ଜାଗ୍ରତ ଭାରତ ନ୍ୟୂଜ୍ ର ଅଷ୍ଟମ ବାର୍ଷିକ ଉତ୍ସବ ଧୁମ୍ ଧାମରେ ପାଳିତ
ଅନୁଗୋଳ,୦୫/୦୬/୨୦୨୬ – ଜାଗ୍ରତ ଭାରତ ନ୍ୟୂଜ୍ ପରିବାର ପକ୍ଷରୁ ଆଜି ଜାଗ୍ରତ ଭାରତ ନ୍ୟୂଜ୍ ତାର ଅଷ୍ଟମ ବାର୍ଷିକ ଉତ୍ସବ ଧୁମ୍ ଧାମରେ ପାଳନ କରିଛି। ଅନୁଗୋଳ ଜିଲ୍ଲା ବଅଁରପାଳ ବ୍ଲକ ଅନ୍ତର୍ଗତ ବଅଁରପାଳ ଆଶା ଟକିଜ୍ ପରିସରରେ ଆଶା କଲ୍ୟାଣ ମଣ୍ଡପ ଠାରେ ଜାଗ୍ରତ ଭାରତ ନ୍ୟୂଜ୍ ତାର ଅଷ୍ଟମ ବାର୍ଷିକ ଉତ୍ସବ ପାଳନ କରିଛି । ଏହି ଅବସରରେ ସଂପାଦକ ପ୍ରକାଶକ ସୁଶୀଲ କୁମାର ଆଇଚ ଜାଗ୍ରତ ଭାରତ ନ୍ୟୁଜ୍ ର ଆଭିମୁଖ୍ୟ ଓ ଅଷ୍ଟମ ବର୍ଷର ପଦାର୍ପଣ ଅବସରରେ କିପରି ଭାବରେ କେଉଁ ପରିଶ୍ରମ ବଳରେ ଆଗକୁ ବଢ଼ିବାରେ ଲାଗିଛି ସେ ବିଷୟରେ ଆଲୋକପାତ କରିଥିଲେ। ପରେ ପରେ ସମ୍ପାଦକ ସୁଶୀଲ ଆଇଚ ଉପସ୍ଥିତ ଅତିଥି ଓ ଶ୍ରୋତା ମାନଙ୍କ ମଧ୍ୟରୁ କିଛି ବରିଷ୍ଠ ସାମ୍ବାଦିକ, ସମାଜସେବୀ ଓ ବିଭିନ୍ନ କ୍ଷେତ୍ରରେ ସୁନାମ ଅର୍ଜନ କରିଥିବା ସଂଗ୍ରାମୀ ମଣିଷ ମାନଙ୍କୁ ସମ୍ମାନିତ ଅତିଥି ଓ ମୂଖ୍ୟ ବକ୍ତା ଓ ମୂଖ୍ୟ ଅତିଥି ଭାବେ ମଞ୍ଚ ଉପରକୁ ଆମନ୍ତ୍ରଣ କରିଥିଲେ।
ମୂଖ୍ୟ ଅତିଥି ଭାବେ ବିଶିଷ୍ଠ ସମାଜସେବୀ ଶ୍ରୀଯୁକ୍ତ ବସନ୍ତ ତ୍ରିପାଠୀ, ସମ୍ମାନିତ ଅତିଥି ଭାବେ ପୁର୍ବତନ ଅନୁଗୋଳ ଜିଲ୍ଲା ସୁଚନା ଓ ଲୋକ ସମ୍ପର୍କ ଅଧିକାରୀ ଶ୍ରୀଯୁକ୍ତ କୈଳାଶ ଚନ୍ଦ୍ର ବେହେରା, ସମ୍ମାନିତ ଅତିଥି ଭାବେ ବଅଁରପାଳ ଅଞ୍ଚଳର ବରିଷ୍ଠ ସାମ୍ୱାଦିକ ଶ୍ରୀଯୁକ୍ତ ଅଖିଳ କୁମାର ମହାପାତ୍ର, ସମ୍ମାନିତ ଅତିଥି ଭାବେ ବରିଷ୍ଠ ସାମ୍ୱାଦିକ ସନାତନ କର, ମୂଖ୍ୟ ବକ୍ତା ଭାବେ ବିଶିଷ୍ଟ ସାମ୍ୱାଦିକ ସରୋଜ କାନ୍ତ ଜେନା ଓ ଜାଗ୍ରତ ଭାରତ ନ୍ୟୂଜର ସମ୍ପାଦକ ଶ୍ରୀଯୁକ୍ତ ସୁଶୀଲ କୁମାର ଆଇଚ ପ୍ରମୁଖ ମଞ୍ଚାସୀନ ଥିଲେ। ମଞ୍ଚାସୀନ ସମସ୍ତ ଅତିଥି ମାନଙ୍କୁ ପୁଷ୍ପଗୁଚ୍ଛ ଓ ଉତ୍ତରୀୟ ଦେଇ ସମ୍ମାନିତ କରାଯାଇଥିଲା। ବିଶେଷ କରି ସମସ୍ତଙ୍କର ଅତି ଆଦରଣୀୟ ଓ ପ୍ରିୟ ନେତା ତଥା ଢେଙ୍କାନାଳ ସାଂସଦ ଶ୍ରୀ ରୁଦ୍ରନାରାୟଣ ପାଣି ଫୋନ୍ ମଧ୍ୟମରେ ଜାଗ୍ରତ ଭାରତ ନ୍ୟୂଜ୍ ର ବାର୍ଷିକ ଉତ୍ସବ ପାଳନ ଅବସରରେ ସଂପାଦକ ପ୍ରକାଶକ ସୁଶୀଲ କୁମାର ଆଇଚଙ୍କୁ ଦିଲ୍ଲୀରେ ଥାଇ ଶୁଭେଛା ଜଣାଇଥିଲେ।
ପ୍ରଥମେ ମୂଖ୍ୟ ଅତିଥି ଓ ଅନ୍ୟାନ୍ୟ ଅତିଥି ମାନେ ପ୍ରଭୁ ଶ୍ରୀ ଜଗନ୍ନାଥଙ୍କ ଓ ସଦଗରୁ ଶ୍ରୀ ଶ୍ରୀ ଅର୍ଜ୍ଜୁନଙ୍କ ଫଟୋ ଚିତ୍ରରେ ପୁଷ୍ପମାଲ୍ୟ ଅର୍ପଣ କରି ପ୍ରଦୀପ ପ୍ରଜ୍ବଳନ ସହ ଆଜିର କାର୍ଯ୍ୟକ୍ରମକୁ ଆରମ୍ଭ କରିଥିଲେ। ଆଜିର କାର୍ଯ୍ୟକ୍ରମକୁ ସମ୍ପାଦକ ସଂଚାଳକ ଭାବେ କାର୍ଯ୍ୟକ୍ରମକୁ ଆଗକୁ ବଢ଼ାଇବା ସହ ପର୍ଯ୍ୟାୟକ୍ରମେ ସମ୍ମାନିତ ଅତିଥି ମାନଙ୍କୁ ଆଜିର ଆଲୋଚନା ଚକ୍ର ସୁଚନା ଅଧିକାର ଏବଂ ସତ୍ୟର ସନ୍ଧାନ ଓ ଗଣତନ୍ତ୍ରରେ ଗଣମାଧ୍ୟମର ଭୂମିକା ଉପରେ ଆଲୋକପାତ କରିବାକୁ ଅନୁରୋଧ କରିଥିଲେ। ଏ ସଂପର୍କରେ କହିବାକୁ ଯାଇ ସାମ୍ବାଦିକଙ୍କ ଭୂମିକା ଗୁରୁତ୍ୱପୂର୍ଣ୍ଣ ବୋଲି ସମସ୍ତେ କହିଥିଲେ।
ସେହିପରି ସମ୍ମାନିତ ଅତିଥି ମାନେ ଅନୁରୂପ ରୂପେ କିପରି ସାମ୍ବାଦିକ ମାନେ ସୁଚନା ଅଧିକାରର ଆଇନ୍ ବଳରେ ସମସ୍ତ ତଥ୍ୟ ସଂଗ୍ରହ କରି ସେହି ତଥ୍ୟକୁ ଗଣମାଧ୍ୟମ ଦ୍ଵାରା ସମସ୍ତଂକ ନିକଟରେ ପହଞ୍ଚାଇ ଲୋକଙ୍କ ମଙ୍ଗଳ କରିଥାନ୍ତି। ତାହା ସ୍ପଷ୍ଟ ଭାବରେ ଆଲୋକପାତ କରିଥିଲେ। ବିଭିନ୍ନ ସମୟରେ ଗଣମାଧ୍ୟମ ନିଜର ପ୍ରମୁଖ ଭୂମିକା ବା ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରି ସମାଜରୁ ଲାଞ୍ଚ, ଦୁର୍ନୀତି ଓ ବଡ଼ ବଡ଼ ଅପରାଧକୁ ରୋକିବାରେ ସାହାଯ୍ୟ କରିଥାଏ। ଭୁଲ୍ ରାସ୍ତାରେ ଯାଉଥିବା ସରକାର କିମ୍ବା ଲୋକ ପ୍ରତିନିଧି ବା ଯୁବପିଢି ଙ୍କୁ ଠିକ୍ ରାସ୍ତାକୁ ଯିବାକୁ ବାଟ ଦେଖାଇଥାଏ। ଦେଶ ବିଦେଶ ସହିତ କେଉଁ ସମୟରେ କେଉଁ ପରିସ୍ଥିତିରେ କେଉଁ ଦିଗକୁ ବାଛିବା ପାଇଁ ହୁଏ ତାହା ଗଣମାଧ୍ୟମ ତର୍କ ବିତର୍କ ସହ ଲୋକଙ୍କ ଆଖି ଖୋଲିବା ସହ ସରକାରଙ୍କ ପଦକ୍ଷେପ ଗ୍ରହଣ ଉପରେ ଆଲୋକପାତ କରିଥାଏ। ସେ ସବୁକୁ ବ୍ୟାଖ୍ୟା କରଯାଇଥିଲା। ଜାଗ୍ରତ ଭାରତ ନ୍ୟୂଜ କିପରି ଏହି ପଥରେ ଗତି କରୁଛି ଓ ଏହାର ଉତ୍ତରୋତ୍ତର ଉନ୍ନତି ହେଉ ବୋଲି ଉପସ୍ଥିତ ଅତିଥି ମାନେ ମତବ୍ୟକ୍ତ କରିଥିଲେ।
ଶେଷରେ ବିଭିନ୍ନ କ୍ଷେତ୍ରରେ ସୁନାମ ଅର୍ଜନ କରିଥିବା ୪୦ ଜଣ ପ୍ରତିଭାବାନ ବ୍ୟକ୍ତି ବିଶେଷଙ୍କୁ ପୁଷ୍ପ ଗୁଚ୍ଛ ଉତ୍ତରୀୟ ଓ ମାନପତ୍ର ପ୍ରଦାନ କରି ସମ୍ବର୍ଦ୍ଧନା ପ୍ରଦାନ କରଯାଇଥିଲା। ଆଜିର କାର୍ଯ୍ୟକ୍ରମରେ ଜାଗ୍ରତ ଭାରତ ନ୍ୟୂଜ ଓ ଜିଲ୍ଲାର ଅନୁଗୋଳ ବହୁତସାମ୍ୱାଦିକ ଓ ମିଡ଼ିଆ ପ୍ରତିନିଧି ମାନେ ଉପସ୍ଥିତ ଥିଲେ।
ଶେଷରେ ସାମ୍ୱାଦିକ ସଞ୍ଜୀବ କୁମାର ପାଇକ ସମସ୍ତଙ୍କୁ ଧନ୍ୟବାଦ୍ ଦେଇ ସଭା ସାଙ୍ଗ କରିଥିଲେ। ଏହି ଅବସରରେ ଜାଗ୍ରତ ଭାରତ ନ୍ୟୂଜ ପକ୍ଷରୁ ଉପସ୍ଥିତ ଅତିଥି ଓ ଦର୍ଶକ ମାନଙ୍କ ପାଇଁ ଏକ ମଧ୍ୟାହ୍ନ ଭୋଜନର ଆୟୋଜନ କରଯାଇଥିଲା।
