ସମ୍ଭାବ୍ୟ ଯୁଦ୍ଧକୁ ନେଇ ଜିଲ୍ଲା ସ୍ତରୀୟ ପ୍ରସ୍ତୁତି ବୈଠକ ଅନୁଷ୍ଠିତ
ଢେଙ୍କାନାଳ : ୦୬/୦୫- ଆଜି ଅପରାହ୍ନରେ ଜିଲ୍ଲାପାଳ ଶ୍ରୀ ସୋମେଶ କୁମାର ଉପାଧ୍ୟାୟଙ୍କ ଅଧ୍ୟକ୍ଷତାରେ ସମ୍ଭାବ୍ୟ ଯୁଦ୍ଧକୁ ନେଇ ଜିଲ୍ଲା ସ୍ତରୀୟ ପ୍ରସ୍ତୁତି ବୈଠକ ସଦଭାବନା ସଭା ଗୃହରେ ଅନୁଷ୍ଠିତ ହେଇଯାଇଛି l ଓଡିଶା ର ଯେଉଁ ୧୨ଗୋଟି ଜିଲ୍ଲାକୁ ସମ୍ଭାବ୍ୟ ଯୁଦ୍ଧକୁ ନେଇ ସତର୍କ ସୂଚନା ଦିଆଯାଇଛି ସେମାନଙ୍କ ମଧ୍ୟରୁ ଢେଙ୍କାନାଳ ଅନ୍ୟତମ l ଏହି ପ୍ରରିପ୍ରେକ୍ଷୀରେ ସମ୍ଭାବ୍ୟ ଯୁଦ୍ଧ ସମୟରେ ସାଧାରଣ ଜନତା କିଭଳି ସୁରକ୍ଷିତ ରହିବେ, ଧନଜୀବନ କିଭଳି ନଷ୍ଟ ନହେବ ଏବଂ ଏହାର ପରବର୍ତ୍ତୀ ସମୟରେ କିଭଳି ଉଦ୍ଧାର ଓ ଚିକିତ୍ସା କରାଯିବ ଓ ଯଦି କୌଣସି ଆପତ୍ତିକାଳୀନ ଅସୁବିଧା ହୁଏ ତେବେ ସେ ସମୟରେ କଣସବୁ କାର୍ଯ୍ୟପନ୍ଥା ରହିବ ସେ ବିଷୟରେ ଜିଲ୍ଲାପାଳ ଆଲୋକପାତ କରିଥିଲେ l ଏହି ସମୟରେ ସ୍ବେଛାସେବୀ ସଂଗଠନ, ନାଗରିକ ପ୍ରତିରକ୍ଷା ସଂସ୍ଥା, ବିଭିନ୍ନ ଏନଜିଓ, ଜାତୀୟ ସମର ଶିକ୍ଷାର୍ଥୀ ବାହିନୀ, ରେଡକ୍ରସ ଭୂମିକା ଗୁରୁତ୍ୱପୂର୍ଣ୍ଣ ଅଟେ ତେଣୁ ସମ୍ଭାବ୍ୟ ଯୁଦ୍ଧ ସ୍ଥିତିରେ ମୁକାବିଲା ପାଇଁ ସେମାନଙ୍କୁ ମଧ୍ୟ ଆସନ୍ତାକାଲି ପ୍ରଶିକ୍ଷଣ ଦିଆଯିବ l ସମ୍ଭାବ୍ୟ ଯୁଦ୍ଧ ସମୟରେ କଚ୍ଚା ଘରେ ରହୁଥିବା ଲୋକମାନଙ୍କୁ ମଧ୍ୟ ପକ୍କା ଘରକୁ ସ୍ଥାନନ୍ତର କରାଯିବ l ଏହାସହିତ ଏହି ସମୟରେ ନାଗରିକ ମାନଙ୍କ କଣ କାର୍ଯ୍ୟ ରହିବ ସେ ନେଇ ଏକ ମକଡ୍ରିଲ ଆସନ୍ତାକଲି ଅପରାହ୍ନ ୪ ଘଟିକା ସମୟରେ ସଦର ମହକୁମାରେ କରାଯିବ l ଯୁଦ୍ଧ ସମୟରେ ଶତ୍ରୁ ରାଷ୍ଟ୍ର ବାୟୁ ମାଧ୍ୟମରେ ମଧ୍ୟ ଗୋଳାଗୁଳି ବର୍ଷଣ କରିପାରେ ତେଣୁ ଏହି ସମୟରେ ଜିଲ୍ଲା ପ୍ରଶାସନ ପକ୍ଷରୁ ସାଧାରଣ ଜନତା ପାଇଁ ସତର୍କ ଘଣ୍ଟି ବଜlଯିବ l ଦିବାଲୋକ ରେ ଯଦି ଏହି ଘଣ୍ଟି ବାଜେ ତେବେ ସେହି ସମୟରେ ଲୋକାମାନେ ନିକଟସ୍ଥ କୋଠାଘରକୁ ତୁରନ୍ତ ଯିବାକୁ ହେବ l ଏବଂ ରାତ୍ର କାଳରେ ଯଦି ଏହି ଘଣ୍ଟି ବାଜେ ତେବେ ନିକଟସ୍ଥ କୋଠାଘରକୁ ଯିବା ସହିତ ସେଠାକାର ବିଜୁଳି ବନ୍ଦ କରିଦେବାର ଅଛି l କାରଣ ଯେପରି ଶତ୍ରୁପକ୍ଷ ଅନ୍ଧାରରେ ସଠିକ ଆକ୍ରମଣ କରିପାରିବେନାହିଁ l ଏହାସହିତ ଏବେ ସମ୍ଭାବ୍ୟ ଯୁଦ୍ଧକୁ ନେଇ ମକଡ୍ରିଲ କରାଯାଉଛି ତେଣୁ କୌଣସି ପ୍ରକାର ବ୍ୟତିବ୍ୟସ୍ତ ନହେବାକୁ ଜିଲ୍ଲାପାଳ କହିଛନ୍ତି l ଏହି ବୈଠକରେ ଜିଲ୍ଲା ଆରକ୍ଷୀ ଅଧିକ୍ଷକ ଶ୍ରୀ ଅଭିନଵ ସୋନକର, ଅତିରିକ୍ତ ଜିଲ୍ଲାପାଳ ଶ୍ରୀ ରମେଶ ଚନ୍ଦ୍ର ସେଠି, ଅତରିକ୍ତ ଆରକ୍ଷୀ ଅଧିକ୍ଷକ ଶ୍ରୀ ସୂର୍ଯ୍ୟମଣି ପ୍ରଧାନ, ଜିଲ୍ଲାପରିଷଦ ମୁଖ୍ୟ ଉନ୍ନୟନ ତଥା ନିର୍ବାହୀ ଅଧିକାରୀ ଶ୍ରୀ ଦୀପ୍ତି ରଞ୍ଜନ ସେଠି, ସଦର ଉପଜିଲ୍ଲାପାଳ ଶ୍ରୀ ବିବୁଧ ଗଡ଼ନାୟକ, କାମକ୍ଷାନଗର ଉପଜିଲ୍ଲାପାଳ ଶ୍ରୀ ଦିନମଣୀ ନାୟକ, ସମସ୍ତ ବିଡ଼ିଓ, ତହସିଲଦାର, ପୋଲିସ ବିଭାଗର ଅଧିକାରୀଗଣ, ଅଗ୍ନିଶମ ଅଧିକାରୀ ଓ ସମ୍ପୃକ୍ତ ବିଭାଗୀୟ ଅଧିକାରୀ ମାନେ ଯୋଗଦେଇଥିଲେ l ଏହି ପ୍ରରିପ୍ରେକ୍ଷୀରେ ଏକ ସାମ୍ବାଦିକ ସମ୍ମିଳନୀର ଆୟୋଜନ କରାଯାଇଥିଲା l ଜିଲ୍ଲାପାଳ ଶ୍ରୀ ଉପାଧ୍ୟାୟ ଏହି ସମ୍ମିଳନୀରେ ଲୋକମାନଙ୍କୁ ବ୍ୟସ୍ତ ନହୋଇ ଯାହା ସରକାରଙ୍କ ତରଫରୁ ସୂଚନା ଦିଆଯାଉଛି ତାହା ପାଳନ କରିବାକୁ ନିବେଦନ କରିଛନ୍ତି l ସମ୍ଭାବ୍ୟ ଯୁଦ୍ଧ ପରିସ୍ଥିତିରେ ସତର୍କ ଓ ସଜାଗ ରହିବାକୁ କହିଛନ୍ତି l
