ ଯୋଗଦେଇଥିବା ବେଳେ ବରିଷ୍ଠ ସାରସ୍ୱତ ସାଧକ କବିମଣି ଇନ୍ଦ୍ରମଣି ନାୟକ ବିଶିଷ୍ଟ ଅତିଥି ଭାବେ ଯୋଗଦେଇଥିଲେ ।ସେହିପରି ପ୍ରଥମ ଦିବସରେ ଅବସର ପ୍ରାପ୍ତ ପ୍ରଶାସକ ତପନ କୁମାର ଶତପଥୀ ଉଦଘାଟକ ଭାବେ ଯୋଗ ଦେଇ ସଂସଦର ସାରସ୍ୱତ ପତାକା ଉତ୍ତୋଳନ ପୂର୍ବକୁ କାର୍ଯ୍ୟକ୍ରମକୁ ଉଦଘାଟନ କରିଥିଲେ। ଉପସଭାପତି ପ୍ରଫୁଲ୍ଲ କୁମାର ପଣ୍ଡାଙ୍କ ସଭାପତିତ୍ୱରେ ଅନୁଷ୍ଠିତ ସଭାରେ ଶ୍ରୀ ଶତପଥୀ ସାପୁଆ ସ୍ଵଜଳ ଅଭିଯାନକୁ ତ୍ୱରାନ୍ୱିତ କରିବା ଦିଗରେ ତାଙ୍କର ସହଯୋଗ ରହିବ ବୋଲି କହିଥିଲେ ।ଏହି କାର୍ଯ୍ୟକ୍ରମରେ ଲୋକସଭା ସାଂସଦ ରୁଦ୍ରନାରାୟଣ ପାଣି ମୁଖ୍ୟଅତିଥିଭାବେ ଯୋଗଦେଇ ସଂସଦର ବିଭିନ୍ନ କାର୍ଯ୍ୟକ୍ରମ ଓ ପଦକ୍ଷେପକୁ ପ୍ରଶଂସା କରିଥିଲେ । କେନ୍ଦ୍ର ସରକାରଙ୍କ ବିଭିନ୍ନ ଯୋଜନା ଛଦେଶରେ ଉପଯୋଗ କରିବା ଉପରେ ସେ ଗୁରୁତ୍ୱ ଦେଇ ଛଦେଶ ଦେଇ ରେଳପଥ ଯିବା, ଛଦେଶରେ କେନ୍ଦ୍ର ସରକାରଙ୍କ କୌଶଳ ବିକାଶ କେନ୍ଦ୍ର ପ୍ରତିଷ୍ଠା କରିବା ଦିଗରେ ପଦକ୍ଷେପ ନେବାପାଇଁ ପ୍ରତିଶ୍ରୁତି ଦେଇଥିଲେ।ଏହି କର୍ଯ୍ୟକ୍ରମରେ ବିଶିଷ୍ଟ ଅତିଥି ଭାବେ ଇଂ. ବାବୁଚାନ୍ଦ ମହାଳିକ, ସମ୍ମାନିତ ଅତିଥି ଭାବେ ସରପଞ୍ଚ ଇନ୍ଦୁମତୀ ଭାଟ୍ଟ ଯୋଗ ଦେଇଥିଲେ ।ଉପସଭାପତି ପ୍ରକାଶ ଚନ୍ଦ୍ର ଜଗଦେବଙ୍କ ସଭାପତିତ୍ୱରେ କବି କାଳୀ ଚରଣ ତ୍ରିପାଠୀ ଓ କାହ୍ନୁ ଚରଣ ମୁଦୁଲିଙ୍କ ସଂଯୋଜନାରେ କବିତା ସ୍ରୋତସ୍ୱିନୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା ।ସଙ୍ଗଠନ ସମ୍ପାଦକ ଅମୀର ଚନ୍ଦ୍ର ରାଉତ, ବରିଷ୍ଠ ସଦସ୍ୟ ଅଲେଖ ଚରଣ ସାହୁ, ସାମାଜିକ ସମ୍ପାଦକ ଧନଞ୍ଜୟ ଧଳ, ସାଂସ୍କୃତିକ ସମ୍ପାଦକ ପ୍ରଶାନ୍ତ ଧଳ, ସହ ସମ୍ପାଦକ ଧ୍ରୁବ ଚରଣ ରାଉତ, ସଲୀଳା ରାଉତ, ଜାପାନୀ ଜଗଦେବ, ତପସ୍ୱିନୀ ଧଳଙ୍କ ପରିଚାଳନାରେ ପ୍ରତିଭା ଅନ୍ୱେଷା, ଗୃହଲକ୍ଷ୍ମୀ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।ଏହି କାର୍ଯ୍ୟକ୍ରମକୁ ସମ୍ପାଦକ ଫକୀର ମୋହନ ସାହୁ, ଯୁଗ୍ମ ସମ୍ପାଦକ ବାସୁଦେବ ଧଳ, ସଙ୍ଗଠନ ସମ୍ପାଦକ ଜୟକୃଷ୍ଣ ମହାପାତ୍ର, ସୂର୍ଯ୍ୟମଣି ପୃଷ୍ଟି, କୋଷାଧ୍ୟକ୍ଷ ବୀରବର ମିଶ୍ର, ବରିଷ୍ଠ ସଦସ୍ୟ ପ୍ରମୋଦ କୁମାର ଦାଶ, ଅନିରୁଦ୍ଧ ସାହୁ, ସୁଦର୍ଶନ ସେଠୀ, ଅକାରଣ ସାହୁ, ସ୍ବଦେଶ ରଞ୍ଜନ ଧଳ, ପ୍ରଫୁଲ୍ଲ କୁମାର ସାହୁ, ମନୋଜ କୁମାର ସାହୁ, ଅଜିତ କୁମାର ମହାପାତ୍ର, ନବ କିଶୋର ମଲ୍ଲିକ, ଦିଲୀପ କୁମାର ପଣ୍ଡା, ରମେଶ ଚନ୍ଦ୍ର ବେହେରା, ସରୋଜ କାନ୍ତ ପଣ୍ଡା, କୁନା ତ୍ରିପାଠୀ, ରମାକାନ୍ତ ସାହୁ, ରଞ୍ଜିତ ପୃଷ୍ଟି ପ୍ରମୁଖ ସହଯୋଗ କରିଥିବା ବେଳେ ଆବାହକ ମନୋଜ କୁମାର ସାହୁ’ମନ୍ମୟ’ କାର୍ଯ୍ୟକ୍ରମ ପରିଚାଳନା କରିଥିଲେ।
![{"remix_data":[],"remix_entry_point":"challenges","source_tags":["local"],"origin":"unknown","total_draw_time":0,"total_draw_actions":0,"layers_used":0,"brushes_used":0,"photos_added":0,"total_editor_actions":{},"tools_used":{},"is_sticker":false,"edited_since_last_sticker_save":false,"containsFTESticker":false,"used_sources":{"version":1,"sources":[{"id":"270812670004211","type":"ugc"}]}}](https://www.jagratbharatnews.in/wp-content/uploads/2026/04/Picsart_25-11-05_07-59-52-526-16.jpg)
