ଜବରଦଖଲରେ ରେଙ୍ଗାଳି ଦକ୍ଷିଣ କେନାଲ
ହୁଡ଼ାରେ ମାଳମାଳ ଘର, ସଙ୍କୁଚିତ ହେବାରେ ଲାଗିଛି କେନାଲ ରାସ୍ତା, କେତେ ବେଳେ ଧଷିବ କିଏ କହିବ!
ତାଳଚେର, ୩୧/୦୭ ସରକାର ଚାଷୀଙ୍କ ପାଇଁ ମହତ ଉଦ୍ଦେଶ୍ୟ ରଖି ବିଭିନ୍ନ ଜନକଲ୍ୟାଣ ଯୋଜନା ହାତକୁ ନେଉଥିବା ବେଳେ ଏହା ଅଣଦେଖା ଯୋଗୁଁ କେତେକ ଜାଗାରେ ସମ୍ପୂର୍ଣ୍ଣ ବିଫଳ ହେଉଛି । ଚାଷୀଙ୍କ ପାଇଁ ତାଳଚେର ସହର ମଧ୍ୟରେ କଂଗ୍ରେସ୍ ସରକାର ଅମଳରେ ରେଙ୍ଗାଳି ଦକ୍ଷିଣ କେନାଲ ନିର୍ମାଣ କରାଯାଇଥିଲା ଏବଂ ଏହା ରକ୍ଷଣବେକ୍ଷଣ ଅଭାବରୁ ବର୍ତମାନ ଜରାଜିର୍ଣ୍ଣର୍ ଅବସ୍ଥାରେ ଗତି କରୁଛିି । କିଛି କିଛି ସ୍ଥାନରେ ସୁରକ୍ଷା ବାଡ଼ ନଥିବା ବେଳେ ଆଉ କେତେକ ସ୍ଥାନରେ ରାସ୍ତା ପାଣି କେନାଲରେ ପଶୁଥିବା ଘଟଣାକୁ ଅସ୍ୱୀକାର କରିହେବ ନାହିଁ । ତାଳଚେର ପୌରପରିଷଦ ୱାର୍ଡ଼ ନଂ-୧୧ ଚାଳିକୂଟ୍ଟା ସାହି ପଛପାଶ୍ୱର୍ରେ ରହିଥିବା କେନାଲ ହୁଡ଼ା ଏବେ ସ୍ଥାନୀୟ ଲୋକଙ୍କ କବଜାରେ । ଲଗାଣ ବର୍ଷାରେ ଦୁଇଟି ସ୍ଥାନ ଭୂଷୁଡ଼ି ପଡ଼ିଥିବା ଦୃଶ୍ୟ ସେହି ଅଂଚଳରେ ଏକ ଭୟର ବାତାବରଣ ଖେଳାଇ ଦେଇଥିବା ବେଳେ ଏବେ ଏହି କେନାଲ ହୁଡ଼ାରେ ଏମୁଣ୍ଡରୁ ସେ ମୁଣ୍ଡ ଘର ନିର୍ମାଣକରି କେନାଲକୁ ସ୍ଥାନୀୟ ଲୋକ ଆହୁରି ଦୁର୍ବଳ କରି ଦେଉଥିବା ପଥଚାରି ମାନେ ଅଭିଯୋଗ କରୁଛନ୍ତି । ଲଗାଣବର୍ଷାରେ କେନାଲ ଧଷିବ ଖବର ଗଣମାଧ୍ୟରେ ଖବର ପ୍ରକାଶ ପାଇବା ପରେ ମଧ୍ୟ ବିଭାଗୀୟ କର୍ତୁପକ୍ଷଙ୍କ କୁମ୍ଭକର୍ଣ୍ଣ ନିଦ୍ରା ଭାଙ୍ଗୁନାହିଁ । ପଥଚାରୀଙ୍କ ସ୍ୱାର୍ଥପାଇଁ କେନାଲ ହୁଡ଼ାରେ ଗୋଡ଼ିବନ୍ଧ ବେଲପଡ଼ା ଗ୍ରାମ ଠାରୁ ଥର୍ମାଲ ପର୍ଯ୍ୟନ୍ତ ଏକ ରାସ୍ତା ନିର୍ମାଣ କରାଇଛି । ମାତ୍ର ଏହି ରାସ୍ତା ଓ କେନାଲ ପାଶ୍ୱର୍ରେ ଘର ନିର୍ମାଣ ହୋଇଥିବା ଯୋଗୁଁ ଦୁଇଚକିଆ ଯାନ ଓ ପଥଚାରୀମାନେ ନାନାଦି ସମସ୍ୟାରେ ଛନ୍ଦି ହୋଇପଡ଼ୁଛନ୍ତି ବୋଲି ପ୍ରାୟ ସମୟରେ ଶୁଣିବାକୁ ମିଳେ ଏବଂ ଏହା ଦ୍ୱାରା କେନାଲ ପ୍ରତି ବିପଦ ସୃଷ୍ଟି କରୁଛି ବୋଲି ସର୍ବସାଧାରଣ ଅଭିଯୋଗ କରୁଛନ୍ତି । ଅପରପକ୍ଷେ କେନାଲ ହୁଡ଼ା ଓ ରାସ୍ତାର ଅପରପାଶ୍ୱର୍ରେ ଘର ନିର୍ମାଣ ଯୋଗୁଁ ରାସ୍ତାଟି ସଙ୍କୁଚିତ ହେବା ଓ କେନାଲଟି ଧିରେଧିରେ ଧସିବାରେ ମଧ୍ୟ ଲାଗିଛି । ଏହାକୁ ନେଇ ଜନସାଧାରଣ ଅସନ୍ତୋଷ ବ୍ୟକ୍ତ କରୁଥିବା ବେଳେ କିପରି ପ୍ରଶାସନର ଦୂରଦୃଷ୍ଟି ନାହିଁ ତାକୁ ନେଇ ମଧ୍ୟ ଅନେକ ସୟରେ ଚର୍ଚ୍ଚା ଚାଳିଛି । ଏସମ୍ପର୍କରେ କେନାଲ ଦାୟୀତ୍ୱରେ ଥିବା ଏସଡ଼ିଓଙ୍କୁ ଯୋଗାଯୋଗ କରାଯାଇଥିଲେ ହେଁ ଯୋଗାଯୋଗ ସମ୍ଭବପର ହୋଇପାରିନାହିଁ । ତେଣୁ ଜନସାଧାରଣଙ୍କ ଉଦ୍ଦେଶ୍ୟରେ ନିର୍ମାଣ କରାଯାଇଥିବା ରେଙ୍ଗାଳୀ ଦକ୍ଷିଣ କେନାଲ ରାସ୍ତାକୁ ଜବରଦଖଲରୁ ମୁକ୍ତ କରାଯାଇ ଏହାକୁ ସର୍ବସାଧାରଣ ଚଳପ୍ରଚଳ ପାଇଁ ସୁଗମ କରାଯାଉ ବୋଲି ବିୁଦ୍ଧିଜୀବୀ ମହଲରେ ମତପ୍ରକାଶ ପାଇଥିବା ବେଳେ କାଳବିଳମ୍ବ ନକରି ତୁରନ୍ତ ରେଙ୍ଗାଳୀଦକ୍ଷିଣ କେନାଲ କର୍ତୁପକ୍ଷ, ଜିଲ୍ଳା ପ୍ରଶାସନ ଓ ସ୍ଥାନୀୟ ପ୍ରଶାସନ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହେଉଛି । ତେବେ ତାଳଚେର ସହରର ଏକନମ୍ବର ୱାର୍ଡ଼ ଠାରୁ ଆରମ୍ଭକରି ୨୧ନମ୍ବର ପର୍ଯ୍ୟନ୍ତ ଜବରଦଖଲ କରାଯାଇ ଲୋକଙ୍କ ହିତରେ ଲଗାଯାଉ ବୋଲି ବୁଦ୍ଧିଜୀବୀ ମହଲରେ ଦାବି ହେଉଛି ।
