୧୭ ଜଣ ସାସଂଦଙ୍କୁ ସେମାନଙ୍କର ଉତ୍ତମ ପ୍ରଦର୍ଶନ ଯୋଗୁଁ ନୂଆଦିଲ୍ଲୀରେ ଆଜି ‘ସାଂସଦ ରତ୍ନ ପୁରସ୍କାର-୨୦୨୫’ ପ୍ରଦାନ କରାଯାଇଛି । ବି.ଜେ.ପି.ର ରବି କିଷନ ଏବଂ ଦୀନେଶ ଶର୍ମା, କଂଗ୍ରେସର ବର୍ଷା ଗାଇକ୍ୱାର୍ଡ଼, ଏନ୍.ସି.ପି.-ଏସ୍.ପି.ର ସୁପ୍ରିୟା ସୁଲେ ଏବଂ ଶିବସେନାୟୁ.ବି.ଟି.ର ଅରବିନ୍ଦ ସାୱାନ୍ତ ପ୍ରମୁଖ ଏହି ସାଂସଦମାନଙ୍କ ମଧ୍ୟରେ ସ୍ଥାନ ପାଇଛନ୍ତି ।
ସାଂସଦମାନଙ୍କର ଉତ୍କୃଷ୍ଟ ପ୍ରଦର୍ଶନର ସ୍ୱୀକୃତିସ୍ୱରୂପ ଏହି ପୁରସ୍କାର ପ୍ରଦାନ କରାଯାଉଛି ବୋଲି ଗଣମାଧ୍ୟମକୁ ସୂଚନା ଦେଇ ସଂସଦୀୟ ବ୍ୟାପାର ମନ୍ତ୍ରୀ କିରେନ୍ ରିଜିଜୁ କହିଛନ୍ତି ।ସଂସଦୀୟ କମିଟି ବର୍ଗରେ ଭର୍ତ୍ତୃହରି ମହତାବଙ୍କ ନେତୃତ୍ୱରେ ଆର୍ଥିକ ସ୍ଥାୟୀ କମିଟି ଏବଂ ଡକ୍ଟର ଚରଣଜିତ ସିଂହ ଚନ୍ନୀଙ୍କ ନେତୃତ୍ୱରେ କୃଷି ସ୍ଥାୟୀ କମିଟିକୁ ସେମାନଙ୍କର ରିପୋର୍ଟର ଗୁଣବତ୍ତା ଏବଂ ବିଧାନସଭା ତଦାରଖରେ ଅବଦାନ ପାଇଁ ସମ୍ମାନିତ କରାଯାଇଥିଲା ।ତେବେ ଆସନ୍ତୁ ଜାଣିନେବା ସଂସଦ ରତ୍ନ ପୁରସ୍କାର କ’ଣ ? ସଂସଦ ରତ୍ନ ପୁରସ୍କାର ୨୦୧୦ ରେ ଆରମ୍ଭ ହୋଇଥିଲା ଏବଂ ଏହି ପୁରସ୍କାର ସେହି ସାଂସଦମାନଙ୍କୁ ପ୍ରଦାନ କରାଯାଏ । ଯେଉଁମାନେ ସ୍ୱଚ୍ଛତା, ଉତ୍ତରଦାୟିତ୍ୱ ଏବଂ ଗଣତାନ୍ତ୍ରିକ ମୂଲ୍ୟବୋଧକୁ ସୁଦୃଢ଼ କରିବା ପାଇଁ ସଂସଦରେ ସକ୍ରିୟ ରୁହନ୍ତି । ଏହାର ଉଦ୍ଦେଶ୍ୟ ହେଉଛି ସାଂସଦମାନଙ୍କୁ ଉତ୍ସାହିତ କରିବା ଏବଂ ଜନସାଧାରଣଙ୍କ ମଧ୍ୟରେ ସଂସଦୀୟ କାର୍ଯ୍ୟକୁ ଲୋକପ୍ରିୟ କରିବା
