ଭାରତ ସହିତ ସ୍ଥଳ ସୀମା ଲାଗିଥିବା ଦେଶଗୁଡ଼ିକରୁ ନିବେଶ ଉପରେ ମାର୍ଗଦର୍ଶିକାରେ ପରିବର୍ତ୍ତନକୁ କ୍ୟାବିନେଟ୍ ଅନୁମୋଦନ

ପି ଏନ୍ ୩ ଅଧୀନରେ ଅନୁମୋଦନ ଆବଶ୍ୟକ କରୁଥିବା ଗୁରୁତ୍ୱପୂର୍ଣ୍ଣ କ୍ଷେତ୍ରଗୁଡ଼ିକରେ ନିବେଶ ପାଇଁ ଏକ ନିର୍ଦ୍ଦିଷ୍ଟ ସମୟସୀମା ପ୍ରଦାନ କରିବା ପାଇଁ ଏଫଡିଆଇନୀତିରେ ପରିବର୍ତ୍ତନକୁ ଅନୁମୋଦନ କରିଛିକ୍ୟାବିନେଟ୍ ଏଫଡିଆଇନୀତିରେ ସଂଶୋଧନର ଲକ୍ଷ୍ୟ ହେଉଛି ଷ୍ଟାର୍ଟଅପ୍ ଏବଂ ଡିପ୍ ଟେକ୍ ପାଇଁ ବିଶ୍ୱସ୍ତରୀୟ ପାଣ୍ଠିରୁ ଅଧିକ ଏଫଡିଆଇପ୍ରବାହକୁ ଉନ୍ମୁକ୍ତ କରିବା, ବ୍ୟବସାୟିକ ସୁଗମତାକୁ ଆଗକୁ ବଢ଼ାଇବା ଭାରତରେ ଉତ୍ପାଦନ ବଢ଼ାଇବା ପାଇଁ କମ୍ପାନୀଗୁଡ଼ିକୁ ସହଭାଗିତା କରିବାରେ ସାହାଯ୍ୟ କରିବା ପାଇଁ ୬୦ ଦିନ ମଧ୍ୟରେ ତ୍ୱରିତ ନିଷ୍ପତ୍ତି ପ୍ରଯୁକ୍ତିବିଦ୍ୟାର ଉପଲବ୍ଧତା ଏବଂ ବିଶ୍ୱ ଯୋଗାଣ ଶୃଙ୍ଖଳ ସହିତ ସମନ୍ୱିତ କରିବା ପାଇଁ କମ୍ପାନୀଗୁଡ଼ିକୁ ମିଳିତ ଉଦ୍ୟୋଗରେ ପ୍ରବେଶ କରିବାରେ ସାହାଯ୍ୟ କରିବା ନିମନ୍ତେ ୬୦ ଦିନର ନିଷ୍ପତ୍ତି/ଅନୁମୋଦନ ସମୟସୀମା ସ୍ଥଳ ସୀମାବର୍ତ୍ତୀ ଦେଶଗୁଡ଼ିକରୁ ନିବେଶ ପାଇଁ ଏଫଡିଆଇନୀତିରେ ପରିବର୍ତ୍ତନକୁ କ୍ୟାବିନେଟ୍ ଅନୁମୋଦନ କରିଛି, ଏହା ଇଲେକ୍ଟ୍ରୋନିକ୍ ସାମଗ୍ରୀ, ପୁଞ୍ଜି ସାମଗ୍ରୀ ଏବଂ ସୌର ସେଲ୍ ଉତ୍ପାଦନରେ ସହାୟତା କରିବ ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀଙ୍କ ଅଧ୍ୟକ୍ଷତାରେ ଅନୁଷ୍ଠିତ କେନ୍ଦ୍ର କ୍ୟାବିନେଟ ଭାରତ ସହିତ ସ୍ଥଳ ସୀମା ଲାଗିଥିବା ଦେଶଗୁଡ଼ିକରୁ ନିବେଶ ପାଇଁ ମାର୍ଗଦର୍ଶିକାରେ ପରିବର୍ତ୍ତନକୁ ମଞ୍ଜୁର କରିଛି ।

ବର୍ତ୍ତମାନର ନୀତିକୁ ନିମ୍ନମତେ ସମୀକ୍ଷା ଏବଂ ସଂଶୋଧନ କରାଯାଇଛି:
କ. ‘ଲାଭକାରୀ ମାଲିକ’ (ବିଓ) ନିର୍ଣ୍ଣୟ ପାଇଁ ପରିଭାଷା ଏବଂ ମାନଦଣ୍ଡର ଅନ୍ତର୍ଭୁକ୍ତିକରଣ –
ଏହି ସଂଶୋଧନରେ ମନି ଲଣ୍ଡରିଂ ନିବାରଣ ନିୟମାବଳୀ, ୨୦୦୫ ଅନୁଯାୟୀ ନିବେଶକ ଗୋଷ୍ଠୀ ଦ୍ୱାରା ବ୍ୟାପକ ଭାବରେ ବ୍ୟବହୃତ ଲାଭକାରୀ ମାଲିକାନା ନିର୍ଣ୍ଣୟ ପାଇଁ ଏକ ପରିଭାଷା ଏବଂ ମାନଦଣ୍ଡ ପ୍ରଦାନ କରାଯାଇଛି।
ନିବେଶକ ସଂସ୍ଥା ସ୍ତରରେ ଲାଭଦାୟକ ମାଲିକାନା ପରୀକ୍ଷା ପ୍ରୟୋଗ କରାଯିବ।
ପ୍ରଯୁଜ୍ୟ କ୍ଷେତ୍ରୀୟ ସୀମା, ପ୍ରବେଶ ମାର୍ଗ, ସହାୟକ ସର୍ତ୍ତାବଳୀ ଅନୁଯାୟୀ ୧୦ପ୍ରତିଶତ ପର୍ଯ୍ୟନ୍ତ ଅଣ-ନିୟନ୍ତ୍ରିତ ଏଲବିସି ଲାଭକାରୀମାଲିକାନା ସହିତ ନିବେଶକମାନଙ୍କୁ ସ୍ୱୟଂଚାଳିତ ମାର୍ଗ ଅଧୀନରେ ଅନୁମତି ଦିଆଯିବ। ନିବେଶକାରୀ ସଂସ୍ଥା ଦ୍ୱାରା ଡିପିଆଇଆଇଟିକୁ ପ୍ରାସଙ୍ଗିକ ସୂଚନା/ବିବରଣୀର ରିପୋର୍ଟିଂ ଉପରେଏପରି ନିବେଶ ନିର୍ଭର କରିବ।
ଖ. ନିର୍ଦ୍ଦିଷ୍ଟ କ୍ଷେତ୍ରରେ ନିବେଶର ତ୍ୱରିତ ମଞ୍ଜୁରୀ –
ପୁଞ୍ଜିଗତ ସାମଗ୍ରୀ, ଇଲେକ୍ଟ୍ରୋନିକ୍ ପୁଞ୍ଜିଗତ ସାମଗ୍ରୀ, ଇଲେକ୍ଟ୍ରୋନିକ୍ ଉପାଦାନ, ପଲିସିଲିକନ୍ ଏବଂ ଇନଗଟ୍-ୱେଫରରେ ନିର୍ମାତାଙ୍କ ନିର୍ଦ୍ଦିଷ୍ଟ କ୍ଷେତ୍ର/କାର୍ଯ୍ୟକଳାପରେ ଏଲବିସି ନିବେଶ ପାଇଁ ପ୍ରସ୍ତାବଗୁଡ଼ିକ ଉପରେ୬୦ଦିନ ମଧ୍ୟରେ ପ୍ରକ୍ରିୟାକରଣ ଏବଂ ନିଷ୍ପତ୍ତି ନିଆଯିବ।
କ୍ୟାବିନେଟ ସଚିବଙ୍କ ଅଧୀନରେ ସିଓଏସନିର୍ଦ୍ଦିଷ୍ଟ କ୍ଷେତ୍ରଗୁଡ଼ିକର ତାଲିକାକୁ ମଧ୍ୟ ସଂଶୋଧନ କରିପାରନ୍ତି।
ଏହି ପରିସ୍ଥିତିରେ, ନିବେଶକ ସଂସ୍ଥାର ଅଧିକାଂଶ ଅଂଶଧନ ଏବଂ ନିୟନ୍ତ୍ରଣ ସର୍ବଦା ବାସିନ୍ଦା ଭାରତୀୟ ନାଗରିକ(ମାନଙ୍କ) ଏବଂ/କିମ୍ବା ବାସିନ୍ଦା ଭାରତୀୟ ନାଗରିକ(ମାନଙ୍କ)ଙ୍କ ମାଲିକାନାରେ ଏବଂ ନିୟନ୍ତ୍ରଣରେ ଥିବା ବାସିନ୍ଦା ଭାରତୀୟ ସଂସ୍ଥା(ମାନଙ୍କ) ପାଖରେ ରହିବ।
ପୃଷ୍ଠଭୂମି
କୋଭିଡ-୧୯ ମହାମାରୀ ଯୋଗୁଁ ଭାରତୀୟ କମ୍ପାନୀଗୁଡ଼ିକର ସୁଯୋଗବାଦୀ ଅଧିଗ୍ରହଣ/ଅକ୍ତିଆରକୁ ରୋକିବା ପାଇଁ, ସରକାର ପ୍ରେସ୍ ବିଜ୍ଞପ୍ତି୩(୨୦୨୦) ତାରିଖ ୧୭.୦୪.୨୦୨୦ (ପିଏନ୩) ମାଧ୍ୟମରେ ପ୍ରଚଳିତ ଏଫଡିଆଇନୀତିରେ ସଂଶୋଧନ କରିଥିଲେ। ପିଏନ୩ ଅନୁଯାୟୀ, ଭାରତ ସହିତ ସ୍ଥଳ ସୀମା ଲାଗିଥିବା କୌଣସି ଦେଶର ଏକ ସଂସ୍ଥାକିମ୍ବା ଭାରତରେ ନିବେଶର ଲାଭଦାୟକ ମାଲିକ ଏପରି କୌଣସି ଦେଶରେ ରହୁଥାନ୍ତି ଅଥବାଏପରି କୌଣସି ଦେଶର ନାଗରିକ ହୋଇଥା’ନ୍ତି ତା’ହେଲେ ସେମାନେ କେବଳ ସରକାରୀ ମାର୍ଗରେ ନିବେଶ କରିପାରିବ। ଏହା ସହିତ, ଭାରତରେ କୌଣସି ସଂସ୍ଥାରେ ଯେକୌଣସି ବର୍ତ୍ତମାନ କିମ୍ବା ଭବିଷ୍ୟତର ଏଫଡିଆଇର ମାଲିକାନା ସ୍ଥାନାନ୍ତର ଫଳରେ ଲାଭଦାୟକ ମାଲିକାନା ଉପରୋକ୍ତ କ୍ଷେତ୍ରାଧିକାର(ଗୁଡ଼ିକ) ମଧ୍ୟରେ ପଡ଼ିଥାଏ, ଏଥିପାଇଁ ମଧ୍ୟ ସରକାରଙ୍କ ଅନୁମୋଦନ ଆବଶ୍ୟକ। ଯେଉଁ କ୍ଷେତ୍ରରେ ଏଲବିସିନିବେଶକମାନଙ୍କର କେବଳ ଅଣ-ରଣନୀତିକ, ଅଣ-ନିୟନ୍ତ୍ରିତ ସ୍ୱାର୍ଥ ଥାଇପାରେ ସେ କ୍ଷେତ୍ରରେ ପିଏନ୩ପ୍ରତିବନ୍ଧକର ପ୍ରଯୁଜ୍ୟତାକୁ ପିଇ/ଭିସିପାଣ୍ଠି ଭଳି ବିଶ୍ୱସ୍ତରୀୟ ପାଣ୍ଠି ସମେତ ନିବେଶକଙ୍କ ନିବେଶ ପ୍ରବାହକୁ ପ୍ରତିକୂଳ ଭାବରେ ପ୍ରଭାବିତ କରୁଥିବା ଭାବରେ ଦେଖାଯାଇଥିଲା।
ଲାଭ:
ଆଶା କରାଯାଉଛି ଯେ ନୂତନ ମାର୍ଗଦର୍ଶିକା ଭାରତରେ ସ୍ପଷ୍ଟତା ଏବଂ ବ୍ୟବସାୟିକ ସୁଗମତା ପ୍ରଦାନ କରିବ। ଏହା ଅଧିକ ଏଫଡିଆଇପ୍ରବାହ, ନୂତନ ପ୍ରଯୁକ୍ତିବିଦ୍ୟାର ଉପଲବ୍ଧତା, ଘରୋଇ ମୂଲ୍ୟ ବୃଦ୍ଧି, ଘରୋଇ ଫାର୍ମଗୁଡ଼ିକର ବିସ୍ତାର ଏବଂ ବିଶ୍ୱ ଯୋଗାଣ ଶୃଙ୍ଖଳ ସହିତ ସମନ୍ୱୟ ଦିଗରେ ଯୋଗଦାନ ଦେଇପାରିବ ତଥା ଏପରି ନିବେଶକୁ ସହଜ କରିବ। ଏହା ଏକ ପସନ୍ଦିତ ନିବେଶ ଏବଂ ଉତ୍ପାଦନ ଗନ୍ତବ୍ୟସ୍ଥଳ ଭାବରେ ଭାରତର ପ୍ରତିଯୋଗିତାମୂଳକ କ୍ଷମତାକୁ ଉପଯୋଗ ଏବଂ ବୃଦ୍ଧି କରିବାରେ ସାହାଯ୍ୟ କରିବ। ବର୍ଦ୍ଧିତ ଏଫଡିଆଇପ୍ରବାହ ଘରୋଇ ପୁଞ୍ଜିକୁ ପରିପୂରକ କରିବ, ଆତ୍ମନିର୍ଭର ଭାରତର ଉଦ୍ଦେଶ୍ୟକୁ ସମର୍ଥନ କରିବ ଏବଂ ସାମଗ୍ରିକ ଆର୍ଥିକ ଅଭିବୃଦ୍ଧିକୁ ତ୍ୱରାନ୍ୱିତ କରିବ।