ଅଟୋ ସହ ଗଞ୍ଜେଇ ଜବତ, ୩ ଗିରଫ

ବାରିପଦା, ୧୮/୮ – ଗଂଜେଇ ଚୋରା ଚାଲାଣ ଅଭିଯୋଗରେ ପୋଲିସ ତିନି ଜଣଙ୍କୁ ଗିରଫ କରିବା ସହ ଏକ ଅଟୋ ଜବତ କରିଛି। ଗିରଫ ଅଭିଯୁକ୍ତମାନେ ହେଲେ ପଡୋଶୀ ଝାଡଖଣ୍ଡ ରାଜ୍ୟ କୁଆଳି ଥାନା ରୋଳାଡ଼ିହି ଗ୍ରାମର। ଏକ ଅଟୋରେ ଗଞ୍ଜେଇ ଚାଲାଣ ହେଉଥିବା ଖବର ପାଇ ସୀମାନ୍ତ ତିରିଂ ଥାନା ନୂଆଗାଁ ଗ୍ରାମ ଛକ ନିକଟରେ ପୋଲିସ ଗାଡିକୁ ଅଟକାଇ ଯାଞ୍ଚ କରିଥିଲା। ଗାଡି ଭିତରୁ ଏକ ଆଖରେ ଗଞ୍ଜେଇ ଥିବା ଜଣାପଡିଥିଲା। ମୋଟ ଛଅ କିଲୋ ଦୁଇଶହ ଗ୍ରାମ ଗଞ୍ଜେଇ ପୋଲିସ ଜବତ କରିଥିଲା।