ଅନୁଗୋଳ ଜିଲ୍ଲା ପୋଲିସ୍ ପକ୍ଷରୁ ପୁରୁଷ କବାଡି ଓ ହ୍ୟାଣ୍ଡବଲ୍ ପ୍ରତିଯୋଗିତା ଅନୁଷ୍ଠିତ
ଅନୁଗୋଳ,୧୮/୦୫ – ଅନୁଗୋଳ ଜିଲ୍ଲା ପୋଲିସ୍ ପକ୍ଷରୁ ଆଜିଠାରୁ ରାଜ୍ୟ ପୋଲିସ୍ ସ୍ତରୀୟ ଏକ କବାଡି ଓ ହ୍ୟାଣ୍ଡବଲ୍ (ପୁରୁଷ) ପ୍ରତିଯୋଗିତା ଆଇଜି ସତ୍ୟବ୍ରତ ଭୋଇ ଓ ଅନୁଗୋଳ ଏସ ପି ରାହୁଲ ଜୈନଙ୍କ ଉପସ୍ଥିତିରେ ଉଦଘାଟିତ ହୋଇଯାଇଛି। ଏଥିରେ ରାଜ୍ୟସ୍ତରୀୟ ଖେଳାଳି ମାନେ ଯୋଗ ଦେଇଛନ୍ତି। ଆଜି ସକାଳେ ଅନୁଗୋଳ ଓ ରାୟଗଡ଼ା ମଧ୍ୟରେ ପୁରୁଷ କବାଡି ପ୍ରତିଯୋଗିତା ଅନୁଷ୍ଠିତ ହୋଇଯାଇଛି। ଅପରାହ୍ନ ରେ ମଧ୍ୟ କବାଡି ପ୍ରତିଯୋଗିତା ଅନୁଷ୍ଠିତ ହୋଇଥିଲା। ପୋଲିସ୍ ପକ୍ଷରୁ ରେଫ୍ରି, ଥଣ୍ଡା ପାନୀୟ ଓ ଜଳଖିଆ ଆଦିର ବ୍ୟବସ୍ଥା ହୋଇଥିଲା। ଏହି ପ୍ରତିଯୋଗିତା ପାଞ୍ଚ ଦିନ ଧରି ଚାଲିବ ଅର୍ଥାତ୍ 18/05 ରୁ ଆରମ୍ଭ ହୋଇ 22/05 ପର୍ଯ୍ୟନ୍ତ ଚାଲିବ। ଏହି ପ୍ରତିଯୋଗିତା ଅବସରରେ ବହୁ ଦର୍ଶକଙ୍କ ସହ ସାମ୍ବାଦିକ ଓ ଗଣ ମାଧ୍ୟମ ପ୍ରତିନିଧି ମାନେ ଉପସ୍ଥିତ ରହିଥିଲେ।
