ଢେଙ୍କାନାଳ ଡାକମଣ୍ଡଳ ତରଫରୁ ଜାତୀୟ ଡାକ ଦିବସ ପାଳିତ
ଆଜି ୧୦.୧୦.୨୦୨୩: ଢେଙ୍କାନାଳ ଡାକମଣ୍ଡଳର ଢେଙ୍କାନାଳ ତଥା ଅନଗୁଳ ଜିଲ୍ଲାର ବିଭିନ୍ନ ସ୍ଥାନରେ ଜାତୀୟ ଡାକ ସପ୍ତାହ ଅବସରରେ ବିତ୍ତୀୟ ସଶକ୍ତିକରଣ ଦିବସ ପାଳନ ହୋଇଯାଇଅଛି । ଆଜି ଢେଙ୍କାନାଳ ଡାକ ଉପଖଣ୍ଡ ନିରୀକ୍ଷକ ଶ୍ରୀ ସଦାଶିବ ରାଉତଙ୍କ ନେତୃତ୍ୱରେ ଗଦାଶିଳା ଉପଡାକ ଘର ଅଧିନସ୍ଥ କାସିଆଡିହି ଗ୍ରାମର କଲ୍ୟାଣ ମଣ୍ଡପଠାରେ ରେ ବିତ୍ତୀୟ ସଶକ୍ତିକରଣ ଦିବସରେ ଏକ ଡାକମେଳା ଅନୁଷ୍ଠିତ ହୋଇଯାଇଅଛି।
ଉକ୍ତ ମେଳାରେ ଢେଙ୍କାନାଳ ଡାକମଣ୍ଡଳର ଡାକ ଅଧିକ୍ଷକ ଶ୍ରୀ ଜଗଦୀଶ ଦାଶ ମହୋଦୟ, ଗ୍ରାମର ସଭାପତି ମାନନୀୟ ଶ୍ରୀଯୁକ୍ତ ପଦ୍ମଚରଣ ପାତ୍ର,ଜିଲ୍ଲା ସ୍ୱଳ୍ପ ସଞ୍ଚୟ ଅଧିକାରୀ ଅଭିଲିପ୍ସା ବିଶ୍ୱାଳ,ଢେଙ୍କାନାଳ ଡାକ ଉପଖଣ୍ଡ ନିରୀକ୍ଷକ ଶ୍ରୀ ସଦାଶିବ ରାଉତ ଏବଂ ଇଣ୍ଡିଆ ପୋଷ୍ଟ ପେମେଂଟସ ବ୍ୟାଙ୍କର ମ୍ୟାନେଜର ଶ୍ରୀ ପ୍ରଶାନ୍ତ କୁମାର ପଣ୍ଡାଙ୍କ ସମେତ ୧୫୦ ରୁ ଉର୍ଦ୍ଧ୍ବ ଗ୍ରାମବାସୀଙ୍କ ସମେତ ବହୁ ଡାକ କର୍ମଚାରୀ ଉପସ୍ଥିତ ଥିଲେ। ଗତକାଲି ସାରା ବିଶ୍ୱ ୯ ଅକ୍ଟୋବର ରେ “ବିଶ୍ୱ ଡାକ ଦିବସ” ପାଳନ କରିଥିବାବେଳେ ଆଜି ୧୦/୧୦/୨୦୨୩ ରେ ଜାତୀୟ ଡାକ ଦିବସ ଅବସରରେ ସମଗ୍ର ଦେଶରେ ବିଭିନ୍ନ କାର୍ଯ୍ୟକ୍ରମ ମାଧ୍ୟମରେ ବିତ୍ତୀୟ ସଶକ୍ତିକରଣ ଉପରେ ଗୁରୁତ୍ୱରୋପ କରାଯାଇଅଛି। ଉକ୍ତ ସଭାରେ ଭାରତୀୟ ଡାକବିଭାଗର ବିଭିନ୍ନ ଉତ୍ପାଦ ଏବଂ ସେବା ବିଷୟରେ ଗ୍ରାମବାସୀମାନଙ୍କୁ ସଚେତନ କରାଇବା ସହିତ ଏହାର କିପରି ଲାଭ ଉଠାଇପାରିବେ ଆଲୋଚନା କରାଯାଇଥିଲା। ଉକ୍ତ ସଭାରେ ୧୦ ଜଣ ମହିଳାଙ୍କୁ ମହିଳା ସମ୍ମାନ ସଞ୍ଚୟ ପତ୍ର ପାସବୁକ ପ୍ରଦାନ କରାଯାଇଥିଲା। ଡାକ ଅଧିକ୍ଷକ ଶ୍ରୀ ଦାଶ କହିଥିଲେ ଯେ ଅନ୍ୟ ବ୍ୟାଙ୍କ ତୁଳନାରେ ଡାକଘର ସଞ୍ଚୟ ଯୋଜନା ଅଧିକ ସୁଧ ହାର ଦେଉଥିବା ବେଳେ ଏଟିମ,ଚେକବୁକ,ଇଣ୍ଟରନେଟ ଏବଂ ମୋବାଇଲ ବ୍ୟାଙ୍କିଙ୍କର ଭଳି ଉନ୍ନତମାନର ସେବା ଯୋଗାଇଦେଉଛି, ଏବଂ ଏହାର ଲାଭ ନିକଟସ୍ଥ ଡାକଘର ଉଠାଇବାକୁ ଜନସାଧାରଣଙ୍କୁ ଅବଗତ କରାଇଥିଲେ। ସଞ୍ଚୟ ଯୋଜନା ସହିତ ଡାକ ଜୀବନ ବୀମା, ଇଣ୍ଡିଆ ପୋଷ୍ଟ ପେମେଂଟସ ବ୍ୟାଙ୍କର ବିଭିନ୍ନ ସେବାର ଲାଭ ବିଷୟରେ ବିସ୍ତୃତ ଭାବରେ ଲୋକମାନଙ୍କୁ ଅବଗତ କରାଇଥିଲେ।
ପରିଶେଷରେ ଡାକ ଓଭରସର ଶ୍ରୀ ଅଭିଳାଷ ମହାପାତ୍ର ଏବଂ ମୋତିଲାଲ ପୃଷ୍ଟି ଧନ୍ୟବାଦ ଅର୍ପଣ କରିବସହିତ ଶ୍ରୀ ଅକ୍ଷୟ ସାହୁ ମଞ୍ଚ ପରିଚାଳନା କରିଥିଲେ
