ଆଜି ବିଶ୍ୱ ଭାରତୀ ସମାରୋହରେ ପ୍ରଧାନମନ୍ତ୍ରୀ ଡିଜିଟାଲ୍ ଭାବେ ଯୋଗଦେବେ
ଜେ ବି ଏନ, ୧୯/୦୨/୨୦୨୧, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଫେବୃଆରୀ ୧୯ ରେ ବିଶ୍ୱ ଭାରତୀ ସମାରୋହରେ ଡିଜିଟାଲ୍ ଭାବେ ଯୋଗଦେବେ। କେନ୍ଦ୍ରୀୟ ବିଶ୍ୱବିଦ୍ୟାଳୟ ଗୁରୁବାର ଏହି ସୂଚନା ଦେଇଛି। ପଶ୍ଚିମବଙ୍ଗର ବୀରଭୂମ ଜିଲ୍ଲାରେ ଅବସ୍ଥିତ ଏହି ବିଶ୍ୱବିଦ୍ୟାଳୟର କୁଳପତି ପ୍ରଧାନମନ୍ତ୍ରୀ ଅଛନ୍ତି ।
ଏହି ସମ୍ମିଳନୀରେ କେନ୍ଦ୍ର ଶିକ୍ଷା ମନ୍ତ୍ରୀ ରମେଶ ପୋଖରିଆଲ ନିଶଙ୍କ’ ଏବଂ ପଶ୍ଚିମବଙ୍ଗ ରାଜ୍ୟପାଳ ଜଗଦୀପ ଧନଖଡ ଯୋଗଦେବେ ବୋଲି ବିଶ୍ୱବିଦ୍ୟାଳୟ ପକ୍ଷରୁ କୁହାଯାଇଛି। ରାଜ୍ୟପାଳ ମଧ୍ୟ ବିଶ୍ୱ-ଭାରତୀର ରେକ୍ଟର ଅଛନ୍ତି ।
ଶାନ୍ତି ନିକେତନ କ୍ୟାମ୍ପସରେ ଆମ୍ର କୁଞ୍ଜରେ ଏହି ସମ୍ମିଳନୀ ସକାଳ ୯.୩୦ ରେ ଆରମ୍ଭ ହୋଇ ଅଢେଇ ଘଣ୍ଟା ପର୍ଯ୍ୟନ୍ତ ଚାଲିବ। ଏହି ଉତ୍ସବରେ ସୀମିତ ସଂଖ୍ୟକ ଛାତ୍ର ମଧ୍ୟ ଉପସ୍ଥିତ ରହିବେ।
