ବଅଁରପାଳ ମାଟିର ପୁଅ କାହ୍ନl ଙ୍କ କୃତିତ୍ୱ

ବଅଁରପାଳ,୧୯/୧୨ – ବଅଁରପାଳ ବ୍ଲକ ନୂଆହତା ପଞ୍ଚାୟତ ତାଳବାହାଳି ଗ୍ରାମର କାହ୍ନା ନାଏକ ଜୁନିୟର ନ୍ୟାସନାଲ ଭଲିବଲ ଚାମ୍ପିୟନସିପ ରେ ଭାଗ ନେବାପାଇଁ ଯୋଗ୍ୟ ବିବେଚିତ ହୋଇଛନ୍ତି । ଗତ ୧୬ ରୁ ଆସନ୍ତା ୨୧ ତାରିଖ ପର୍ଯ୍ୟନ୍ତ ରାଜସ୍ଥାନରେ ଖେଳାଯାଉଥ‌ିବା ଏହି ଚାମ୍ପିୟନସିପରେ କାହ୍ନା ନାଏକ ଓଡ଼ିଶା ଟିମ୍ରେ ସାମିଲ ହୋଇଛନ୍ତି। ଟାଟା ଷ୍ଟିଲ ଫାଉଣ୍ଡେସନ (ଟିଏସଏଫ୍) ପକ୍ଷରୁ ମେରାମଣ୍ଡଳୀରେ ଆୟୋଜିତ କ୍ରୀଡ଼ା କାର୍ଯ୍ୟକ୍ରମରେ ତାଙ୍କୁ ପ୍ରଶିକ୍ଷଣ ଦିଆଯାଇଛି। ତାଙ୍କର ନିୟମିତ ଅଭ୍ୟାସ, ଶୃଙ୍ଖଳିତ ଆଚରଣ, କୋଚ୍ ଓ ସହଯୋଗୀଙ୍କ ମାର୍ଗଦର୍ଶନ ଯୋଗୁଁ ସେ ଓଡ଼ିଶା ଟିମ୍ ରେ ସାମିଲ ହୋଇପାରିଛନ୍ତି ।ଗତ ୧୧ରୁ ୧୪ ତାରିଖ ଯାଏଁ ଭୁବନେଶ୍ୱରସ୍ଥିତ କିଟ ଏବଂ କିସ୍ କ୍ୟାମ୍ପସରେ ଇଣ୍ଟର ନ୍ୟାସନାଲ ଭଲିବଲ ଫେଡେରେସନ ପକ୍ଷରୁ ଆୟୋଜିତ ଏଫ୍‌ଆଇବିବି ଭଲିବଲ ଫେଷ୍ଟିଭାଲ ସପ୍ତାହରେ ଟିଏସଏଫ୍ ସ୍ପୋର୍ଟସ ୟୁନିଟକୁ ସାମିଲ କରିବାକୁ ଓଡ଼ିଶା ଭଲିବଲ ଆସୋସିଏସନ ମନୋନୀତ କରିଥିଲା। ଟିଏସଏଫ୍ ପକ୍ଷରୁ ତୃଣମୂଳସ୍ତରର ୪ଜଣ କୋଚ୍, ୫ ଜଣ ସିନିୟର ଖେଳାଳି ଏବଂ ୨୭ଜଣ ବାଳିକା ଏହି ୪ ଦିନିଆ କାର୍ଯ୍ୟକ୍ରମରେ ସାମିଲ ହୋଇଥିଲେ । ଏଥିରେ ଖେଳାଳିମାନଙ୍କୁ ପ୍ରଶିକ୍ଷଣ ସହ ସେମିନାର ଅଭିଜ୍ଞ କୋଚ୍ ଓ ଅଲିମ୍ପିକ ମେଡାଲ ବିଜେତାଙ୍କ ସହ ଆଲୋଚନା କାର୍ଯ୍ୟକ୍ରମ ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମ ଉଭୟ କୋଚ୍ ଓ ଖେଳାଳି ଉଭୟଙ୍କ ପାଇଁ ବେଶ ଉପଯୋଗୀ ରହିଥିଲା I କାହ୍ନାଙ୍କ ସଫଳତାକୁ ନେଇ ତାଙ୍କ ଗ୍ରାମ ଓ ପରିବାରରେ ଖୁସୀର ଲହରୀ ଖେଳିବା ସହ ବିଭିନ୍ନ ମହଲ ରୁ ଶୁଭେଚ୍ଛା ବାର୍ତ୍ତା ପହଞ୍ଚୁଛି l