ନୂଆଦିଲ୍ଲୀ: ‘ଅପରେସନ ସିନ୍ଦୂର’ର ସଫଳତା। ସଂସଦ ଆକ୍ରମଣର ମୋଷ୍ଟ ୱାଣ୍ଟେଡ ଆତଙ୍କବାଦୀ ମାସୁଦ ଆଜହର ପରିବାର ସଫା। ପରିବାରର ୧୦ରୁ ଊର୍ଦ୍ଧ୍ବ ସଦସ୍ୟଙ୍କ ମୃତ୍ୟୁ ନେଇ ମିଳିଛି ସୂଚନା। କାଳେ ନିଜେ ମାସୁଦ କାନ୍ଦି କାନ୍ଦି ଦାବି କରିଛି, ଭାରତର ଆକ୍ରମଣରେ ତାର ପରିବାର ନିପାତ ହୋଇଛି, ଯେଉଁଥିରେ ପ୍ରାୟ ୧୦ ରୁ ଅଧିକ ଲୋକ ରହିଥିଲେ।
ଏନେଇ ଜାତୀୟ ଗଣମାଧ୍ୟାମରେ ରିପୋର୍ଟ ପ୍ରକାଶ ପାଇଛି।ରିପୋର୍ଟ ଦାବି କରିଛି, ପାକିସ୍ତାନର ବାହାୱାଲପୁରରେ ଭାରତୀୟ ଆକ୍ରମଣରେ ଜୈଶ-ଏ-ମହମ୍ମଦ ମୁଖ୍ୟ ମାସୁଦ ଆଜହର କହିଛି ଯେ ତାଙ୍କ ପରିବାରର ପ୍ରାୟ ୧୦ ଜଣ ସଦସ୍ୟ ଏବଂ ଚାରି ଜଣ ସହଯୋଗୀ ନିହତ ହୋଇଛନ୍ତି। ମଙ୍ଗଳବାର ଦିନ ସକାଳ ୧.୦୫ ସମୟରେ ଭାରତ ପାକିସ୍ତାନ ଏବଂ ପାକ୍ ଅଧିକୃତ କାଶ୍ମୀରରେ ଜୈଶ, ଲସ୍କର-ଏ-ତୈବା ଏବଂ ହିଜବୁଲ ମୁଜାହିଦ୍ଦିନ ସହିତ ଜଡିତ ନଅଟି ଆତଙ୍କବାଦୀ ଶିବିର ଉପରେ ଆକ୍ରମଣ କରିଥିଲା। ଯାହା ବାହାୱାଲପୁରର ସୁଭାନ ଆଲ୍ଲାହ କମ୍ପ୍ଲେକ୍ସରେ ଆକ୍ରମଣ ‘ଅପରେସନ ସିନ୍ଦୁର’ର ଅଂଶ ଭାବରେ ଦୁଇଟି ଗୁରୁତ୍ୱପୂର୍ଣ୍ଣ ଆକ୍ରମଣ ମଧ୍ୟରୁ ଗୋଟିଏ ଥିଲା, ପହଲଗାମ ହତ୍ୟାକାଣ୍ଡର ଭାରତର ଜବାବ ଯେଉଁଥିରେ ପାକିସ୍ତାନ ସମର୍ଥିତ ଆତଙ୍କବାଦୀମାନେ ୨୬ ଜଣ ନିରୀହ ଲୋକଙ୍କୁ ହତ୍ୟା କରିଥିଲେ, ଯେଉଁଥିରେ ଅଧିକାଂଶ ପର୍ଯ୍ୟଟକ ରହିଥିଲେ।ଆହୁରି ମଧ୍ୟ, ଜୈଶ-ମହମ୍ମଦ ମୁଖ୍ୟ ବୟାନ ଅନୁଯାୟୀ, ନିହତ ଲୋକଙ୍କ ମଧ୍ୟରେ, ତା ବଡ଼ ଭଉଣୀ ଏବଂ ତାଙ୍କ ସ୍ୱାମୀ, ତାଙ୍କ ଭଣଜା ଏବଂ ତାଙ୍କ ସ୍ତ୍ରୀ, ଆଉ ଜଣେ ଭଣଜା ଏବଂ ତାଙ୍କ ପରିବାରର ପାଞ୍ଚ ଜଣ ପିଲା ଅଛନ୍ତି। ଏଥିସହିତ ମସୁଦର ୩ ଘନିଷ୍ଠ ସହଯୋଗୀ ଏବଂ ତାଙ୍କ ମାଆ ଏବଂ ଭାଇ ରଉଫ ଅଜହର ମଧ୍ୟ ଭାରତ ଆକ୍ରମଣରେ ନିହତ ହୋଇଛନ୍ତି। ଯାହାକୁ ନେଇ ମସୁଦ ଦାବି କରିଛି ତାକୁ ବି ମରିଯିବାର ଥିଲା।ତେବେ କହିରଖୁଛୁ, ପହଲଗାମ୍ ଆକ୍ରମଣର ବଡ଼ ପ୍ରତିଶୋଧ ପାଇଁ ଭାରତ ପାକିସ୍ତାନରେ ଆତଙ୍କବାଦୀ ଶିବିର ଉପରେ ଆକ୍ରମଣ କରିଛି। ଆଉ ବାହାବଲପୁର ହେଉଛି ପାକିସ୍ତାନର ୧୨ତମ ବୃହତ୍ତମ ସହର ଏବଂ ଏହା ଲାହୋରରୁ ୪୦୦ କିଲୋମିଟର ଦୂରରେ ଅବସ୍ଥିତ। ଯେଉଁଠାରେ ଏକ ମସଜିଦରେ ମସୁଦର ପରିବାର ଲୋକେ ରହିଥିବା ବେଳେ, ଉକ୍ତ ସୁଭାନ ଆଲ୍ଲାହ ଶିବିର ଧ୍ୱଂସାବଶେଷରେ ପରିଣତ ହୋଇଛି। ସୁଭାନ ଆଲ୍ଲାହ ଶିବିର ଭିତରେ ମସଜିଦର ଅବଶିଷ୍ଟାଂଶ ସବୁଠି ଫାଙ୍କା ଗାତ ଏବଂ ଭଗ୍ନାବଶେଷ ସ୍ଥିତି ରହିଥିବା ବେଳେ ସେଠି ତାର ବଂଶ ନିପାତ ହୋଇଥିବା ଦାବି କରିଛି ମସୁଦ। ୧୮ ଏକର ଉପରେ ବିସ୍ତାରିତ, ଏହି ଶିବିର ଉସମାନ-ଓ-ଅଲି କ୍ୟାମ୍ପସ୍ ଭାବରେ ମଧ୍ୟ ଜଣାଶୁଣା, ଯାହା ନିଯୁକ୍ତି, ପାଣ୍ଠି ସଂଗ୍ରହ ଏବଂ ଶିକ୍ଷା ପାଇଁ ଜେଇଏମର କେନ୍ଦ୍ର ଭାବରେ କାର୍ଯ୍ୟ କରେ।ମଙ୍ଗଳବାତ ରାତି ୧.୦୫ରେ ଆରମ୍ଭ ହୋଇ ୧.୩୦ରେ ଶେଷ ହୋଇଥିଲା । ୨୫ ମିନିଟରେ ୨୧ଟି ଟାର୍ଗେଟ ଉପରେ ଆକ୍ରମଣ କରି ଆତଙ୍କବାଦୀଙ୍କ ଆଡ୍ଡାକୁ ନିପାତ କରାଯାଇଥିଲା । ଭାରତୀୟ ଆକ୍ରମଣରେ ବାହାବଲପୁର ଏବଂ ମୁରିଦକେରେ ପ୍ରାୟ ୩୦ ଜଣ ଆତଙ୍କବାଦୀ ନିହତ ହୋଇଥିଲେ। ଅଧିକାରୀମାନେ ଅନ୍ୟ ସ୍ଥାନରେ ନିହତ ଆତଙ୍କବାଦୀଙ୍କ ସଂଖ୍ୟା ନିଶ୍ଚିତ କରୁଥିବା ବେଳେ, ପ୍ରାୟ ୭୦ ରୁ ୮୦ ଜଣ ଆତଂକବାଦୀ ନିଷ୍କ୍ରିୟ ହୋଇଥିବା ରିପୋର୍ଟ ହୋଇଛି।
