ଗୁଦ ଗୁଦା ସାହିତ୍ୟ ସଂସଦ ପକ୍ଷରୁ ନୂଆଁ ଖାଇ ଭେଟ ଘାଟ ଉତ୍ସବ ଓ ସାରସ୍ଵତ ଆସର
କୁଚିଣ୍ଡା :୮/୯: ଗୁଦ ଗୁଦା ସାହିତ୍ୟ ସଂସଦର ସଭାପତି ସୁବାସ ଚନ୍ଦ୍ର ନାୟକଙ୍କ ଅଧ୍ୟକ୍ଷତାରେ କୁଚିଣ୍ଡା ସ୍ଥିତ ଏକଲବ୍ୟ ଆବାସିକ ଆଦର୍ଶ ବିଦ୍ୟାଳୟରେ ନୂଆଁ ଖାଇ ଭେଟ ଘାଟ ଉତ୍ସବ ଅନୁଷ୍ଠିତ ହୋଇ ଯାଇଛି ।ଏଥିରେ ମୁଖ୍ୟ ଅତିଥି ଭାବରେ ପୂର୍ବତନ ବିଧାୟକ ବୃନ୍ଦାବନ ମାଝୀ , ଏକଲବ୍ୟ ଆଦର୍ଶ ବିଦ୍ୟାଳୟର ଅଧ୍ୟକ୍ଷା ଡ଼. ଜ୍ୟୋତ୍ସ୍ନା ପ୍ରିୟା ବେହେରା ସମ୍ମାନିତ ଅତିଥି, ଲକ୍ଷ୍ମୀ ନାରାୟଣ କଲେଜ୍ ଝାରସୁଗୁଡ଼ା ର ଅବସର ପ୍ରାପ୍ତ ପ୍ରାଧ୍ୟାପକ ରୋହିତ ପଟେଲ ମୁଖ୍ୟ ବକ୍ତା ଓ ସାମାଜିକ କର୍ମୀ ଡେହେରିଆ ସମ୍ମାନିତ ବକ୍ତା ଭାବରେ ଯୋଗଦେଇ ନୂଆଁ ଖାଇ ଏକ ଆଦିବାସୀ ଓ ଚାଷୀଙ୍କ ପର୍ବ ହୋଇଥିବା ବେଳେ ଏବେ ତାହା ଗଣ ପର୍ବ ହୋଇ ସରିଛି ।ଏହି ପର୍ବ ଏବେ କେବଳ ପଶ୍ଚିମ ଓଡ଼ିଶା ନୁହେଁ ଓଡ଼ିଶା ବ୍ୟାପୀ ହେବାରେ ଲାଗି ଥିବ ବେଳେ ବିଶ୍ଵର ସମଗ୍ର ଓଡ଼ିଆ ଅଧ୍ୟୁସିତ ଅଞ୍ଚଳରେ ପାଳନ କରି ଭାଇ ଚାରା ବଜାୟ ରଖି ଥିବାରୁ ଅତିଥି ଗଣ ସନ୍ତୋଷ ପ୍ରକାଶ କରିଥିଲେ ।ଏହି ଅବକାଶ ରେ ସାତକମା ନିବାସୀ ଆଦର୍ଶ ଶିକ୍ଷିତ ଚାଷୀ ଦମ୍ପତ୍ତି ବିଗତ କିଛି ବର୍ଷ ହେଲା କୁଚିଣ୍ଡା ସମଲେଇ ମନ୍ଦିର ସହ କୁଚିଣ୍ଡା କୋଳବିରା ଆଦି ଅଂଚଳକୁ ନୂଆଁ ଖାଇ ବେଳେ ସରିଆ ଧାନ ଯୋଗାଇ ଦେଉ ଥିବାରୁ ଆଲୋକ ପଟେଲ ଓ ତୃଷ୍ଣା ପଟେଲ ଙ୍କୁ ଆଦର୍ଶ ଚାଷୀ ଦମ୍ପତ୍ତି ଭାବରେ ମାନପତ୍ର ଓ ଉପଢ଼ୌକନ ଦେଇ ସମ୍ବର୍ଦ୍ଧିତ କରାଯାଇ ଥିଲା ।ଏଥି ସହ ସାହିତ୍ୟ କ୍ଷେତ୍ର କୁ ଅବଦାନ ପାଇଁ ବେଳପାହାଡ଼ ର ସଞ୍ଜୟ ମହାରଣା,କଳାହାଣ୍ଡିର ଧନୁର୍ଜୟ ମାଝୀ, ବରଗଡ଼ର ଦୀପକ ବଢେଇ ,ବାମରା ବ୍ଲକର ପ୍ରଭାତ ନାଏକ, ଜମନକିରା ବ୍ଲକର ହୃଷୀକେଶ ନାଏକ,ବର୍ଷୀୟାନ କବି ପରମେଶ୍ବର ପଟେଲ,ବସନ୍ତ ଚୌଧୁରୀ, ପ୍ରମୋଦ କର୍ସେଲ , ନାରୀକବି ସୁସ୍ମିତା ପଟେଲ , ରଜନୀ ପଟେଲ, ନନ୍ଦିନୀ ନାଏକ, ରୁଦ୍ର ନାରାୟଣ ମିଶ୍ର ,ଶେଖର ବନମାଳୀ ନାମ ଦେଓ ,ସୁବାସ ନାୟକ ଓ ଝାରସୁଗୁଡାର ପ୍ରେମ ସାଗର ପ୍ରମୁଖ ପନ୍ଦର ଜଣ ସାରସ୍ଵତ ପ୍ରତିଭା ଙ୍କୁ ଅତିଥି ଗଣ ସମ୍ମାନିତ କରିଥିଲେ ।ପ୍ରାରମ୍ଭରେ ବିଦ୍ୟାଳୟ ର ଛାତ୍ରୀ ଗଣ ରାଷ୍ଟ୍ର ଭାଷାରେ ସ୍ଵାଗତ ସଙ୍ଗୀତ ଗାନ କରିଥିବା ବେଳେ ଅଧ୍ୟାପକ ରବିନ୍ଦ୍ର କୁମାର ଦାସ ସ୍ଵାଗତ ଭାଷଣ , ସଂସଦର ସମ୍ପାଦକ ଶେଖର ବନମାଳୀ ନାମଦେଓ ଅତିଥି ପରିଚୟ ପ୍ରଦାନ କରିଥିଲେ । ଦିତୀୟ ଅଧିବେଶନରେ କବି ସୁସ୍ମିତା ପଟେଲ ଓ ରଜନୀ ପଟେଲଙ୍କ ସଂଯୋଜନାରେ କଳାହାଣ୍ଡି ,ବରଗଡ଼,ଝାରସୁଗୁଡ଼ା,ସମ୍ବଲପୁର ଓ ଦେବଗଡ଼ ଜିଲ୍ଲାରୁ ଆସିଥିବା ଅର୍ଦ୍ଧ ଶତ କବି ଓ କବିୟତ୍ତ୍ରୀ ସ୍ବରଚିତ ନୂଆଁ ଖାଇ ଆଧାରିତ ସମ୍ବଲପୁରୀ କବିତା ପାଠ କରି ପରିବେଶ କୁ ରସମୟ କରିଦେଇଥିଲେ । ଏହି ଅଧିବେଶନ ରେ ଅଧ୍ୟକ୍ଷ ଡ ଜ୍ୟୋତ୍ସ୍ନା ପ୍ରିୟା ବେହେରା ସଭାପତିତ୍ବ କରିଥିବା ବେଳେ ଅବସର ପ୍ରାପ୍ତ ଅଧ୍ୟକ୍ଷ ସୁବାସ ନାୟକ ମୁଖ୍ୟ ଅତିଥି ଭାବରେ ମଞ୍ଚାସିନ ଥିଲେ ବରିଷ୍ଠ ସାମ୍ବାଦିକ ସୁମନ୍ତ ବହିଦାର ସମ୍ମାନିତ ଅତିଥି ଭାବରେ ଯୋଗଦେଇଥିଲେ ।ଇଂରେଜୀ ଅଧ୍ୟାପକ ରୁଦ୍ର ନାରାୟଣ ମିଶ୍ର କବିତା ଗୁଡ଼ିକ ସମୀକ୍ଷା କରିବା ସହ ଧନ୍ୟବାଦ ଅର୍ପଣ କରିଥିଲେ ।କବିୟତ୍ରୀ ସୌଦାମିନୀ ପଟେଲ ଓ ରାଜେନ୍ଦ୍ର ମହାପାତ୍ର ପ୍ରମୁଖ ସ୍ଥାନୀୟ କବି ମଧ୍ୟ କବିତା ପାଠ କରିଥିଲେ ।ସମସ୍ତଙ୍କ ପାଇଁ ନୂଆଁ ସରିଆ ଧା ନର ଚାଉଳ ଭୋଗ ସହ ମଧ୍ୟାହ୍ନ ଭୋଜନରେ ଅଧ୍ୟକ୍ଷ ଓ ସଂସଦ କର୍ମକର୍ତ୍ତା ଆପ୍ୟାୟିତ କରିଥିଲେ ।
