ଭୁବନେଶ୍ୱର: ରାଜ୍ୟ ସରକାରୀ କର୍ମଚାରୀଙ୍କ ପାଇଁ ଆସିଛି ବଡ଼ ଆର୍ଥିକ ଖୁସି ଖବର। ରାଜ୍ୟ ସରକାର ମହଙ୍ଗା ଭତ୍ତା (ଡିଏ)ରେ ୫ ପ୍ରତିଶତ ବୃଦ୍ଧି ଘୋଷଣା କରିଛନ୍ତି। ଏହା ସହିତ କର୍ମଚାରୀଙ୍କ ଡିଏ ୨୫୭ ପ୍ରତିଶତରୁ ବଢ଼ି ୨୬୨ ପ୍ରତିଶତରେ ପହଞ୍ଚିଛି।
ସରକାରଙ୍କ ଘୋଷଣା ଅନୁସାରେ, ବୃଦ୍ଧିପ୍ରାପ୍ତ ଡିଏ ଚଳିତ ବର୍ଷ ଜାନୁଆରି ୧ ତାରିଖରୁ ପିଛିଲା ଭାବେ ଲାଗୁ ହେବ। ଏହାର ଅର୍ଥ, କର୍ମଚାରୀମାନେ କେବଳ ବଢ଼ିଥିବା ମହଙ୍ଗା ଭତ୍ତା ନୁହେଁ, ବରଂ ଜାନୁଆରିରୁ ଜୁନ୍ ପର୍ଯ୍ୟନ୍ତର ବକେୟା ରାଶି ମଧ୍ୟ ପାଇବେ।
ଏହି ନିଷ୍ପତ୍ତିରେ ରାଜ୍ୟର ହଜାର ହଜାର ସରକାରୀ କର୍ମଚାରୀ ସିଧାସଳଖ ଭାବେ ଲାଭବାନ ହେବେ। ବର୍ତ୍ତମାନ ବଢ଼ୁଥିବା ଦ୍ରବ୍ୟମୂଲ୍ୟ ଓ ଜୀବନଯାପନ ଖର୍ଚ୍ଚ ମଧ୍ୟରେ ଏହି ଡିଏ ବୃଦ୍ଧି କର୍ମଚାରୀଙ୍କ ପାଇଁ ବଡ଼ ଆର୍ଥିକ ସହାୟତା ବୋଲି ଧରାଯାଉଛି।
ବଢ଼ିଥିବା ଭତ୍ତା ସହ ବକେୟା ଟଙ୍କା ମିଳିବାକୁ ଥିବାରୁ ସରକାରୀ କର୍ମଚାରୀଙ୍କ ମଧ୍ୟରେ ଉତ୍ସାହ ଓ ଖୁସିର ପରିବେଶ ସୃଷ୍ଟି ହୋଇଛି। ଏହି ଘୋଷଣା ସରକାରଙ୍କ ପକ୍ଷରୁ କର୍ମଚାରୀଙ୍କ ପ୍ରତି ଏକ ଗୁରୁତ୍ୱପୂର୍ଣ୍ଣ ଆର୍ଥିକ ପଦକ୍ଷେପ ବୋଲି ମନେ କରାଯାଉଛି।
