ଗଜପତି କ୍ଲବ୍ ଗଣେଶ ପୂଜାର ଭସାଣୀ ଉତ୍ସବ ପାଳିତ
ଢେଙ୍କାନାଳ, ୧୮/୯ : ସଦର ବ୍ଲକ୍ ଅନ୍ତର୍ଗତ କାଙ୍କଡପାଳ ଗ୍ରାମର ଗଜପତି କ୍ଲବ ତରଫରୁ ୨୦ବର୍ଷ ଧରି ଗଣେଶ ପୂଜା ପାଳିତ ହୋଇଆସୁଥିବାବେଳେ ଚଳିତ ବର୍ଷ ପୂଜାର ଆଜି ଭସାଣୀ ଉତ୍ସବ ଅନୁଷ୍ଠିତ ହୋଇଯାଇଅଛି । ଏହି ଭସାଣୀ ଉତ୍ସବରେ ସମାଜସେବୀ ରାମଚନ୍ଦ୍ର ପାତ୍ର ଯୋଗଦେଇ ଅତି ଆନନ୍ଦ ଉଲ୍ଲାସର ସହ ଯୁବକମାନଙ୍କୁ ଉତ୍ସାହିତ କରିଥିଲେ । ଗତ ୨୭ ତାରିଖରୁ ଆରମ୍ଭ ହୋଇଥିବା ଏହି ପୂଜା ପ୍ରତ୍ୟକ ଦିନ ନୀତି କାନ୍ତି ଅନୁସାରେ ପୂଜା କରାଯାଇଥିଲା । ପୂରାତନ ସଭାପତି ତଥା ପୂଜକ ପ୍ରମୋଦ କୁମାର ପଣ୍ଡା ଓ କର୍ତା ଅର୍ଜୁନ ଦାସ ଓ ସଭାପତି ପ୍ରିୟବ୍ରତ ପଣ୍ଡା, ସଂପାଦକ ସୂର୍ଯ୍ୟନାରାୟଣ ସାହୁ ଙ୍କ ଉପସ୍ଥିତିରେ ପୂଜା କାର୍ଯ୍ୟ ସମ୍ପର୍ଶ କରାଯାଇଥିଲା । କଟକ ବିଡାନାସୀର ସାଇଲକ୍ଷ୍ମୀ ବ୍ୟାଣ୍ଡ ପାର୍ଟିର ସଂଗୀତରେ ଯୁବକ, ପିଲା ଓ ବୟୋଜ୍ୟେଷ୍ଠ ବ୍ୟକ୍ତିମାନେ ଅତି ଆନନ୍ଦ ଉଲ୍ଲାସର ସହିତ ନୃତ୍ୟ କରିଥିଲେ।
