କୁଞ୍ଜକାନ୍ତର ମହିଳାମାନଙ୍କ ଦ୍ବାରା ରାଇଦାମୋଦର ପୂଜା ଓ ଆକାଶଦୀପ ଉଠା
ଢେଙ୍କାନାଳ, ୨୯/୧୦ – ଢେଙ୍କାନାଳ ସହର କୁଞ୍ଜକାନ୍ତ ପୋଖରୀ ନିକଟରେ ଥିବା ବୃନ୍ଦାବତୀଙ୍କ ମୂଳରେ କାର୍ତିକ ଧର୍ମ ମାସର ପ୍ରତ୍ୟେକ ଦିନ ସ୍ଥାନୀୟ ମହିଳାମାନେ ରାଇଦାମୋଦର ପୂଜା କରିବା ସହିତ ଆକାଶ ଦୀପ ଉଠାଉଛନ୍ତି । ପ୍ରାୟ ୩୦ ଜଣ ମହିଳା କାର୍ତିକ ମାସର ସବୁଦିନ ସକାଳୁ ଉଠି ଏହି ପୂଜା କରିଥାନ୍ତି । ଏହି ପୂଜାର ମହତ୍ବ ହେଲା ବୃନ୍ଦାବତୀ, ସର୍ବ ଦେବାଦବୀ ଓ ପିତୃପୁରୁଷଙ୍କ ପାଇଁ ଏହି ପୂଜା କରାଯାଏ। ସଂଧ୍ୟାରେ ପୂଜା କରାଯାଇ ଏହି ଅଂଚଳ ତଥା ଜିଲ୍ଲାର ମଙ୍ଗଳ କାମାନ କରିବା ସହିତ ସମସ୍ତଙ୍କ ଶରୀର ସୁସ୍ଥ ରହିବା ଉଦ୍ଦେଶ୍ୟର ଆକାଶଦୀପ ଉଠାଇଥାନ୍ତି । ଏହି ପୂଜା ସହିତ ବହୁ ସଂଖ୍ୟାରେ ଜଡିତ ହେବାକୁ ମହିଳାମାନେ ପ୍ରକାଶ କରିଛନ୍ତି । ମହିଳାମାନଙ୍କ ମଧ୍ୟରେ ସ୍ନିଗ୍ଧାରାଣୀ ନନ୍ଦ, ଜ୍ୟୋତିର୍ମୟୀ ପଣ୍ଡା, ଦମୟନ୍ତୀ ନାଥ, ସସ୍ମିତା ଦାଶ, ପ୍ରଣତି ପଟ୍ଟନାୟକ, ଜ୍ୟୋତିର୍ମୟୀ ତ୍ରିପାଠୀ, ମମତା ତ୍ରିପାଠୀ, ସୌଭାଗିନୀ ରାଉତ, ସସ୍ମିତା ପଟ୍ଟନାୟକ ଓ ସୁଲୋଚନା ନାଥ ପ୍ରମୁଖଙ୍କ ସମେତ ବହୁ ମହିଳା ଯୋଗଦେଇ ପୂଜାକୁ ସଫଳ କରିଥିଲେ ।
