ଚଣ୍ଡିଗଡ଼: ଶିରୋମଣି ଅକାଳୀ ଦଳ (SAD)ର ବରିଷ୍ଠ ନେତା ଏବଂ ପୂର୍ବତନ କେନ୍ଦ୍ରମନ୍ତ୍ରୀ ସୁଖଦେବ ସିଂ ଢିଣ୍ଡସାଙ୍କର ପରଲୋକ ଘଟିଛି । ବୁଧବାର ସନ୍ଧ୍ୟାରେ ମୋହାଲିରେ ତାଙ୍କର ଦେହାନ୍ତ ହୋଇଛି ।ମୃତ୍ୟୁ ବେଳକୁ ତାଙ୍କୁ ୮୯ ବର୍ଷ ବୟସ ହୋଇଥିଲା । ବାର୍ଦ୍ଧକ୍ୟଜନିତ ଅସୁସ୍ଥତା ଯୋଗୁଁ ତାଙ୍କୁ ମୋହାଲିର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା ।
ତାଙ୍କ ବିୟୋଗରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ଅନେକ ନେତା ଶୋକ ପ୍ରକାଶ କରିଛନ୍ତି ।ସୁଖଦେବ ସିଂହ ଢିଣ୍ଡସା ବହୁତ ଦିନ ଧରି ଅସୁସ୍ଥ ଥିଲେ । ପରିବାର ଲୋକଙ୍କ କହିବା ଅନୁଯାୟୀ, ତାଙ୍କୁ ମଙ୍ଗଳବାର ମୋହାଲିର ଏକ ହସ୍ପିଟାଲରେ ଭର୍ତ୍ତି କରାଯାଇଥିଲା। କିନ୍ତୁ ବୁଧବାର ସନ୍ଧ୍ୟାରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି । ତାଙ୍କ ପୁଅ ପରମିନ୍ଦର ସିଂହ ଢିଣ୍ଡସା ପୂର୍ବ ଅକାଳୀ ସରକାରରେ ଅର୍ଥମନ୍ତ୍ରୀ ଥିଲେ । ଢିଣ୍ଡସା ଏକ ଅକାଳୀ ଦଳ ଟିକେଟରେ ସଙ୍ଗରୁର ଲୋକସଭା ଆସନରୁ ପ୍ରତିନିଧିତ୍ୱ କରିଥିଲେ । ସେ ଅଟଳ ବିହାରୀ ବାଜପେୟୀଙ୍କ ସରକାରରେ କେନ୍ଦ୍ର ମନ୍ତ୍ରୀ ମଧ୍ୟ ଥିଲେ । ସେ ରାଜନୀତିରେ ବହୁତ ଆଗକୁ ଆସିଛନ୍ତି ଏବଂ ଅନେକ ଗୁରୁତ୍ୱପୂର୍ଣ୍ଣ ପଦବୀରେ କାର୍ଯ୍ୟ କରିଛନ୍ତି ।ତାଙ୍କ ବିୟୋଗରେ ଶୋକ ପ୍ରକାଶ କରି ପ୍ରଧାନମନ୍ତ୍ରୀ ମୋଦି କହିଛନ୍ତି ଯେ, ସୁଖଦେବ ସିଂହ ଢିଣ୍ଡସା ଜୀଙ୍କ ବିୟୋଗ ଆମ ଦେଶ ପାଇଁ ଏକ ବଡ଼ କ୍ଷତି । ସେ ଜଣେ ମହାନ ରାଜନେତା ଥିଲେ ଯାହାଙ୍କର ଅପାର ଜ୍ଞାନ ଏବଂ ଜନସେବା ପ୍ରତି ଅଟଳ ପ୍ରତିବଦ୍ଧତା ଥିଲା । ସେ ଜଣେ ମହାନ ନେତା ଥିଲେ ଏବଂ ଲୋକଙ୍କ ସେବା କରିବାକୁ ସର୍ବଦା ପ୍ରସ୍ତୁତ ରହୁଥିଲେ ।The passing of Shri Sukhdev Singh Dhindsa Ji is a major loss to our nation. He was a towering statesman with great wisdom and an unwavering commitment to public service. He always had a grassroots level connect with Punjab, its people and culture. He championed issues like rural… pic.twitter.com/zxDahJrNBO— Narendra Modi (@narendramodi)
ପ୍ରଧାନମନ୍ତ୍ରୀ ମୋଦୀ ଆହୁରି କହିଛନ୍ତି ଯେ, ତାଙ୍କର ସର୍ବଦା ପଞ୍ଜାବ, ଏହାର ଲୋକ ଏବଂ ସଂସ୍କୃତି ସହିତ ତୃଣମୂଳ ସ୍ତରର ସମ୍ପର୍କ ରହିଛି । ସେ ଗ୍ରାମୀଣ ବିକାଶ, ସାମାଜିକ ନ୍ୟାୟ ଏବଂ ସର୍ବାଙ୍ଗୀନ ବିକାଶ ଭଳି ପ୍ରସଙ୍ଗଗୁଡ଼ିକୁ ସମର୍ଥନ କରୁଥିଲେ । ସେ ସର୍ବଦା ଆମର ସାମାଜିକ ଗଠନକୁ ସୁଦୃଢ଼ କରିବା ପାଇଁ କାର୍ଯ୍ୟ କରୁଥିଲେ । ପ୍ରଧାନମନ୍ତ୍ରୀ ମୋଦି ଏହା ମଧ୍ୟ କହିଥିଲେ ଯେ ତାଙ୍କୁ ବହୁ ବର୍ଷ ଧରି ଢିଣ୍ଡସା ଜୀଙ୍କୁ ଜାଣିବାର ସୁଯୋଗ ମିଳିଛି ଏବଂ ସେ ତାଙ୍କ ସହ ଅନେକ ପ୍ରସଙ୍ଗରେ କଥା ହୋଇଥିଲେ ।
