ଆସନ୍ତାକାଲିଠାରୁ ଆରମ୍ଭ ହେବ ସଂସଦର ଶୀତକାଳୀନ ଅଧିବେଶନ। ଏହା ପୂର୍ବରୁ ଆଜି କେନ୍ଦ୍ର ସରକାର ନୂଆଦିଲ୍ଲୀରେ ଏକ ସର୍ବଦଳୀୟ ବୈଠକ ଡକାଇଛନ୍ତି। ଶୀତକାଳୀନ ଅଧିବେଶନ ଆସନ୍ତାକାଲିଠାରୁ ଆରମ୍ଭ ହୋଇ ଡିସେମ୍ବର 19 ତାରିଖ ପର୍ଯ୍ୟନ୍ତ ଚାଲିବ। ସଂସଦୀୟ ବ୍ୟାପାର ମନ୍ତ୍ରୀ କିରେନ ରିଜିଜୁ ସଂସଦର ଉଭୟ ଗୃହର ରାଜନୈତିକ ଦଳର ନେତାମାନଙ୍କୁ ଭେଟିବେ।
ଲୋକସଭା ଏବଂ ରାଜ୍ୟସଭାର ଅଧିବେଶନ ସୁରୁଖୁରୁରେ ଚଳାଇବାକୁ ସାହାର୍ଯ୍ୟ କରିବା ପାଇଁ ସମସ୍ତ ରାଜନୈତିକ ଦଳକୁ ନିବେଦନ କରିବେ।ଅଧିବେଶନ ସମୟରେ, ଅନେକ ଗୁରୁତ୍ୱପୂର୍ଣ୍ଣ ଆଇନ ଆଲୋଚନା ଏବଂ ପାସ ପାଇଁ ଗ୍ରହଣ କରାଯିବାର କାର୍ଯ୍ୟକ୍ରମ ରହିଛି। ଯେଉଁସବୁ ବିଲ ଏହି ଅଧିବେଶନରେ ଆସିବାର ସମ୍ଭାବନା ରହିଛି ତାହା ହେଉଛି ପରମାଣୁ ଶକ୍ତି ବିଲ୍ 2025, ବୀମା ଆଇନ (ସଂଶୋଧନ) ବିଲ୍, ଭାରତୀୟ ଉଚ୍ଚଶିକ୍ଷା କମିଶନ ବିଲ୍ 2025 ଏବଂ ଜାତୀୟ ରାଜପଥ (ସଂଶୋଧନ) ବିଲ୍। ଅଧିବେଶନ ସମୟରେ, ସଂସଦରେ 19 ଦିନ ବ୍ୟାପୀ 15 ଟି ବୈଠକ ଅନୁଷ୍ଠିତ ହେବ।
