ବିଜୁ ଜନତା ଦଳର ବିଧାୟକ ରାଜେନ୍ଦ୍ର ଢୋଲକିଆଙ୍କ ପରଲୋକ ହୋଇଛି। ନୂଆପଡ଼ା ଆସନରୁ ଚାରିଥର ଜିତିଥିଲେ ରାଜେନ୍ଦ୍ର ଢୋଲକିଆ। ସେ ଏତେ ପପୁଲାର ଯେ ୨୦୦୪ ନିର୍ବାଚନରେ ସ୍ବାଧୀନ ଭାବେ ଲଢି ବିଜଦ -ଭାଜପାର ମେଣ୍ଟ ପ୍ରାର୍ଥୀଙ୍କୁ ପରାଜିତ କରିଥିଲେ। ପରବର୍ତ୍ତୀ ସମୟରେ ଲୋକପ୍ରିୟ ଢୋଲକିଆଙ୍କୁ ନବୀନ ପଟ୍ଟନାୟକ ନିଜ ମନ୍ତ୍ରୀମଣ୍ଡଳରେ ସ୍ଥାନ ଦେଇଥିଲେ ।
କିନ୍ତୁ ୬୯ ବର୍ଷ ବୟସରେ ଚିକିତ୍ସାଧିନ ଅବସ୍ଥାରେ ତାଙ୍କର ଚେନାଇରେ ପରଲୋକ ହୋଇଛି। ଫଳରେ ଆସନ୍ତା ୬ ମାସ ମଧ୍ୟରେ ନୂଆପଡ଼ାରେ ହେବ ଉପନିର୍ବାଚନ।ତେବେ ପୂର୍ବରୁ ୧୯୯୭ ମସିହାରେ ନୂଆପଡ଼ାବାସୀ ଦେଖିଥିଲେ ପ୍ରଥମ ଉପନିର୍ବାଚନ। ନୂଆପଡ଼ାର ୭ଥରର ବିଧାୟକ ଘାସିରାମ ମାଝୀ ( ବରିଷ୍ଠ)ଙ୍କ ଦେହାନ୍ତ ଯୋଗୁଁ ହୋଇଥିଲା ବାଇ-ଇଲେକ୍ସନ। ସେ ସମୟରେ ଓଡ଼ିଶାରେ ବିରୋଧି ଜନତା ଦଳର ବିଧାୟକ ଥିଲେ ଘାସିରାମ ମାଝୀ (ବରିଷ୍ଠ) । ତାଙ୍କର ଦେହାନ୍ତ ପରେ କଂଗ୍ରେସ ପ୍ରାର୍ଥୀ ଜଗନ୍ନାଥ ପଟ୍ଟନାୟକଙ୍କ ସପକ୍ଷରେ ନୂଆପଡ଼ା ଭୋଟର ମତ ଦେଇଥିଲେ। ସେତେବେଳେ ଓଡ଼ିଶାରେ ଥିଲା କଂଗ୍ରେସର ସରକାର।ଏବେ ଇତିହାସର ହୋଇଛି ପୁନରାବୃତ୍ତିଏବେ ଅଛି ଓଡ଼ିଶାରେ ଭାଜପା ସରକାର । ପ୍ରାଣ ହରାଇଛନ୍ତି ବିରୋଧୀ ବିଜୁ ଜନତା ଦଳର ବିଧାୟକ ରାଜେନ୍ଦ୍ର ଢୋଲକିଆ। ଏବେ ପୁଣି ହେବ ଉପନିର୍ବାଚନ। ଯାହା ଭାଜପା ସରକାର ପାଇଁ ଅଗ୍ନି ପରୀକ୍ଷା। ସରକାର ଗଠନ ପରେ ନୂଆପଡ଼ାରେ ପ୍ରଥମ ଉପନିର୍ବାଚନକୁ ସାମ୍ନା କରିବ ଭାରତୀୟ ଜନତା ପାର୍ଟି । ତେବେ ଏଠୁ ପ୍ରାର୍ଥୀ ହେବ କିଏ ? ପୂର୍ବତନ ଭାଜପା ରାଜ୍ୟ ସଭାପତି ବସନ୍ତ ପଣ୍ଡା ହେବେ ନା’ ତାଙ୍କ ପୁଅ ଅଭିନନ୍ଦନ ପଣ୍ଡା ?ଭାଜପାର ପସନ୍ଦ ବାପ ନା’ ପୁଅନୂଆପଡ଼ାରୁ ୨ଥର ବିଧାୟକ ହୋଇଥିବା ବସନ୍ତ ପଣ୍ଡା ୨୦୨୪ ବିଧାନସଭା ନିର୍ବାଚନରେ ନିଜେ ଲଢି ନଥିଲେ । ପୁଅ ଅଭିନନ୍ଦନ ପଣ୍ଡାଙ୍କ ପାଇଁ ବାଟ ଛାଡ଼ିଥିଲେ। ହେଲେ ନୂଆପଡ଼ା ଭୋଟରଙ୍କର ତୃତୀୟ ପସନ୍ଦ ହୋଇଥିଲେ ଅଭିନନ୍ଦନ ପଣ୍ଡା। ସ୍ବାଧୀନ ପ୍ରାର୍ଥୀ ଘାସିରାମ ମାଝୀ (ଜୁନିଅର), ରାଜେନ୍ଦ୍ର ଢୋଲକି ଆଙ୍କୁ ଦେଇଥିଲେ କଡା ଟକ୍ଟର। ତେଣୁ ଏଥର ଅଭିନନ୍ଦନ ପଣ୍ଡାଙ୍କୁ ଭାଜପା ପ୍ରାର୍ଥୀ କରି ନପାରେ। ଅନ୍ୟପଟେ ରାଜ୍ୟରେ ଭାଜପା ସରକାର ଥିବାରୁ ବସନ୍ତ ପଣ୍ଡା ହୁଏତ ଉପନିର୍ବାଚନରେ ପ୍ରାର୍ଥୀ ହେବା ପାଇଁ ଆଗ୍ରହ ଦେଖାଇ ପାରନ୍ତି ।ବିଜଦର ଅନୁକମ୍ପା କାର୍ଡଅନ୍ୟପଟେ ରାଜେନ୍ଦ୍ର ଢୋଲକିଆଙ୍କ ପୁଅ ଜୟ ରାଜନୀତିରେ ଖୁବ୍ ସକ୍ରିୟ। ନୂଆପଡ଼ା ବିଧାୟକଙ୍କ ପ୍ରତିନିଧି ଭାବେ ଜୟ ଢୋଲକିଆଙ୍କୁ ଅଞ୍ଚଳବାସୀ ବହୁତ ଭଲ ଭାବରେ ଜାଣନ୍ତି । ସେଥିପାଇଁ ଜୟ ଢୋଲକିଆଙ୍କ ମାଧ୍ୟମରେ ସିମ୍ପାଥି କାର୍ଡ ଖେଳି ବିଜୁ ଜନତା ଦଳ ତାଙ୍କୁ ପ୍ରାର୍ଥୀ କରିପାରେ। ଅନ୍ୟପକ୍ଷରେ ୨୦୨୪ ନିର୍ବାଚନରେ କଂଗ୍ରେସର ପ୍ରାର୍ଥୀ ହୋଇଥିବା ତତ୍କାଳୀନ ପିସିସି ସଭାପତି ଶରତ ପଟ୍ଟନାୟକ, ଉପନିର୍ବାଚନରେ ପ୍ରାର୍ଥୀ ହେବାର ସମ୍ଭାବନା ବହୁତ କମ୍ । କାରଣ ବଲାଙ୍ଗିର ଜିଲ୍ଲାର ଶରତ ପଟ୍ଟନାୟକ, ନୂଆପଡ଼ା ଭୋଟରଙ୍କ ଦ୍ବାରା ଗ୍ରହଣୀୟ ହୋଇ ପାରିଲେନି। ସେଥି ପାଇଁ ୨୦୨୪ରେ ଶରତଙ୍କୁ ମାତ୍ର ୧୫,୫୦୧ ଭୋଟ୍ ମିଳିଥିଲା ।ବାହାରିଆଙ୍କୁ ଭରସା କରିବନି କଂଗ୍ରେସବାହାରିଆ ନେତାଙ୍କୁ ନୂଆପଡ଼ା ଭୋଟର ପସନ୍ଦ କରୁ ନଥିବାରୁ ହୁଏତ ବର୍ତ୍ତମାନର ଓଡ଼ିଶା ପ୍ରଦେଶ କଂଗ୍ରେସ ସଭାପତି ଭକ୍ତଚରଣ ଦାସ ରିସ୍କ ନନେଇ ପାରନ୍ତି । ଭକ୍ତଙ୍କର ନିଜସ୍ଵ ସଂସଦୀୟ କ୍ଷେତ୍ର କଳାହାଣ୍ଡି ଅଧିନରେ ଆସୁଛି ନୂଆପଡ଼ା ବିଧାନସଭା ଆସନ । ନୂଆପଡ଼ା ଆସନରୁ ୨୦୨୪ ନିର୍ବାଚନରେ ପରାଜିତ ହୋଇଥିବା ସ୍ଵାଧୀନ ପ୍ରାର୍ଥୀ ଘାସିରାମ ମାଝୀ (ଜୁନିଅର) ଙ୍କୁ ପ୍ରାର୍ଥୀ କରି ପାରନ୍ତି ଭକ୍ତ । ତେବେ ଯାହା ବି ହେଉ ନୂଆପଡ଼ା ଉପନିର୍ବାଚନ ହେବ ଓଡ଼ିଶାର ଭାଜପା ସରକାରଙ୍କ ପାଇଁ ଏସିଡ୍ ଟେଷ୍ଟ।
